ព័ត៌មានអន្ដរជាតិ
Elon Musk លក់រថយន្តមិនសូវដាច់ និងធ្លាក់ចុះខ្លាំង ក្រោយប្រឡូកនយោបាយជាមួយ ត្រាំ
ការលក់របស់រថយន្តអគ្គិសនី Tesla បានទទួលរងផលប៉ះពាល់យ៉ាងខ្លាំង ក្រោយពេលមានភាពចម្រូងចម្រាសកាន់តែខ្លាំងឡើងជុំវិញការចូលរួមផ្នែកនយោបាយរបស់នាយកប្រតិបត្តិ លោក Elon Musk។ ការធ្លាក់នេះ កើតឡើងនៅក្នុងបណ្ដាប្រទេសជាច្រើន ដូចជា ចក្រភពអង់គ្លេស អាល្លឺម៉ង់ និងបណ្ដាប្រទេសអឺរ៉ុបមួយចំនួនទៀត។
យោងតាមការចុះផ្សាយរបស់ទស្សនាវដ្ដី Fortune កាលពីថ្ងៃទី៦កុម្ភៈ ក្រុមហ៊ុន Tesla បានថយចុះការលក់ដល់ទៅប្រមាណ ៦០%។ អាជ្ញាធរសាធារណការសហព័ន្ធអាល្លឺម៉ង់ បានឲ្យដឹងថា ការទិញរថយន្តអគ្គិសនីពីក្រុមហ៊ុនលោក Musk មានត្រឹម ១ ២៧៧គ្រឿងប៉ុណ្ណោះ នៅក្នុងខែមករាឆ្នាំ២០២៥ បើធៀបនឹងរយៈពេលដូចគ្នាកាលពីឆ្នាំមុន គឺធ្លាក់ចុះខ្ទង់ ៥៩,៥%។
ចំណែកសារព័ត៌មាន ABC News របស់អូស្ត្រាលី បានចុះផ្សាយថា ការលក់របស់ Tesla ធ្លាក់ចុះចំនួនមួយភាគបី នៅក្នុងខែមករានេះ បើធៀបនឹងឆ្នាំ២០២៤។ ប្រភពពីសារព័ត៌មានដដែល បានបង្ហាញថា ពលរដ្ឋអូស្ត្រាលី និងអតិថិជនមួយចំនួនបានសម្ដែងការមិនពេញចំពោះនាយកប្រតិបត្តិរបស់ក្រុមហ៊ុន Tesla ពាក់ព័ន្ធនឹងការចូលរួមនយោបាយនៅលើទឹកដីអាមេរិក។
ដោយឡែក បើផ្អែកលើទិន្នន័យពីសារព័ត៌មាន The Standard ការលក់របស់ Tesla មានការអន់ថយខ្លាំងនៅក្នុងចក្រភពអង់គ្លេស បារាំង និងប្រទេសសហភាពអឺរ៉ុបមួយចំនួន។ នៅចក្រភពអង់គ្លេស ការចុះឈ្មោះទិញរថយន្ត Tesla ថ្មី មានចំនួន ១ ៤៥៨គ្រឿងប៉ុណ្ណោះ នៅក្នុងខែមករា បើធៀបនឹង ១ ៥៨១គ្រឿងកាលពីឆ្នាំមុន ពោលគឺថយចុះ ៧,៧៨%។ ចំណែកនៅបារាំងវិញ ការលក់ Tesla ធ្លាក់ចុះរហូតដល់ ៦៣%, ស៊ុយអែត ៤៤%, ន័រវែស ៣៨% និងហូឡង់ ៤២%។ បន្ថែមពីនេះ នៅរដ្ឋកាលីហ្វ័រញ៉ា ដែលជាទីផ្សារថយន្តធំបំផុតរបស់អាមេរិក ការលក់ Tesla ក៏បានធ្លាក់ចុះចំនួន ១២% ផងដែរ។
សូមបញ្ជាក់ថា ក្រោយឈ្នះការបោះឆ្នោតនៅខែវិច្ឆិកាឆ្នាំ២០២៤ ប្រធានាធិបតីអាមេរិក លោក ដូណាល់ ត្រាំ បានតែងតាំងលោក Elon Musk ឲ្យធ្វើជាប្រធាននាយកដ្ឋានប្រសិទ្ធភាពរដ្ឋាភិបាល។ លោក Musk បានចេញមុខគាំទ្រគណបក្សស្ដាំនិយម Alternative for Germany (AfD) នៅអាល្លឺម៉ង់ កាលពីខែធ្នូ ដែលទង្វើនេះបានបង្កជាភាពចម្រូងចម្រាស និងការព្រួយបារម្ភអំពីការជះឥទ្ធិពលដ៏ហួសហេតុរបស់លោក។
បន្ថែមពីនេះ ម្ចាស់ក្រុមហ៊ុន Tesla បានរិះគន់ថ្នាក់ដឹកនាំអាល្លឺម៉ង់ ក្នុងនោះមានទាំងលោកប្រធានាធិបតី Frank Walter Steinmeier។ កាលពីខែធ្នូ លោក Musk បានចោទប្រកាន់លោក Steinmeier ថាជា «អ្នកប្រឆាំងលទ្ធិប្រជាធិបតេយ្យ» ហើយក៏បានជេរប្រមាថអធិការបតីលោក Olaf Scholz ផងដែរ។
លើសពីនេះទៀត លោក Musk ក៏បានធ្វើការរិះគន់ឥតល្ហែចំពោះនាយករដ្ឋមន្ត្រីអង់គ្លេស ហើយទាមទារឲ្យលោក Keir Starmer ចុះចេញពីតំណែង ហើយសង្កត់ធ្ងន់ថា ចក្រភពអង់គ្លេសកំពុងឆ្ពោះទៅរកសង្គ្រាមស៊ីវិល ព្រោះតែគោលនយោបាយព្រំដែន និងជនអន្តោប្រវេសន៍របស់ខ្លួន។
មួយវិញទៀត លោក Musk បានរងការរិះគន់ បន្ទាប់ពីបានធ្វើកាយវិការមួយនៅឯពិធីស្បថឡើងកាន់តំណែងរបស់ប្រធានាធិបតីអាមេរិក ដែលស្រដៀងនឹងការគោរពរបស់ពួកណាស៊ី៕
ដោយ៖ ឈាង
Elon Musk លក់រថយន្តមិនសូវដាច់ និងធ្លាក់ចុះខ្លាំង ក្រោយប្រឡូកនយោបាយជាមួយ ត្រាំ
មិនត្រឹមតែបាយប៉ូឡាទេ Kanye នៅផ្ទុកជំងឺអូទីសឹម មួយតង់ទៀត
ផ្ទុះការចាប់អារម្មណ៍នឹងយុវតីម្នាក់ សំឡេងពីរោះ ច្រៀងស្រដៀងនឹងរាជិនីសំឡេងសារិកាមាស ប៉ែន រ៉ន
កសិកររស់នៅខេត្តបាត់ដំបង ប្រើប្រាស់ដី ១០ រ៉ៃ រកចំណូលបាន ២ ដងក្នុង ១ ឆ្នាំ ទ្រទ្រង់ជីវភាពគ្រួសារ
២០២៤ កម្ពុជា បញ្ជូនពលករទៅធ្វើការនៅថៃ ជាង ៣ ម៉ឺននាក់ ជួយលើកស្ទួយសេដ្ឋកិច្ចគ្រួសារកាន់តែប្រសើរ
ភ្លើងឆេះព្រៃលើភ្នំសំពៅ បង្ខំឲ្យព្រះសង្ឃជម្លៀសព្រះកាយចេញរកកន្លែងសុវត្ថិភាព
អ្នកនាំពាក្យ បញ្ជាក់ពីស្ថានភាពអ្នករងរបួសក្នុងហេតុការណ៍ឆេះក្លឹបកម្សាន្ដ មីតណាយព្រីមៀរ កាលពីម្សិលមិញ
អភិបាលរងរាជធានី ស្នើឱ្យសមត្ថកិច្ច និងម្ចាស់ខុនដូរ អាផាតមិន សណ្ឋាគារ ផ្ទះសំណាក់ និងផ្ទះជួល សហការគ្នា គ្រប់គ្រងវត្តមានជនបរទេសឱ្យបានល្អ
មុនីនាគ ជាប់ឈ្មោះជាតារាចម្រៀងប្រុស មានសមត្ថភាពច្រៀងភាសាអង់គ្លេសល្អបំផុត
ផ្សារក្រមួន យូណាយ អាជីវករធ្លាប់លក់តែមួយព្រឹក ពេលនេះលក់ពេញមួយថ្ងៃ ពលរដ្ឋថា ពិបាកធ្វើដំណើរ
-
សន្តិសុខសង្គម២ ថ្ងៃ agoBreaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ២ ថ្ងៃ agoព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៦ ថ្ងៃ agoការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ១ សប្តាហ៍ agoជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៧ ថ្ងៃ agoUpdate! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៧ ថ្ងៃ agoសម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ជីវិតកម្សាន្ដ៦ ថ្ងៃ agoបានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា៦ ថ្ងៃ agoធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?