កីឡា
យុវជនម្ចាស់ស្បែកជើងមាស ឡាវ ដូរកាអៀន ប្តេជ្ញាធ្វើឲ្យពុកម៉ែឃើញពីការប្រឹងប្រែង
កីឡាករវ័យក្មេងអាយុក្រោម១៣ឆ្នាំ ឡាវ ដូរកាអៀន បានប្តេជ្ញាធ្វើឲ្យអ្នកមានគុណរបស់ខ្លួនឃើញពីការខិតខំប្រឹងប្រែងក្នុងការលេងបាល់ទាត់ បន្ទាប់ពីទទួលបានពានស្បែកជើងមាស ក្នុងពានរង្វាន់ស្វាយរៀងខាប់អាយុ១៣ឆ្នាំ រដូវកាលទី១។
យុវជន ឡាវ ដូរកាអៀន ដែលរស់នៅភូមិកក់ ឃុំស្វាយរំពារ ស្រុកស្វាយទាប ខេត្តស្វាយរៀង ស៊ុតបាន១១គ្រាប់ដើម្បីក្លាយជាម្ចាស់ស្បែកជើងមាស និងបានជួយឲ្យក្រុមយុវជនធូប្រាឌឺ បាវិត ទទួលបានចំណាត់ថ្នាក់លេខ៣ ក្នុងពានរង្វាន់ ស្វាយរៀងខាប់អាយុ១៣ឆ្នាំ រដូវកាលទី១។ ទោះបីជាទទួលបានចំណាត់ថ្នាក់លេខ៣ ប៉ុន្តែរូបគេបានពេញចិត្តនឹងសមត្ថភាពរបស់ខ្លួន និងការលេងដ៏ល្អរបស់ក្រុម។
ជួបជាមួយសារព័ត៌មាន«កម្ពុជាថ្មី» យុវជន ឡាវ ដូរកាអៀន បាននិយាយច្បាស់ និងមានទំនុកចិត្តថា ៖«ខ្ញុំមានអារម្មណ៍រំភើប និងរីករាយខ្លាំង ដែលបានជួយក្រុមទទួលបានចំណាត់ថ្នាក់លេខ៣ ទោះមិនបានលេខ១ក៏ខ្ញុំពេញចិត្ត។ ជាពិសេសខ្ញុំបានស្បែកជើងមាស។ ក្រុមរបស់ខ្ញុំទើបហ្វឹកហាត់ជាមួយគ្នារយៈពេល៣ខែ។ នេះជាលើកទី១ដែលបានចូលរួមប្រកួតពានរង្វាន់ តែយើងសហការគ្នាបានល្អ»។
យុវជនបានបន្តថា ៖«ខ្ញុំចូលចិត្តលេងបាល់តាំងពីអាយុ១០ឆ្នាំ។ ការលេងបាល់ទាត់នេះកើតឡើងដោយការស្រឡាញ់ចូលចិត្តខ្លួនឯង។ ខ្ញុំស្រឡាញបាល់ទាត់ ចង់ក្លាយជាកីឡាករបាល់ទាត់អាជីព ព្រោះខ្ញុំមាននិម្មិតរូប (Idol) គឺបង មិន រតនៈ។ ខ្ញុំឃើញទម្រង់លេងរបស់គាត់ល្អ ហើយខ្ញុំចង់លេងឲ្យល្អដូចគ្នា។ ខ្ញុំបានប្តេជ្ញាចិត្តនឹងខិតខំប្រឹងប្រែងឲ្យក្លាយជាកីឡាករបាល់ទាត់អាជីពដ៏ល្អមួយរូបដែលខ្ញុំមានក្តីស្រមៃតាំងពីក្មេង។ ពេលខ្ញុំឃើញកីឡាករបងៗលេងនៅក្លិប និងជម្រើសជាតិល្អៗ គឺខ្ញុំចង់ខ្លាំងមែនទែន ចង់ឲ្យដូចពួកគាត់»។
នៅពេលសួរថា តើក្រុមគ្រួសារមានការគាំទ្រលើកទឹកចិត្តយ៉ាងណា? ឡាវ ដូរកាអៀន បានឆ្លើយថា ៖«ម៉ាក់របស់ខ្ញុំអត់គាំទ្រទេ តែប៉ាគាំទ្រខ្ញុំឲ្យលេងបាល់។ ថ្ងៃនេះប៉ាបានមកលើកទឹកចិត្តខ្ញុំដល់កីឡដ្ឋានខេត្តស្វាយរៀង។ ជាដំបូង ខ្ញុំសូមអរគុណពុកម៉ែដែលបានចិញ្ចឹមខ្ញុំមកដល់ថ្ងៃនេះ ហើយខ្ញុំសប្បាយចិត្តដែលបានក្លាយជាកូនគាត់។ ខ្ញុំនឹងធ្វើឲ្យគាត់ឃើញពីការខិតខំប្រឹងប្រែងរបស់ខ្ញុំ»។
ពានរង្វាន់ស្វាយរៀងខាប់អាយុ១៣ឆ្នាំ រដូវកាលទី១ បានចាប់ផ្តើមពីថ្ងៃទី៣ ខែវិច្ឆិកា ឆ្នាំ២០២៤ ដល់ថ្ងៃទី១ ខែកុម្ភៈ ឆ្នាំ២០២៥ ដោយមានក្រុម១០ចូលរួមការប្រកួត។ ពិធីបំពាក់មេដាយកាលពីល្ងាចថ្ងៃទី១ ខែកុម្ភៈ ក្រោមអធិបតីភាពឯកឧត្តម ឌី វិជ្ជា ប្រធានក្លិបបាល់ទាត់ព្រះខ័នរាជស្វាយរៀង និងថ្នាក់ដឹកនាំខេត្តស្វាយរៀងជាច្រើនរូបទៀត។
ជ័យលាភី
- ជើងឯក៖ ក្រុមយុវជនសាមគ្គី ទទួលបានពាន មេដាយមាស និងប្រាក់រង្វាន់៨លានរៀល
- លេខ២៖ ក្រុមយុវជនព្រះខ័នរាជស្វាយរៀងអាយុ១៣ឆ្នាំ ទទួលបានមេដាយប្រាក់ និងប្រាក់រង្វាន់៤លាន
- លេខ៣៖ ក្រុមយុវជនធូប្រាឌឺ បាវិត ទទួលបានមេដាយសំរិទ្ធ និងប្រាក់រង្វាន់២លានរៀល
- លេខ៤៖ ក្រុមយុវជន សសយក ស្រុកកំពង់រោទិ៍ ទទួលបានប្រាក់រង្វាន់១លានរៀល
- ក្រុមគោរពវ័យល្អ៖ យុវជនធូប្រាឌឺ បាវិត ទទួលបានពាន និងប្រាក់រង្វាន់៤០ម៉ឺនរៀល
- គ្រូបង្វឹកល្អជាងគេ៖ ប៉ែន វ៉ាន់ដឿន ទទួលបានពាន និងប្រាក់រង្វាន់៤០ម៉ឺនរៀល
- កីឡាកររកបានគ្រាប់បាល់ច្រើនជាងគេ៖ ឡាវ ដូរកាអៀន ទទួលបានពានស្បែកជើងមាស និងប្រាក់រង្វាន់៤០ម៉ឺនរៀល
- អ្នកចាំទីល្អជាងគេ៖ ឈឿន ឆួយ ទទួលបានពានស្រោមដៃមាស និងប្រាក់រង្វាន់៤០ម៉ឺនរៀល
អត្ថបទ៖ វីរបុត្រ
ខេត្តស្ទឹងត្រែង រៀបចំទីតាំងដំឡើងរូបសំណាកអធិរាជសំឡេងមាស ស៊ីន សាមុត នៅសួនច្បារមាត់ទន្លេសេកុង
ជនរងគ្រោះ៧០០០នាក់ពីមជ្ឈមណ្ឌលឆបោក នៅមីយ៉ាន់ម៉ា រង់ចាំធ្វើមាតុភូមិនិវត្តន៍
មីយ៉ាន់ម៉ាស្នើចុះបញ្ជីម្សៅលាបមុខ Thanakha នៅអង្គការយូណេស្កូ
សាន ផានិត ថា ខ្លួនគ្មានមហិច្ចតាកាច់កុងប្រជែងធ្វើស្តេចចម្រៀងទេ
រដ្ឋមន្ត្រីសុខាភិបាល ប្រាប់អង្គភាពសុខាភិបាលទូទាំងប្រទេស ផ្តល់អាទិភាពដល់អ្នកជំងឺចាស់ជរា និងជនមានពិការភាព
G-Devith ៖ បុគ្គលដែលអាចហែកមេឃចេញបាន មានន័យថា អ្នកនោះអាចរួចពីសំណាញ់ច្បាប់ហើយ
UNICEF ចេញសេចក្តីថ្លែងការណ៍ទាក់ទងនឹងករណីកូនប្រុស G-Devith ដោយគូសបញ្ជាក់ ២ចំណុចធំ
អភិបាលរងខេត្តស្វាយរៀង÷ យុវជន ត្រូវមាន មានស្មារតីស្នេហាជាតិ ជួយជាតិ លើកកម្ពស់មុខមាត់ជាតិឱ្យបានច្រើន
អ្នកឧកញ៉ា៣រូប បរិច្ចាគជាង១លានដុល្លារ សង់អគារសាកលវិទ្យាល័យសម្ដេចព្រះមហាសង្ឃរាជ បួរ គ្រី នៅខេត្តកណ្ដាល
ទូរស័ព្ទថតរូបក្នុងទឹកដំបូងគេក្នុងប្រទេសកម្ពុជា OPPO Reno13 Series 5G សម្ពោធជាផ្លូវការហើយ និងបំពាក់ដោយ AI ទំនើបៗ
-
សន្តិសុខសង្គម៣ ថ្ងៃ ago«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
ជីវិតកម្សាន្ដ៦ ថ្ងៃ agoផ្ទុះការចាប់អារម្មណ៍នឹងយុវតីម្នាក់ សំឡេងពីរោះ ច្រៀងស្រដៀងនឹងរាជិនីសំឡេងសារិកាមាស ប៉ែន រ៉ន
-
សន្តិសុខសង្គម៦ ថ្ងៃ agoអ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ព័ត៌មានជាតិ៣ ថ្ងៃ agoករណីលូ១តម្លៃ៤០ដុល្លា៖ អាជ្ញាធរ ថាមិនបានយកលុយពីពលរដ្ឋឡើយ គឺពលរដ្ឋជួលភាគីឯកជនឱ្យដាក់ខ្លួនឯង
-
ព័ត៌មានអន្ដរជាតិ៥ ថ្ងៃ agoធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
ជីវិតកម្សាន្ដ៣ ថ្ងៃ agoG-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព
-
ជីវិតកម្សាន្ដ៦ ម៉ោង agoG-Devith ៖ បុគ្គលដែលអាចហែកមេឃចេញបាន មានន័យថា អ្នកនោះអាចរួចពីសំណាញ់ច្បាប់ហើយ
-
ចរាចរណ៍៣ ថ្ងៃ agoផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត