ក្តៅៗមុននេះ ម្តាយ វី ឌីណែត តារាហង្សមាស បានស្លាប់ក្រោយឆ្លងកូវីដ១៩

ព័ត៌មានបឋមដែលកម្ពុជាថ្មីទទួលបានមុននេះថា ម្តាយរបស់កញ្ញា វី ឌីណែតតារាចម្រៀងហង្សមាសបានស្លាប់បាត់បង់ជីវិតនៅក្នុងមន្ទីរពេទ្យ ក្រោយឆ្លងជំងឺកូវីដ១៩។

ម្ដាយរបស់ កញ្ញា វី ឌីណែត ត្រូវបានបញ្ជូនទៅសម្រាកព្យាបាល នៅសណ្ឋាគារ The Great Duke បន្ទាប់ពីរកឃើញថា មានវិជ្ជមានកូវីដ១៩។ ក្នុងពេល​​សម្រាកព្យាបាល ស្ថានភាពជំងឺ​ម្តាយ​របស់​នាង​កាន់តែធ្ងន់ធ្ងរខ្លាំង ហើយ​ត្រូវបានក្រុម​គ្រូពេទ្យ​បញ្ជូនទៅសង្គ្រោះបន្ទាន់។ ប៉ុន្តែ​ដំណឹង​មុននេះ ​ម្តាយ​របស់​នាង​បាន​ទទួល​មរណៈភា​ព។ មូលហេតុស្លាប់ នៅមិនទាន់មានការ​បញ្ជាក់ជាផ្លូវការ​ពីក្រសួង​សុខាភិបាលនៅឡើយទេ។

ក្រៅពីនាង វី ឌីណែត និង​ម្តាយ​ឆ្លងកូវីដ ១៩ លោក​ហួរ ឡាវី តារា​ចម្រៀងនិង​ជាឪពុករបស់តារាចម្រៀង​រូប​នេះ ការ​​ធ្វើ​តេស្ត​សំណាក​ ទទួលលទ្ធផល​អវិជ្ជមាន ប៉ុន្តែ​គ្រូពេទ្យនៅ​បន្ត​​​តាមដាន​បន្ត​ទៀត៕