សន្តិសុខសង្គម

ទំនងឆ្លងចរន្ដ រថយន្ដ FORD RAPTOR មួយគ្រឿងត្រូវអណ្ដាតភ្លើងឆេះអស់មួយកំណាត់មុខ

បានផុស

៥៦ វិនាទី មុន

នៅ

ថ្ងៃព្រហស្បតិ៍ ៦ កុម្ភៈ ២០២៥

ដោយ

រថយន្តម៉ាក FORD RAPTOR មួយគ្រឿងត្រូវបានអណ្ដាតភ្លើងឆាបឆេះយ៉ាងសន្ធោសន្ធៅខូចខាតមួយកំណាត់មុខទាំងស្រុង ខណៈពេលកំពុងបើកបរដែលទំនងជាកើតចេញពីការឆ្លងចរន្ដអគ្គិសនី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ករណីនេះបានបង្កឲ្យមានការភ្ញាក់ផ្អើលកាលពីវេលាម៉ោង១០និង៥០នាទីយប់ ថ្ងៃទី៥ ខែកុម្ភៈ ឆ្នាំ២០២៥ នៅតាមបណ្តោយផ្លូវ៥៩៨ ទល់មុខបុរីវិមានភ្នំពេញ ស្ថិតនៅសង្កាត់ច្រាំងចំរេះទី១ ខណ្ឌឫស្សីកែវ រាជធានីភ្នំពេញ។

តាមប្រភពព័ត៌មានពីកន្លែងកើតហេតុបានឲ្យដឹងថា នៅមុនពេលកេីតហេតុគេឃើញរថយន្តម៉ាក FORD RAPTORពណ៌ខ្មៅមួយគ្រឿងពាក់ស្លាកលេខ កម្ពុជា X-6789-X បេីកបរតាមបណ្ដោយផ្លូវ៥៩៨ ក្នុងល្បឿនមធ្យម លុះបេីកមកដល់ចំណុមុខបុរី វិមានភ្នំពេញ ក៏ស្រាប់តែឆ្លងចរន្តចេញពីម៉ាស៊ីនរថយន្ត មានផ្សែង និងអណ្តាតភ្លើង ទើបអ្នកបើកបរ និងអ្នករួមដំណើរចុះចេញពីរថយន្ដដើម្បីសុំការអន្តរាគមន៍។

ប្រភពបន្ថែមថា ករណីនេះត្រូវបានអន្តរាគមន៍ពន្លត់ដោយក្រុមរថយន្ដពន្លត់អគ្គិភ័យរបស់ស្នងការនគរបាលរាជធានីភ្នំពេញ និងក្រុមរថយន្តពន្លត់អគ្គិភ័យរបស់ បុរីវិមានភ្នំពេញ តែទោះយ៉ាងណាអណ្ដាលភ្លើងបានឆេះខូចខាតផ្អែតខាងមុខទាំងស្រុងទៅហើយ។

ករណីនេះ ដោយសារមិនមានប៉ះពាល់ដល់ទ្រព្យសម្បត្តិអ្នកដទៃ សមត្ថកិច្ចបានឲ្យម្ចាស់យករថយន្ដទៅជួសជុលដោយខ្លួនឯង៕

អត្ថបទ៖ សំណាង