ថ្ងៃនេះ មានយានយន្ត ៧៤គ្រឿង ដែលល្មើសច្បាប់ចរាចរណ៍ផ្លូវគោក និងត្រូវបានផាកពិន័យ នៅទូទាំងប្រទេស

បើតាមអគ្គស្នងការដ្ឋាននគរបាលជាតិ បង្ហាញលទ្ធផលត្រួតពិនិត្យការអនុវត្តច្បាប់ចរាចរណ៍ផ្លូវគោកថ្ងៃទី២៩ ខែមករា ឆ្នាំ២០២៥ថា មានយានយន្តល្មើសចំនួន ៧៤គ្រឿង ត្រូវបានផាកពិន័យតាមអនុក្រឹត្យលេខ៣៩ នៅទូទាំងប្រទេស។

តាមរបាយការណ៍ពី នាយកដ្ឋាននគរបាលចរាចរណ៍ និងសណ្តាប់ធ្នាប់សាធារណៈ ស្តីពីការរឹតបន្ដឹងច្បាប់ចរាចរណ៍ផ្លូវគោក នៅថ្ងៃទី២៩ ខែមករា ឆ្នាំ២០២៥ បានឲ្យដឹងថា ចំនួនគោលដៅសរុប ១១៩គោលដៅ មានយានយន្តចូលគោលដៅចំនួន ៧៧គ្រឿង ក្នុងនោះរថយន្តតូច ៤០គ្រឿង និងម៉ូតូ ៣៧គ្រឿង ដោយរកឃើញ យានយន្តល្មើសសរុបចំនួន ៧៤គ្រឿង, រថយន្តតូច ៣៧គ្រឿង និងម៉ូតូ ៣៧គ្រឿង និងត្រូវបានផាកពិន័យតាមអនុក្រឹត្យលេខ ៣៩.អនក្រ.បក នៅទូទាំងប្រទេស ។

ប្រភពដដែល បញ្ជាក់ថា ចាប់ពីថ្ងៃទី១ ដល់ថ្ងៃទី២៩ ខែមករា ឆ្នាំ២០២៥ មានយានយន្តចូលគោលដៅចំនួន ៣,៨៩៤គ្រឿង, រថយន្តធំ ៣៣គ្រឿង, រថយន្តតូច ១,៧៩៨គ្រឿង, ម៉ូតូ ២,០៦៣គ្រឿង ។ ក្នុងនោះរកឃើញយានយន្តល្មើសសរុបចំនួន ៣,០៣៣គ្រឿង, រថយន្តធំ ៣១គ្រឿង, រថយន្តតូច ១,២៩២គ្រឿង និងម៉ូតូ ១,៧១០គ្រឿង ត្រូវបានផាកពិន័យតាមអនុក្រឹត្យ លេខ ៣៩.អនក្រ.បក នៅទូទាំងប្រទេស ។

របាយការណ៍ដដែល បានវាយតម្លៃថា ការអនុវត្តតាមអនុក្រឹត្យថ្មី ក្នុងការផាកពិន័យយានយន្ត ល្មើសបានដំណើរការទៅយ៉ាងល្អប្រសើរទទួលបានការគាំទ្រ ពិសេសអ្នកប្រើប្រាស់ផ្លូវទាំងអស់ បានចូលរួមគោរពច្បាប់ចរាចរណ៍យ៉ាងល្អប្រសើរ៕