ព័ត៌មានជាតិ
អភិបាលរងខេត្តកោះកុង ព្រមានដល់មេភូមិឃុំសង្កាត់ជាថ្មីពីការចុះហត្ថលេខាទទួលស្គាល់ទិញលក់ដូរដីធ្លីក្នុងតំបន់ហាមឃាត់
កោះកុង ៖ លោកអភិបាលរងខេត្តកោះកុង បានព្រមានផ្ទាល់មាត់ជាថ្មីទៅកាន់បណ្តាមេភូមិ មេឃុំ និងចៅសង្កាត់ដែលចេះតែហ៊ានចចុះហត្ថលេខាទទួលស្គាល់ការទិញលក់ ឬផ្ទេរកម្មសិទ្ធិដីធ្លីក្នុងតំបន់ការពារធម្មជាតិទូទាំងខេត្ត។
ការព្រមានរបស់លោក សុខ សុទ្ធី អភិបាលរងខេត្តកោះកុង នៅថ្ងៃទី១៨ ខែមីនា ឆ្នាំ២០២១នេះ ធ្វើឡើងក្នុងសន្និសីទកាសែតបកស្រាយពន្យល់ករណីមានឈ្នួញលក់ចាក់ដីចូលចំណីព្រែក និងព្រៃកោងកាងនៅក្នុងភូមិទួលគគីរក្រោម ឃុំទួលគគី ស្រុកមណ្ឌលសីមា។
លោកសុខ សុទ្ធី គូសបញ្ជាក់ជាថ្មីថា មេភូមិ មេឃុំ និងចៅសង្កាត់ដែលគ្រប់គ្រងដោយរដ្ឋបាលខេត្ត មិនត្រូវចុះហត្ថលេខាទិញលក់ ឬផ្ទេរកម្មសិទ្ធិដីធ្លីណាមួយក្នុងតំបន់ការពារធនធានធម្មជាតិនោះទេ ជាពិសេសគ្មានសិទ្ធិចេះបែងចែកដីធ្លីជូនពលរដ្ឋ ឬក្រុមឈ្នួញ ជាថ្នូរនឹងលាភសក្ការៈចូលហោបៅរបស់ខ្លួនមិនគិតគូរពីប្រយោជន៍សាធារណៈទៅថ្ងៃអនាគត។
លោកអភិបាលរងខេត្ត ដដែលឱ្យដឹងបន្ថែមថា ប្រសិនបើពលរដ្ឋក្រីក្រខ្វះខាតគ្មានដីរស់នៅអាស្រ័យផលកសិកម្ម មេភូមិមេឃុំ ចៅសង្កាត់ ចាំបាច់ត្រូវតែធ្វើសំណើរលាយលាក់ជាអក្សរមកកាន់គណៈកម្មករជំនាញរបស់ខេត្ត ដើម្បីពិនិត្យលទ្ធភាពដោះស្រាយមុននឹងសម្រេច។ ហើយអាជ្ញាធរមូលដ្ឋាននៅតែបំពានប្រឈមចំពោះមុខច្បាប់ជាធរមានតែម្តង។
កន្លងទៅ មានមេភូមិ មេឃុំ និងចៅសង្កាត់មួយចំនួន ធ្លាប់រងការព្រមានផ្ទាល់មាត់ជាច្រើនលើកច្រើនសារ ហើយថែមទាំងជាប់ពន្ធនាគារទៀតផង ដោយសារតែការចុះហត្ថលេខាទទួលស្គាល់លើការទិញលក់លើដីធ្លីការពារធម្មជាតិកំណត់ដោយច្បាប់។
តំណាងអភិបាលខេត្តកោះកុង លោកសុខ សុទ្ធី ក៏បង្ហាញលទ្ធផលពិនិត្យវាយតម្កៃពីផលប៉ះពាល់អស់ពេល៣ថ្ងៃមកនេះ ដោយសារតែមានឈ្នួញល្បីឈ្មោះម្នាក់ គឺលោកស្រី លាង ហ៊ីម ហៅម៉ាហ្គោល បានលួចចាក់ដីចូលមាត់ព្រែក និងព្រៃកោងកាងជាង៤.២៥០ម៉ែត្រការ៉េចូលតំបន់ប្រើប្រាស់ដោយចីរភាព។ ក្នុងគោលបំណងដើម្បីធ្វើរីសត ជាថ្នូរថាធ្វើផ្លូវ ទំនប់ទប់ទឹកប្រៃ ទីលានទាត់បាល់ និងដាំបង្គោលភ្លើងជាដើម។
បច្ចុប្បន្ន អាជ្ញាធរដាក់ឱសាវាទរយៈពេល១ខែដល់លោកស្រី ជាជនសង្ស័យ ត្រូវជីកកាយដីចេញពីចំណីព្រែក និងព្រៃកោងកាង ហើយដាំស្តារព្រៃឡើងវិញជាបន្ទាន់ ក្រោយពីមានការរំលោភបំពានគ្មានញញើតនឹងច្បាប់ ក្រោមរូបភាពឃុបឃិតគ្នាលក្ខណៈជាប្រព័ន្ធនៅឃុំទួលគគីរ។
ក្រៅពីវិធានការរដ្ឋបាលរបស់ខេត្ត តំណាងអយ្យអមសាលាដំបូងខេត្តក៏កំពុងស៊ើបអង្កេតលម្អិតបន្ថែមផងដែរជុំវិញសំណុំរឿងនេះ មុននឹងដាក់បន្ទុកតាមច្បាប់លើជនសង្ស័យ។
ទោះបីជាដីធ្លីមួយចំនួននៅក្នុងស្រុកមណ្ឌលសីមាស្ថិតនៅក្នុងតំបន់សហគមន៍ក៏ដោយ ក៏ពុំអាចមានបុគ្គលណាម្នាក់ចេះតែរំលោភបំពានមកប្រើប្រាស់តែប្រយោជន៍ឯកជនម្នាក់ៗបានឡើយ ប្រសិនបើចង់កែច្នៃដីយកធ្វើកសិកម្ម ឬធ្វើអាជីវកម្ម គឺចាំបាច់ធ្វើសំណើឱ្យច្បាស់លាស់មកកាន់រដ្ឋបាលខេត្តពិនិត្យមុននឹងសម្រេចអនុញ្ញាត។
អាជ្ញាធរ កំពុងសហការជាមួយអយ្យការអមសាលាដំបូងខេត្ត បន្តស្រាវជ្រាវពីចំនួនគ្រួសារពលរដ្ឋដែលមានដីធ្លីនៅក្នុងតំបន់សហគមន៍ឱ្យជាក់លាក់ថាមានប៉ុន្មានគ្រួសារបានលក់ដូរដីកាលពីដើមខែមករា ២០២១ កន្លងទៅ ទៅឱ្យលោកស្រី លាង ហ៊ីម លើផ្ទៃដីសរុប១២ហិចតាទាំងគ្មានច្បាប់អនុញ្ញាតទទួលស្គាល់ពីរដ្ឋ។ ករណីបើរកឃើញនូវកំហុសបំពានបែបអនាធិបតេយ្យ ឬការក្លែងបន្លំឯកសារពិតប្រាកដមែននោះ អាជ្ញាធរនឹងដកហូតដីទំនាស់មកជាសម្បត្តិរដ្ឋវិញ។
គេនៅតែមិនពុំអាចទាក់ទងសុំការបំភ្លឺពីលោកស្រី លាង ហ៊ីម ហៅ ម៉ាហ្គាល បានអំពីនូវវិធានការរបស់អាជ្ញាធរខេត្តដាក់ចេញដែរឬ? សំអាងលើអីដែលហ៊ានចាក់ដីរំលោភចំណីព្រែក និងព្រៃកោងកាង យកធ្វើកម្មសិទ្ធិ?ត្បិតមានការអះអាងពីចំណាត់របស់អាជ្ញាធរក្តី ក៏សាធារណៈបន្តឃ្លាំមើលតាមដានថា តើមានប្រសិទ្ធិភាពកម្រិតណាដែរចំពោះបុគ្គលដែលបំពានសម្បត្តិធម្មជាតិរបស់រដ្ឋ៕
ត្រាំ ថា ពូទីន និងហ្សេលេនស្គី ត្រៀមខ្លួនចុះហត្ថលេខាលើកិច្ចព្រមព្រៀងសន្តិភាព រួចហើយ
ប ស ស ផ្តល់ប្រាក់ឧបត្ថម្ភរដ្ឋាភិបាលដល់សមាជិកជាស្រ្តីមានផ្ទៃពោះ និងកុមារអាយុក្រោម២ឆ្នាំជាង១លាន២សែននាក់
មានអ្នកផ្ទុកមេរោគរបេង និងជំងឺរបេង៣៥%ផ្សេងទៀតមិនទាន់ទទួលការធ្វើរោគវិនិច្ឆ័យនិងព្យាបាលនៅឡើយទេ
គំនូរខ្មែរជាច្រើន ត្រូវបានតាំងបង្ហាញក្នុងពិព័រណ៍ទេពកោសល្យ និងស្នាដៃ ចំនួន៣ថ្ងៃ
រឿងគុនល្បុក្កតោ! ពេជ្រ ចរណៃ ចេញឆ្លើយតប ក្រោយមានអ្នករិះថា ខ្លួនបានតែសម្ដែងបើមែនទែនធ្វើអី្វមិនកើត
Breaking News! ផ្ទុះការបាញ់គ្នាដ៏រន្ធត់ នៅក្បែរផ្សារខេត្ត Samut Prakan ប្រទេសថៃ
រកឃើញសាកសព Miss Tourism 2018 បន្ទាប់ពីគ្រោះរញ្ជួយដីនៅប្រទេសមីយ៉ាន់ម៉ា
រុស្ស៊ី ដាក់លក្ខខណ្ឌថ្មីទៅអាមេរិក បើចង់ឲ្យមានកិច្ចព្រមព្រៀងសន្តិភាពជាមួយ អ៊ុយក្រែន
លោក ហេង សួរ អរគុណកងអង្គរក្សដែលលះបង់កម្លាំងកាយ ឃ្លាតពីគ្រួសារ ដើម្បីការពារសុវត្ថិភាពពលរដ្ឋ ថ្នាក់ដឹកនាំ និងសង្គមជាតិ
លាចាកសិក្ខាបទបាន៩ថ្ងៃ អតីតសង្ឃ ជួន កក្កដា ត្រូវបានតែងតាំងជា អនុរដ្ឋលេខាធិការក្រសួងធម្មការ
-
ព័ត៌មានជាតិ៣ ថ្ងៃ agoក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ១ សប្តាហ៍ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៣ ថ្ងៃ agoនិស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានអន្ដរជាតិ២ ថ្ងៃ agoមីយ៉ាន់ម៉ា៖ ក្រុមសង្គ្រោះតួកគី ជួយជីវិតបុរសម្នាក់ ក្រោយជាប់ក្រោមគំនរបាក់បែក៥ថ្ងៃ
-
ព័ត៌មានជាតិ១ ថ្ងៃ agoកម្ពុជា នឹងបន្តមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ដល់ថ្ងៃទី៥មេសា
-
ចរាចរណ៍៣ ថ្ងៃ agoរថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល
-
ព័ត៌មានជាតិ១ សប្តាហ៍ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
សន្តិសុខសង្គម៤ ថ្ងៃ agoនគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់