ជីវិតកម្សាន្ដ

តួស្រី៣រូប កើតក្នុងឆ្នាំតែមួយ ក៏ល្បីដោយសារតែថតភាពយន្ត18+ ដូចគ្នា

បានផុស

៦ ថ្ងៃ មុន

នៅ

ថ្ងៃព្រហស្បតិ៍ ៣០ មករា ២០២៥

ដោយ

តារាសម្ដែងស្រីបរទេស Lily Collins, Dakota Johnson, Lily James សុទ្ធតែកើតក្នុងឆ្នាំ ១៩៨៩ ដែលល្បីល្បាញដោយសារភាពស្រស់ស្អាតទាក់ទាញ និងភាពយន្តល្បីៗ។ អ្វីដែលកាន់តែធ្វើឲ្យ ពួកនាងល្បីល្បាញទូទាំងពិភពលោក ក៏មិនមែនដោយសារតែសម្រស់មួយមុខទេ ប៉ុន្តែក៏ជាជំនាញនិងទេពកុសល្យសម្ដែងដ៏ប៉ិនប្រសប់ ទើបអាចទាក់ចិត្តអ្នកទស្សនាដកចិត្តពុំរួចដែរ។

ខាងក្រោមនេះ គឺជាតារាកំពូលសិចស៊ីបំផុតហើយក៏ពេញនិយមថតតែរឿង18+ ដែរ៖

១. Lily Collins

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Lily Collins ជាតារាស្រីដែលទស្សនិកជនស្គាល់ដោយសារតែតួនាទីជា Snow White ដ៏ស្រស់ស្អាតនៅក្នុងខ្សែភាពយន្ត Mirror Mirror ចេញផ្សាយក្នុងឆ្នាំ ២០១២ ។ ក្នុងឆ្នាំដដែល នាងត្រូវបានបញ្ចូលក្នុងបញ្ជីស្ត្រីដែលស្អាតបំផុតនៅក្នុងពិភពលោកដោយទស្សនាវដ្តី People ។ តារាស្រីស្រាប់តែល្បីល្បាញ នៅពេលដែលនាងបានសម្តែងក្នុងការចាក់ផ្សាយ ៤ រដូវកាលដ៏ជោគជ័យនៃស៊េរីរឿង Emily in Paris លើ Netflix ដែលជួយនាងឲ្យក្លាយជាតារាបង្ហាញម៉ូដទូទាំងពិភពលោកដោយសារម៉ូដរបស់តួអង្គ។

យោងតាម Celebrity Net Worth បច្ចុប្បន្ន Lily កាន់កាប់ទ្រព្យសម្បត្តិប្រហែល ២៥ លានដុល្លារ។ ចាប់តាំងពីផ្លាស់ប្តូរម៉ូដសក់ទៅជាខ្លី និងជាពិសេសបន្ទាប់ពីរៀបការរួច Lily ត្រូវគេបញ្ចេញមតិថា កាន់តែស៊ិចស៊ីជាងមុន ។ តារាភាពយន្ត និងផលិតករ Charlie McDowell បានរៀបការនៅខែកញ្ញា ឆ្នាំ ២០២១ បន្ទាប់ពីផ្ដើមស្រលាញ់គ្នាក្នុងឆ្នាំ ២០១៩ និងភ្ជាប់ពាក្យពីរឆ្នាំ ។

២. Dakota Johnson

Dakota Johnson គឺជាតារាសម្តែងដ៏ជោគជ័យបំផុតម្នាក់នៅហូលីវូដ។ នាងមានភាពល្បីល្បាញដោយសារតែតួនាទីធំក្នុងប្រភេទភាពយន្ត 18+ ដ៏ពេញនិយមទូទាំងពិភពលោកក្រោមចំណងជើងថា Fifty Shades of Grey ជាមួយនឹងឈុតឆាករោលរាលដ៏គួរឲ្យខ្លាច។

មិនត្រឹមតែមានមន្តស្នេហ៍លើកញ្ចក់ទូរទស្សន៍នោះទេ Dakota ត្រូវគេចាត់ទុកជាតារាស៊ិចស៊ីនៅលើកម្រាលព្រំក្រហមផងដែរ ព្រោះរាល់ពេលដែលនាងបង្ហាញខ្លួន តែងតែទាក់ទាញការចាប់អារម្មណ៍ និងកាមេរ៉ាជាមួយនឹងរ៉ូបបញ្ចេញភាពស៊ិចស៊ីខ្លាំង។

យោងតាម Celebrity Net Worth បច្ចុប្បន្ននេះតារាស្រី Dakota មានទ្រព្យសម្បត្តិប្រហែល ១៤ លានដុល្លារដែលភាគច្រើនបានមកពីអាជីពសិល្បៈដែលនាងខំប្រឹងប្រែងកន្លងមក។

៣. Lily James

ក្មួយស្រីរបស់អតីតប្រធានាធិបតីអាមេរិកលោក George W. Bush បានក្លាយជាតារាល្បីទូទាំងពិភពលោកក្នុងឆ្នាំ២០១៥ ជាមួយនឹងតួនាទីរបស់នាងជាស៊ីនដឺរេឡា ក្នុងរឿង Cinderella របស់ Disney។ តារាស្រីកើតក្នុងឆ្នាំ ១៩៨៩ មិនត្រឹមតែជាតារាកំពូលរបស់អង់គ្លេសប៉ុណ្ណោះទេ ថែមទាំងជារូបតំណាងម៉ូដ ជាមួយនឹងស្ទីលស្មុគ្រស្មាញរាល់ពេលដែលនាងបង្ហាញមុខជាសាធារណៈ។

មិនតែប៉ុណ្ណោះ Lily បានសម្តែងតាំងពីឆ្នាំ ២០១០ ភ្លាមៗ បន្ទាប់ពីបញ្ចប់ការសិក្សាពីសាលាសិល្បៈអាជីព។ មកដល់ពេលនេះនាងបានចូលរួមក្នុងរឿងភាគ និងទូរទស្សន៍ជិត៣០រឿង។ នាងបានឈ្នះពានតារាសម្តែងឆ្នើមក្នុងរឿង Little Woods ឆ្នាំ ២០១៨ នៅមហោស្រពភាពយន្តអន្តរជាតិ Gasparilla។

ទោះយ៉ាងណាក៏ដោយ Lily ធ្លាប់ជាប់ពាក់ព័ន្ធក្នុងរឿងអាស្រូវ នៅពេលដែលនាងមានទំនាក់ទំនងស្នេហាជាមួយតារាសម្តែង Dominic West ទោះបីជាគាត់ជាបុរសរៀបការក៏ដោយ។ Dominic បានរៀបការនៅឆ្នាំ ២០១០ និងមានកូនបួននាក់។ គាត់មិនដែលបានបញ្ជាក់ច្បាស់អំពីបញ្ហាអាពាហ៍ពិពាហ៍របស់គាត់ ឬការបែកគ្នាពីប្រពន្ធទេ ដូច្នេះការណាត់ជួបជាសាធារណៈជាមួយ តារាស្រីបានធ្វើឲ្យមនុស្សជាច្រើនខកចិត្ត។

យោងតាម Celebrity Net Worth បច្ចុប្បន្ន Lily មានទ្រព្យសម្បត្តិប្រហែល៨លានដុល្លារ ដោយការប្រឹងប្រែងទាំងស្រុងលើអាជីពសម្ដែង