ព័ត៌មានជាតិ
មន្ត្រីជាន់ខ្ពស់ ៖ គម្រោងធ្វើតេស្ត និងព្យាបាលជំងឺអេដស៍ដល់ពលករខ្មែរធ្វើការ នៅថៃ កំពុងសិក្សាកម្រិតបច្ចេកទេសនៅឡើយ
លោក ឈឹម ឃិនដារ៉េត អគ្គលេខាធិការ នៃអាជ្ញាធរជាតិប្រយុទ្ធនឹងជំងឺអេដស៍ (NAA) បានមានប្រសាសន៍នៅរសៀលថ្ងៃទី ១៧ កុម្ភៈ នេះថា គម្រោងកម្ពុជាសហការជាមួយភាគីថៃទៅលើការធ្វើតេស្តរកមេរោគអេដស៍ និងព្យាបាលជំងឺអេដស៍ជូនដល់ពលករខ្មែរកំពុងធ្វើការនៅប្រទេសថៃ រហូតមកដល់ពេលនេះកំពុងសិក្សាកម្រិតបច្ចេកទេសនៅឡើយទេ។
លោកអគ្គលេខាធិការ បានបន្តថា ប្រសិនបើគម្រោងនេះត្រូវបានអនុវត្តនោះនឹងជួយដល់ពលករខ្មែរធ្វើការនៅប្រទេសថៃអាចធ្វើតេស្ត និងទទួលការព្យាបាលជំងឺអេដស៍នៅមន្ទីរពេទ្យណាមួយនៅប្រទេសថៃ។ តែយ៉ាងណាគម្រោងនេះទាមទារឱ្យក្រុមការងារបច្ចេកទេសកម្ពុជា និងភាគីថៃ ត្រូវពិភាក្សាគ្នាជាមុនសិន ដើម្បីអាចឈានទៅចុះអនុស្សរណៈ នៃការយោគយល់គ្នា មុននឹងអនុវត្តជាផ្លូវការ។
គួរបញ្ជាក់ថា កាលពីថ្ងៃទី ១១ ខែតុលា ឆ្នាំ ២០២៤ លោកទេសរដ្ឋមន្ត្រី អៀង មូលី ប្រធានអាជ្ញាធរជាតិប្រយុទ្ធនឹងជំងឺអេដស៍ បានដឹកនាំប្រតិភូអន្តរក្រសួងរួមមាន អាជ្ញាធរជាតិប្រយុទ្ធនឹងជំងឺអេដស៍ ទីស្ដីការគណៈរដ្ឋមន្ត្រី និងក្រសួងសុខាភិបាល ចុះទស្សនកិច្ចសិក្សានៅមន្ទីរពេទ្យផ្តល់សេវាថែទាំ ព្យាបាលជំងឺអេដស៍ នៅតាមខេត្តថៃ ជាប់ខេត្តបន្ទាយមានជ័យ និងខេត្តប៉ៃលិន រួមមានខេត្តស្រះកែវ និងខេត្តចន្ទបុរី ដើម្បីសិក្សាស្វែងយល់អំពីការងារទប់ស្កាត់មេរោគអេដស៍ និងជំងឺអេដស៍នៅប្រទេសថៃ ជាពិសេសនៅខេត្តជាប់ព្រំដែនកម្ពុជា-ថៃ។ ស្វែងរកយន្តការកិច្ចសហការជាមួយភាគីថៃ ដើម្បីផ្តល់សេវាធ្វើតេស្តរកមេរោគអេដស៍ និងថែទាំ ព្យាបាលជំងឺអេដស៍ដល់ពលករខ្មែរដែលទៅធ្វើការនៅប្រទេសថៃ។
លោក កត្តា អ៊ន រដ្ឋលេខាធិការ និងជាអ្នកនាំពាក្យក្រសួងការងារ និងបណ្តុះបណ្តាលវិជ្ជាជីវៈ បានមានប្រសាសន៍ថា គិតត្រឹមខែធ្នូ ឆ្នាំ ២០២៤ កម្ពុជា មានពលករខ្មែរដែលកំពុងស្នាក់នៅ និងធ្វើការនៅប្រទេសថៃ ចំនួន ១ ២៩២ ២៩៧ នាក់ ស្រី ៥២១ ៨៦២ នាក់ ដោយពួកគាត់ទៅធ្វើការនៅតាមបណ្តារោងចក្រ និងក្រុមហ៊ុននានាដូចជា តាមរោងចក្រចំណីអារហារ ផ្នែកឧស្សាហកម្ម ក្រុមហ៊ុនសំណង់ សេវាកម្ម និងកសិកម្ម ដោយជាមធ្យមទទួលបានប្រាក់ខែ ៤០០ ដុល្លារ ក្នុង ១ ខែ និងបានផ្ញើថវិកាមកក្រុមគ្រួសារវិញ ប្រមាណជាង ២ ពាន់លានដុល្លារ ក្នុង ១ ឆ្នាំ បានចូលរួមលើកស្ទួយសេដ្ឋកិច្ចគ្រួសារ ក៏ដូចជាសេដ្ឋកិច្ចជាតិកាន់តែរីកចម្រើន៕
អត្ថបទ ៖ សំអឿន
អ្នកវិភាគ និងអ្នកឃ្លាំមើល ៖ ពលរដ្ឋគួរពហិកាចំពោះយុទ្ធនាការរៃអង្គាសរបស់ទណ្ឌិត សម រង្ស៊ី
អ្នកនាំពាក្យទ័ពជើងគោកច្រានចោលការចុះផ្សាយថាមានការប្រឈមមុខគ្នារវាងកងទ័ពកម្ពុជានិងថៃ
ក្រសួងរៀបចំដែនដី ប្រគល់បណ្ណកម្មសិទ្ធិជូនអតិថិជនរបស់ បុរីឡេង ណាវ៉ាត្រា ផ្លូវជាតិលេខ៦A ចំនួន ១២០០បណ្ណ
រដ្ឋមន្ត្រី ឡាំ ជា៖ កិច្ចការព្រំដែនជាអាយុជីវិតជាតិ ដែលរដ្ឋាភិបាលបានខិតខំបោះបង្គោលជាមួយប្រទេសជិតខាង
ខ្សែប្រយុទ្ធបទពិសោធច្រើន Moresche ចូលរួមជាមួយព្រះខ័នរាជស្វាយរៀង
ដើមផ្កាត្របែកព្រៃលើសួនទ្រូងផ្លូវជាតិលេខ៥ ងាប់ជាង១ពាន់ដើម ខណៈមន្ត្រីជំនាញអះអាងថា ភាគច្រើនមកពីសត្វឌួងស៊ី
កម្ពុជា នឹងមានភ្លៀងធ្លាក់នៅតាមតំបន់មួយចំនួន
លោក ខូវ ឆាយ ពន្យល់ធ្ងន់ៗពីសហព័ន្ធគុនខ្មែរអន្តរជាតិចង់នៅលើសហព័ន្ធគុនខ្មែរ
ផ្លូវ៦០ម៉ែត្រ! ម៉ូតូមួយគ្រឿងបុកជាមួយរថយន្ដរងរបួសធ្ងន់ពីរនាក់
ជំនន់ទឹកភ្លៀងនៅភាគអាគ្នេយ៍អាមេរិក បណ្តាលឲ្យមនុស្សស្លាប់ ឈានដល់ប្រកាសអាសន្ន
-
សន្តិសុខសង្គម១ សប្តាហ៍ ago«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
បច្ចេកវិទ្យា៤ ថ្ងៃ agoទូរស័ព្ទថតរូបក្នុងទឹកដំបូងគេក្នុងប្រទេសកម្ពុជា OPPO Reno13 Series 5G សម្ពោធជាផ្លូវការហើយ និងបំពាក់ដោយ AI ទំនើបៗ
-
ព័ត៌មានជាតិ២ ថ្ងៃ agoរថយន្តបុកគ្នា ខ្ទាតចេញប្រេងឆាគ្មានម៉ាកយីហោ២០០កាន៖ ពលរដ្ឋខ្លាចប៉ះពាល់សុខភាពអ្នកប្រើប្រាស់
-
ព័ត៌មានជាតិ១ សប្តាហ៍ agoករណីលូ១តម្លៃ៤០ដុល្លា៖ អាជ្ញាធរ ថាមិនបានយកលុយពីពលរដ្ឋឡើយ គឺពលរដ្ឋជួលភាគីឯកជនឱ្យដាក់ខ្លួនឯង
-
ជីវិតកម្សាន្ដ៤ ថ្ងៃ agoG-Devith ៖ បុគ្គលដែលអាចហែកមេឃចេញបាន មានន័យថា អ្នកនោះអាចរួចពីសំណាញ់ច្បាប់ហើយ
-
ព័ត៌មានជាតិ១ សប្តាហ៍ agoអ្នកស្រុកតំបន់អង្គរ បន្ដធ្វើពិធីចាប់ត្រីរួមគ្នាតាមទំនៀមទម្លាប់ពីដូនតា សម្រាប់ប្រារព្ធពិធីឡើងមាឃ
-
ជីវិតកម្សាន្ដ១ សប្តាហ៍ agoG-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព
-
ចរាចរណ៍១ សប្តាហ៍ agoផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត