ព័ត៌មានជាតិ

មន្ត្រីសាធារណៈចូលនិវត្តន៍ មានប័ណ្ណ ប.ស.ស នៅតែអាចបន្តប្រើប្រាស់ សេវាតាមមូលដ្ឋានសុខាភិបាលដៃគូ ប.ស.ស បានជាធម្មតា

បានផុស

៧ ថ្ងៃ មុន

នៅ

ថ្ងៃព្រហស្បតិ៍ ៣០ មករា ២០២៥

ដោយ

បេឡាជាតិសន្តិសុខសង្គម (ប.ស.ស) បានលើកឡើងថា ប្រសិនបើ សមាជិក ប.ស.ស ជាមន្ត្រីសាធារណៈចូលនិវត្តន៍ នោះ ប័ណ្ណសមាជិក ប.ស.ស នៅតែអាចបន្តប្រើប្រាស់សេវានៅតាមមូលដ្ឋានសុខាភិបាលដៃគូ ប.ស.ស បានជាធម្មតា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានេះ រាល់ពេលទៅទទួលសេវា សមាជិក ប.ស.ស ជាមន្ត្រីសាធារណៈចូលនិវត្តន៍ ត្រូវភ្ជាប់មកជាមួយនូវឯកសារសំខាន់ៗ រួមមាន ៖ ប័ណ្ណសមាជិក ប.ស.ស , អត្តសញ្ញាណប័ណ្ណសញ្ជាតិខ្មែរច្បាប់ដើម និងមានសុពលភាព។

សម្រាប់ព័ត៌មានបន្ថែម សូមអញ្ជើញមកទីស្នាក់ការ ប.ស.ស ដែលនៅជិតលោកអ្នកទូទាំងប្រទេស ឬ ទំនាក់ទំនងមកកាន់លេខ ១២៩៧ ឬ ១២៨៦ ឬ តាមរយៈប្រព័ន្ធផ្សព្វផ្សាយបណ្ដាញសង្គមរបស់ បេឡាជាតិសន្តិសុខសង្គម (ប.ស.ស)។

លោក កត្តា អ៊ន រដ្ឋលេខាធិការ និងជាអ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ ធ្លាប់មានប្រសាសន៍ថា គិតត្រឹមថ្ងៃទី ២៥ ខែធ្នូ ឆ្នាំ ២០២៤ បេឡាជាតិសន្តិសុខសង្គម (ប.ស.ស) មានសមាជិកកើនឡើងដល់ ២ ៧០៥ ៩១៩ នាក់ នៅទូទាំងប្រទេស ដែលបង្ហាញយ៉ាងច្បាស់ថា ប្រជាពលរដ្ឋកាន់តែជឿទុកចិត្ត និងយល់ដឹងច្បាស់ពីអត្ថប្រយោជន៍ នៃ ប.ស.ស។ ក្នុងនោះ សមាជិក ប.ស.ស ផ្នែកថែទាំសុខភាព លើវិស័យសាធារណៈមានចំនួន ៥០៤ ៧៩៦ នាក់ សមាជិក ប.ស.ស វិស័យឯកជន ចំនួន ១ ៥៦៩ ២៣២ នាក់ សមាជិក ប.ស.ស និងសមាជិក ប.ស.ស ជាអ្នកក្នុងបន្ទុកសមាជិក ប.ស.ស (សហព័ទ្ធ និងកូន) ចំនួន ១៥០ ៦៧១ នាក់៕

អត្ថបទ ៖ ពិសី