អាជីព

កាយវិការចំនួន ៥ ដែលចេះជាប់ខ្លួនកាលណា ទៅធ្វើការផ្នែកអ្វីក៏មិនចេះទ័ល

បានផុស

៤ years មុន

នៅ

ថ្ងៃសុក្រ ១៩ មីនា ២០២១

ដោយ

យើងភាគច្រើនផ្ដោតលើការងារដែលយើងត្រូវធ្វើរាល់ថ្ងៃ ហើយកម្រនឹងយកចិត្តទុកដាក់លើភាសាកាយវិការនៃការិយាល័យរបស់យើងណាស់។ មិនថាអ្នកធ្វើការងារបានល្អប៉ុណ្ណា ភាសារាងកាយ គឺជាគន្លឹះក្នុងអាជីពដែលទទួលបានជោគជ័យជាងនេះ។

១. គ្រប់គ្រងអារម្មណ៍និងទឹកមុខ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅពេលអ្នកមានបញ្ហានៅផ្ទះ ឬនៅកន្លែងធ្វើការ អ្នកច្បាស់ជាមិនមានអារម្មណ៍រីករាយទេ។ មនុស្សគ្រប់គ្នាកត់សម្គាល់ទឹកមុខទុទ្ទិដ្ឋិនិយម ឬខឹង ហើយព្យាយាមនៅឆ្ងាយពីអ្នក ឬលួងលោម។

មិនថាមានអ្វីកើតឡើងនៅក្នុងជីវិតរបស់អ្នកទេ ចៅហ្វាយនិងអ្នករួមការងារគឺមិនគួរឲ្យពួកគេដឹងអំពីរឿងនោះទេ។ គ្រប់គ្រងទឹកមុខរបស់អ្នក ដើម្បីមើលទៅមានលក្ខណៈវិជ្ជាជីវៈ។

២. ទំនាក់ទំនងកែវភ្នែក

ការទាក់ទងភ្នែកគឺពិតជាមានសារៈសំខាន់ណាស់ នៅគ្រប់ទិដ្ឋភាពនៃជីវិត។ វាជួយយើងឱ្យឈ្នះបេះដូងរបស់មនុស្សនៅពេលជួបដំបូង ឬបង្កើតចំណាប់អារម្មណ៍ដំបូងនៅគ្រប់ទីកន្លែងដែលយើងទៅ។ ការទាក់ទងកែវភ្នែក ក៏អាចជួយយើងបង្កើនអាជីពរបស់យើងបានដែរ។

មានហេតុផលមួយចំនួនដែលធ្វើឱ្យមនុស្សនិយាយមិនសម្លឹងភ្នែកគ្នា ។ បើចង់ឲ្យអ្នកដទៃយល់ថាយើងជាមនុស្សដែលគួរឲ្យទុកចិត្តនិងស្មោះត្រង់ សូមសម្លឹងភ្នែកនៅពេលដែលនិយាយជាមួយនរណាម្នាក់នៅការិយាល័យ។

៣. គ្រប់គ្រងសំឡេង

សំឡេងមានសារៈសំខាន់ដូចការទាក់ទងភ្នែកដែរ។ ការនិយាយស្ដីត្រូវចេះលើកដាក់សំឡេងដោយកាត់បន្ថយសំឡេងកោងកាច ឬគំហកដាក់អ្នកទល់មុខ។ វិធីនេះនឹងស្ដាប់ទៅមិនសូវឈ្លើយ ហើយគេក៏ចូលចិត្តយើងវិញ។

៤. កុំក្លែងបន្លំទំនុកចិត្ត

ដោយមិនគិតពីតួនាទីការងារ អ្នកមិនគួរលាក់បាំងទំនុកចិត្តរបស់អ្នកទៅកាន់នរណាម្នាក់ឡើយ។ ដើរដោយភាពជឿជាក់ ទោះបីអ្នកណាម្នាក់មិនចាប់អារម្មណ៍នឹងអ្នកក៏ដោយ។ ប្រសិនបើអ្នកជាមនុស្សអៀនខ្មាសពីធម្មជាតិ សូមកុំព្យាយាមក្លែងបន្លំទំនុកចិត្តរបស់អ្នក នៅពេលជួបដំបូង។

ចៅហ្វាយរបស់យើងប្រាកដជាកត់សម្គាល់ពីទំនុកចិត្តរបស់យើង ហើយអាចពិចារណាឡើងវិញ ពីមុខតំណែងការងារយើងម្ដងទៀត។

៥. គ្រប់គ្រងកាយវិការរបស់យើង

វាមិនមានន័យថា ឲ្យយើងឈរស្ងៀមហើយមិននិយាយ ឬផ្ដល់សុន្ទរកថាឆ្កឹងៗឡើយ។ ទោះយ៉ាងណាកាយវិការក្នុងការនិយាយស្ដីពេលខ្លះ អាចធ្វើឲ្យយើងល្អ ឬពេលខ្លះទៀត ក៏អាចបំផ្លាញយើងដែរ។

នៅពេលកាយវិការរបស់អ្នកសមនឹងពាក្យសំដី វាជួយជំរុញឱ្យមានភាពទាក់ទាញ និងធ្វើឱ្យការនិយាយរបស់អ្នក ទទួលបានជោគជ័យ៕

ប្រែសម្រួល៖ សាង ស្រីល័ក្ខ

ចុចអាន៖ការប្ដេជ្ញាចិត្តធំ៥ យ៉ាងដែលអាចដឹកនាំយើងដល់កន្លែងដែលចង់ទៅ

ចុចអាន៖៤យ៉ាងកំណត់ថា អ្នកជា«អ្នកមាន» ពិតមែន នាពេលនេះនិងអនាគត