ព័ត៌មានជាតិ
អ្នកនាំពាក្យ ៖ ការស្នើសុំអនុគ្រោះការបង់សងប្រាក់របស់អតិថិជននៅមិនទាន់មានកើនឡើងខ្លាំងនៅឡើយទេ
អ្នកនាំពាក្យសមាគមមីក្រូហិរញ្ញវត្ថុកម្ពុជាបានឲ្យដឹងថា បន្ទាប់ពីផ្ទុះព្រឹត្តិការណ៍សហគមន៍២០កុម្ភៈមក អតិថិជនដែលបានស្នើសុំរៀបចំឥណទានឬអនុគ្រោះលើការបង់សងឡើងវិញនៅមិនទាន់មានកើនឡើងខ្លាំងនៅឡើយទេ។
លោក កាំង តុងងី ប្រធាននាយកដ្ឋានទំនាក់ទំនងនិងជាអ្នកនាំពាក្យសមាគមមីក្រូហិរញ្ញវត្ថុកម្ពុជាបានបន្តថា «ជាធម្មតានៅមុនផ្ទុះព្រឹត្តិការណ៍២០កម្ភៈមានអតិថិជនស្នើសុំរៀបចំឥណទានឡើងវិញប្រមាណជាង១ពាន់នាក់ក្នុង១សប្តាហ៍។ ប៉ុន្តែក្រោយពីផ្ទុះព្រឹត្តិការណ៍ហ្នឹងមិនទាន់មានឃើញមានការកើនឡើងលើសពីជាង១ពាន់នាក់តិចតួចផ្អែកតាមទិន្នន័យយើងមានតែមិនទាន់កើនឡើងខ្លាំងនៅឡើយទេ។ ប៉ុន្តែរំពឹងថា នៅខែបន្តបន្ទាប់ទៀត អាចនឹងមានអាចមានការកើនឡើងច្រើនជាងធម្មតាដែលជាង១ពាន់នាក់ក្នុង១ខសប្តាហ៍»។
តែយ៉ាងណាក៏លោកបន្ថែមថា ផលប៉ះពាល់នេះនឹងមិនខ្លាំងដូចកាលពីខែមីនាឆ្នាំ២០២០កន្លងទៅនោះទេ។ ពាក់ព័ន្ធនឹងអ្នកប្រើប្រាស់បណ្តាញសង្គមហ្វេសប៊ុកមួយចំនួនបាននាំគ្នាធ្វើយុទ្ធនាទាមទារឱ្យគ្រឹះស្ថានធនាគារ និងមីក្រូហិរញ្ញពន្យារការបង់សងមួយរយៈនោះ លោកបានមានប្រសាសន៍ឲ្យដឹងថា ចំពោះអតិថិជនដែលរងផលប៉ះពាល់ពិតប្រាកដពីជំងឺកូវីដ១៩ គ្រឹះស្ថានហិរញ្ញវត្ថុនឹងផ្តល់ការអនុគ្រោះចំពោះការសងត្រឡប់ ដែលអតិថិជនអាចធ្វើការស្នើសុំមកខាងស្ថាប័នហិរញ្ញវត្ថុ ដោយជ្រើសរើសយកជម្រើសបង់តែការប្រាក់ពី៣ទៅ៦ខែ និងជម្រើសទី២ ផ្អាកទាំងការទាំងដើម ពី៣ទៅ៦ខែ។
លោកបានបញ្ជាក់ថា «ចំពោះអ្នកដែលរងផលប៉ះពាល់ពិតប្រាកដ អាចទាក់ទងទៅមន្ត្រីឥណទាន ឬគ្រឹះស្ថានហិរញ្ញវត្ថុ ដើម្បីសុំរៀបចំឥណទានឡើងវិញ នោះខាងគ្រឹះស្ថានហិរញ្ញនិងសិក្សាដើម្បីផ្តល់គោលការណ៍អនុគ្រោះដល់ពួកគាត់ ប៉ុន្តែប្រសិនបើអតិថិជនគ្រាន់តែបង្ហោះនៅលើបណ្តាញសង្គម ប៉ុន្តែការសិក្សាជាក់ស្តែងមិនមានផលប៉ះពាល់នោះ គ្រឹះស្ថានហិរញ្ញវត្ថុ នឹងមិនអាចផ្តល់ជូនពួកគាត់បានដែរ»។
លោកបានបន្ថែមទៀតថា គ្រឹះស្ថានហិរញ្ញមិនអាចរៀបចំឱ្យមានការផ្អាកឬពន្យារការបង់ប្រាក់ដល់អតិថិជនដោយស្វ័យប្រវត្តិបាននោះទេ ព្រោះខុសពីច្បាប់នីតិសន្យា។ ម្យ៉ាងទៀត វិស័យហិរញ្ញវត្ថុក៏រងផលប៉ះពាល់ដូចវិស័យផ្សេងទៀតដែរ ដែលលោកស្នើឱ្យសាធារណៈជនមានការជោគយល់ផងដែរ។
បើតាមលោក កាំង តុងងីគិតចាប់តាំងពីខែមីនា ឆ្នាំ២០២០ ដល់ដំណាច់ខែកុម្ភៈឆ្នាំ២០២១នេះ គ្រឹះស្ថានមីក្រូហិរញ្ញវត្ថុបានរៀបចំឥណទានឡើងវិញដល់អតិថិជន បានប្រមាណ២៩ម៉ឺននាក់ ក្នុងទំហំទឹកប្រាក់ប្រមាណ១៤០០លានដុល្លារ៕
ដោយ ៖ សំអឿន
ជាង ១០ ថ្ងៃចុងក្រោយនេះ រមណីយដ្ឋានភ្នំសំពៅស្ងប់ស្ងាត់ អាជីវករឆ្ងល់គ្រប់គ្នាបាត់ភ្ញៀវទៅណា?
TikTok គ្រោងវិនិយោគលើមជ្ឃមណ្ឌលទិន្នន័យនៅថៃ ទំហំ ៣,៧ ប៊ីលានដុល្លារ
យន្តហោះដឹកកម្មករប្រេងធ្លាក់នៅស៊ូដង់ខាងត្បូង សម្លាប់មនុស្ស២០នាក់ និងរស់ម្នាក់
តម្រូវការក្នុងស្រុក នៅតែជាទីផ្សារធំ សម្រាប់ដូងកំពត
កុមារធ្វើអត្តឃាតកើនឡើងខ្ពស់បំផុតនៅជប៉ុន ប៉ុន្តែអត្តឃាតមនុស្សធំធ្លាក់ចុះ
ផ្លូវថ្មើរជើង(Walk street) ចាប់ពីមុខប្រៃសណីយ៍ដល់ ព្រះបរមរាជវាំងនឹងដំណើរការ នៅថ្ងៃទី០១កុម្ភៈ
ថ្ងៃសែនចូលឆ្នាំចិន វៀតណាម អគ្គិភ័យកើតឡើង៤លើកក្នុងភូមិសាស្ត្ររាជធានីភ្នំពេញ
ស្ត្រីសម្រស់ស្អាតជាមេខ្លោងក្នុងអំពើឆបោកលុយ៤០លានដុល្លារនៅវៀតណាមត្រូវចាប់ខ្លួន
អ្នកវិទ្យាសាស្រ្តរកឃើញភពថ្មី អាចឲ្យមនុស្សរស់នៅបាន ហើយក៏អាចមានពួក Alien នៅទីនោះដែរ
ផ្អើលហ្វេនតារា Kpop នាំគ្នាប្រើ AI បង្កើតវីដេអូអាសអាភាសជាមួយអាយដលខ្លួន
-
ចរាចរណ៍៥ ថ្ងៃ agoពលរដ្ឋអ្នកធ្វើដំណើរ គាំទ្រចំពោះការដាក់រនាំងដែកពុះចែកទ្រូងផ្លូវ នៅផ្លូវ ៦០ ម៉ែត្រ ដើម្បីកាត់បន្ថយគ្រោះថ្នាក់ចរាចរណ៍
-
ព័ត៌មានអន្ដរជាតិ៥ ថ្ងៃ agoអាមេរិក ផ្អាកជំនួយនៅបរទេសទាំងអស់ លើកលែងតែប្រទេសចំនួន២
-
ជីវិតកម្សាន្ដ៣ ថ្ងៃ agoនាយិការងព័ត៌មាន CNC កញ្ញា នូ មៈនេត្រអាថាណ្ណា ទទួលមរណភាពក្នុងអាយុ៣៧ឆ្នាំ
-
ព័ត៌មានអន្ដរជាតិ១ ថ្ងៃ agoBreaking News! រត់ជាន់គ្នាក្នុងពិធីបុណ្យសាសនាហិណ្ឌូ ដែលមានមនុស្សចូលរួម ១០០លាននាក់ នៅឥណ្ឌា
-
ព័ត៌មានជាតិ២ ថ្ងៃ agoក្រៅពីមិនសុំទោសជនតាំងខ្លួនជាសាស្តាហៅអ្នកប្រតិកម្មលើខ្លួនជា «មនុស្សល្ងង់ និងអគតិ»
-
ព័ត៌មានអន្ដរជាតិ២ ថ្ងៃ agoអគ្គីភ័យលេបត្របាក់ផ្ទះឈើតម្លៃជិត ៣ លានដុល្លារក្នុងថ្ងៃបុណ្យចូលឆ្នាំចិន នៅខេត្ត Lop Buri ប្រទេសថៃ
-
ព័ត៌មានជាតិ៣ ថ្ងៃ agoក្រសួងធម្មការកំពុងពិនិត្យវិធានការលើបុគ្គលដែលថាព្រះសង្ឃជាបន្ទុកពលរដ្ឋ និងមើលងាយព្រះត្រៃបិដក
-
ព័ត៌មានអន្ដរជាតិ៧ ថ្ងៃ agoអ្នកជំនាញព្រមានថា ភ្លើងឆេះព្រៃថ្មីនៅ LA នឹងធំ ដូចផ្ទុះនុយក្លេអ៊ែរអ៊ីចឹង