សន្តិសុខសង្គម

ឃាត់ខ្លួនសន្តិសុខរោងចក្រម្នាក់ ពាក់ព័ន្ធករណីយកលុយដាក់ខែពីអាជីវករលក់ដូរតាមដងផ្លូវ

បានផុស

១ ខែ មុន

នៅ

ថ្ងៃចន្ទ ៣ កុម្ភៈ ២០២៥

ដោយ

កម្លាំងអាជ្ញាធរខណ្ឌពោធិ៍សែនជ័យ នៅព្រឹកថ្ងៃទី៣ ខែកុម្ភៈ ឆ្នាំ២០២៥ បានឃាត់ខ្លួនបុរសជាសន្តិសុខម្នាក់ដែលបានដេីរយកលុយដាក់ខែពីអាជីវករលក់ដូរតាមតូបនៅចំណុចមុខរោងចក្រអាមេរិកកាំង តាមផ្លូវ៣០ម៉ែត្រ ភូមិទួលពង្រ សង្កាត់ចោមចៅទី១ ខណ្ឌពោធិ៍សែនជ័យ និងចាត់ការតាមនីតិវិធី។ ការឃាត់ខ្លួននេះ ធ្វើឡើងបន្ទាប់ពីអាជ្ញាធរទទួលបានព័ត៌មានពីស្ត្រីអាជីវករម្នាក់ដែលលើកឡើងថា មានបុរសម្នាក់ដើរយកលុយដាក់ខែក្នុងមួយតូប៥០ម៉ឺនរៀល ជាថ្នូរនឹងការបានលក់ដូរនៅទីនោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បុរសសន្តិសុខដែលត្រូវកម្លាំងអាជ្ញាធរឃាត់ខ្លួនមានឈ្មោះ ផល ភេទប្រុស អាយុប្រហែល៤០ឆ្នាំ មុខរបរជាសន្តិសុខរោងចក្រ អាមេរិកកាំង ផ្លូវ៣០ម៉ែត្រ ភូមិទួលពង្រ សង្កត់ចោមចៅទី១ ខណ្ឌពោធិ៍សែនជ័យ។

លោក ប៉ាង លីដា អភិបាលរងខណ្ឌពោធិ៍សែនជ័យ បានឲ្យដឹងថា ក្រោយពីទទួលព័ត៌មាននេះ នៅព្រឹកថ្ងៃទី៣ ខែកុម្ភៈ លោកបានដឹកនាំកម្លាំងចុះដល់ទីតាំង និងបានទំនាក់ទំនងទៅបុរសខាងលេីសួរនាំជំវិញបញ្ហានេះ។ នៅចំពោះមុខអាជ្ញាធរ បុរសខាងលេីបានសារភាពថា រូបគាត់ពិតជាបានដេីរយកលុយពីក្រុមអាជីវករពិតប្រាកដមែន។