ព័ត៌មានជាតិ

គម្រោងពង្រីកផ្លូវជាតិលេខ៧ ស្គន់-កំពង់ចាមគិតត្រឹមដេីមឆ្នាំ២០២៥ សម្រេចបានជាង៣០%

បានផុស

១៤ វិនាទី មុន

នៅ

ថ្ងៃអង្គារ ៤ កុម្ភៈ ២០២៥

ដោយ

គម្រោងពង្រីក និងលើកកម្ពស់កម្រិតផ្លូវជាតិលេខ៧ ជាបួនគន្លង (ស្គន់-កំពង់ចាម) គិតមកដល់ដេីមឆ្នាំ២០២៥នេះ បានសម្រេចប្រមាណជាង៣០%ហេីយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សុខ លឹមហៀង ប្រធានមន្ទីរសាធារណការ និងដឹកជញ្ជូន ខេត្តកំពង់ចាម បានបញ្ជាក់ប្រាប់នៅថ្ងៃទី៣ ខែកុម្ភៈ ឆ្នាំ២០២៥ នេះថា គម្រោងពង្រីកលើកកម្ពស់កម្រិតគុណភាព ផ្លូវជាតិលេខ ៧ ជាបួនគន្លង (ស្គន់-កំពង់ចាម) ចំណុចចាប់ផ្ដើមពីរង្វង់មូលស្គន់ ស្រុកជើងព្រៃ និងចំណុចបញ្ចប់នៅរង្វង់មូលត្រើយខាងលិចស្ពានគីហ្សូណា ក្រុងកំពង់ចាម ដែលមានប្រវែងសរុប ៤៥,៥០៤ គីឡូម៉ែត្រ។ លោកប្រធានមន្ទីរបានបន្ថែមទៀតថា គិតត្រឹមដេីមខែកុម្ភៈ ឆ្នាំ២០២៥នេះ ក្រុមការងារនៃក្រុមហ៊ុន CRBC បានស្ថាបនាបានសម្រេចប្រមាណជាង៣០%ហេីយ ខណៈតំបន់ខ្លះត្រូវបានក្រាលថ្មមិចជាបណ្តេីរៗហេីយ។

ទន្ទឹមនឹងនេះដែរ លោក សុខ លឹមហៀង ប្រធានមន្ទីរសាធារណការនិងដឹកជញ្ជូនខេត្តកំពង់ចាម ក៏បានអំពាវនាវបន្ថែមដល់អាជ្ញាធរមូលដ្ឋានរួមនឹងប្រជាពលរដ្ឋ ដែលរស់នៅក្នុងអមសងខាងផ្លូវជាតិលេខ៧នេះ សូមចូលរួមសហការគ្នា និងមេត្តាយោគយល់អធ្យាស្រ័យ ចំពោះក្រុមហ៊ុនដែលស្ថាបនាពង្រីកលើកកម្ពស់កម្រិតគុណភាព ផ្លូវជាតិលេខ៧ ជាបួនគន្លងនេះ ពោលគឺធ្វេីយ៉ាងណាដេីម្បីពន្លឿនការងារមួយនេះឲ្យលឿនតាមគម្រោង និងបានផ្តល់អត្តប្រយោជន៍យ៉ាងច្រេីនដល់ការធ្វេីដំណេីរ និងរស់នៅប្រចាំថ្ងៃរបស់ប្រជាពលរដ្ឋក្នុងនាពេលអនាគត៕

អត្ថបទ៖ ឡេក ចាន់ពេជ្រ