កីឡា
ពុធ សំបូរ នឹងជាកីឡាករកម្ពុជាទី១ បើឈ្នះ Wanchaloem ដណ្តើមខ្សែក្រវាត់ WBC ស្អែក
កីឡាករកម្ពុជា ពុធ សំបូរ ត្រូវប្រកួតដណ្តើមខ្សែក្រវាត់មួយថៃ WBC ជាមួយកីឡាករថៃ Wanchaloem Chanajan នារសៀលថ្ងៃសៅរ៍ ទី២២ ខែកុម្ភៈ ឆ្នាំ២០២៥ នៅប្រទេសអូស្ត្រាលី។
កីឡាករកម្ពុជា២រូបហើយបានទៅប្រកួតដណ្តើមខ្សែក្រវាត់ WBC នៅប្រទេសអូស្ត្រាលី ប៉ុន្តែមិនទាន់មានកីឡាករណាស្ពាយខ្សែក្រវាត់កម្រិតពិភពលោកមួយនេះមកទឹកដីកំណើតឡើយ។
កាលពីឆ្នាំ២០០៨ លោក ជ័យ កុសល កាលនៅជាកីឡាករ បានទៅប្រកួតដណ្តើមខ្សែក្រវាត់ WBC ប៉ុន្តែបានចាញ់កីឡាករថៃ។ ទោះជាយ៉ាងណា ការប្រកួតនោះត្រូវបានលោកប្រាប់ថា ដំបូងឡើយ លោកមិនបានដឹងពីការប្រកួតនោះគឺជាការប្រកួតដណ្តើមខ្សែក្រវាត់ឡើយ។ ទាល់តែទៅដល់អូស្ត្រាលីទើបលោកដឹងជាការប្រកួតដណ្តើមខ្សែក្រវាត់។
បន្ទាប់មកនៅឆ្នាំ២០២៤ ម្ចាស់មេដាយមាសកីឡាស៊ីហ្គេម២សម័យកាល បឺត សង្ឃឹម ទទួលបានឱកាសទៅប្រកួតដណ្តើមខ្សែក្រវាត់ WBC ជាមួយកីឡាករថៃ Yothin នាថ្ងៃទី១៧ ខែកុម្ភៈ នៅប្រទេសអូស្ត្រាលី។ ពេលនោះ កីឡាករកម្ពុជាត្រូវបានអាជ្ញាកណ្តាលបញ្ឈប់ការប្រកួតក្នុងទឹកទី១ បន្ទាប់ពីបែកឈាមលើភ្នែក។
ពេលនេះដល់វេន អ្នកលេងរន្ទះជើង ពុធ សំបូរ ត្រូវប៉ះខ្លាចាស់ថៃ Wanchaloem ដណ្តើមខ្សែក្រវាត់ WBC នៅអូស្ត្រាលីទៀត។ កីឡាករថៃម្នាក់នេះបានប្រឡូកក្នុងអាជីពប្រដាល់ជាង២០ឆ្នាំ និងធ្លាប់ឡើងសង្វៀនរាប់រយដង។ រូបគេជាម្ចាស់់ខ្សែក្រវាត់នៅសង្វៀនប៉ុស្តិ៍លេខ៧ថៃ និងជាម្ចាស់ខ្សែក្រវាត់ប៉ុស្តិ៍លេខ៣ថៃ ព្រមទាំងជាគ្រូបង្វឹកប្រដាល់មួយថៃផងដែរ។ រូបគេមានបទពិសោធច្រើនប្រកួតនៅប្រទេសចិន និងអូស្ត្រាលី។
និយាយពី ពុធ សំបូរ ត្រូវបានមហាជនចាប់អារម្មណ៍ខ្លាំងនាប៉ុន្មានខែចុងក្រោយនេះ បន្ទាប់ពីទទួលបានឱកាសប្រកួតដណ្តើមរង្វាន់រថយន្តដល់ទៅ២លើក។ លើកទី១ រូបគេបានឈានដល់វគ្គផ្តាច់ព្រ័ត្រ ប៉ុន្តែបានចាញ់កីឡាករ ហង្សសុវណ្ណ ចាន់សុធី និងលើកទី២បានឡើងដល់វគ្គផ្តាច់ព្រ័ត្រ យកឈ្នះ ស៊ន រ៉ាគីម ដើម្បីក្លាយជាម្ចាស់រង្វាន់រថយន្តដ៏ថ្មីសន្លាង។
ការប្រកួតចុងក្រោយ ពុធ សំបូរ បានចាញ់មិត្តរួមជាតិ សុខ ធី ក្នុងការប្រកួតដណ្តើមខ្សែក្រវាត់នៅខេត្តស្វាយរៀង។
រង់ចាំទាំងអស់គ្នានៅរសៀល ថ្ងៃសៅរ៍ ទី២២ ខែកុម្ភៈ ឆ្នាំ២០២៥ ចេញពីទឹកដីទីក្រុងស៊ីដនី ប្រទេសអូស្ត្រាលី ថាតើ ពុធ សំបូរ នឹងក្លាយជាកីឡាករកម្ពុជាទី១ដែលនាំយកខ្សែក្រវាត់ WBC មកកាន់ទឹកដីកំណើតបានឬយ៉ាងណា៕
អត្ថបទ៖ វីរបុត្រ
វៀតណាមគ្រោងនាំចេញអង្ករ ១០០ ០០០ តោន ទៅបង់ក្លាដែស
NBC៖ ឥណទាននៅក្នុងវិស័យធនាគារ និងហិរញ្ញវត្ថុនឹងកើនឡើងក្នុងអត្រា៦%នៅឆ្នាំនេះ
ពុធ សំបូរ នឹងជាកីឡាករកម្ពុជាទី១ បើឈ្នះ Wanchaloem ដណ្តើមខ្សែក្រវាត់ WBC ស្អែក
ស្ថានការណ៍អន្តរជាតិកាន់តែស្មុគស្មាញ កម្ពុជា-ជប៉ុន នៅតែពួតដៃគ្នារក្សាជំហរសន្តិភាព និងពហុភាគីនិយម
អធិការរងខណ្ឌ ៧ មករា ម្នាក់ បើករថយន្តធ្លាក់ស្ពាន ស្លាប់មនុស្សម្នាក់ និងរបួសធ្ងន់-ស្រាល ៤ នាក់
នគរបាលស្រុកបូទុមសាគរ កំពុងស្វែងរកជនបង្ក គ្រោះថ្នាក់ចរាចរណ៍បណ្ដាលឲ្យស្លាប់មនុស្ស២ម្នាក់ និងរបួស២នាក់
លោក ជួន ណារិន្ទ បង្គាប់ឱ្យមន្ត្រីនគរបាលពីររូបបង្ហាញខ្លួននៅការិយាល័យបុគ្គលិកពាក់ព័ន្ធករណីប៉ះទង្គិចជាមួយលោកបណ្ឌិត សុខ ទូច
រុស្ស៊ី បានដៃ បាញ់មីស៊ីលស្រោចលើអ៊ុយក្រែន ចំពេល ត្រាំ និង ហ្សេលេនស្គី កំពុងឈ្លោះគ្នា
ពូទីន ប្រាប់ ហ្សេលេនស្គី កុំឲ្យតូចចិត្តតូចថ្លើម គ្មាននរណាមិនឲ្យអ៊ុយក្រែនចូលរួមកិច្ចចរចាទេ
បារាំង-អង់គ្លេស ចេញមុខកែនទ័ពអឺរ៉ុប៣ម៉ឺននាក់ បញ្ជូនទៅអ៊ុយក្រែន ធ្វើឲ្យរុស្ស៊ី ក្តៅឆេវ
-
ព័ត៌មានជាតិ៣ ថ្ងៃ agoគ្រាន់តែសុំមើលប្រដាប់វាស់ជាតិអាល់កុល បណ្ឌិត សុខ ទូច ត្រូវប៉ូលីសស្រែកកំហកដាក់ថា«ហែងស្អីបានមកបញ្ជាកងកម្លាំង?»
-
បច្ចេកវិទ្យា១ សប្តាហ៍ agoទូរស័ព្ទថតរូបក្នុងទឹកដំបូងគេក្នុងប្រទេសកម្ពុជា OPPO Reno13 Series 5G សម្ពោធជាផ្លូវការហើយ និងបំពាក់ដោយ AI ទំនើបៗ
-
ព័ត៌មានជាតិ៦ ថ្ងៃ agoរថយន្តបុកគ្នា ខ្ទាតចេញប្រេងឆាគ្មានម៉ាកយីហោ២០០កាន៖ ពលរដ្ឋខ្លាចប៉ះពាល់សុខភាពអ្នកប្រើប្រាស់
-
ព័ត៌មានជាតិ៣ ថ្ងៃ agoបណ្ឌិត គិន ភា៖សូម្បីបណ្ឌិតសភាចារ្យ សុខ ទូច ប៉ូលិសចរាចរណ៍មួយក្រុមនោះមិនគោរពផង ចុះពលរដ្ឋធម្មតា?
-
ជីវិតកម្សាន្ដ១ សប្តាហ៍ agoG-Devith ៖ បុគ្គលដែលអាចហែកមេឃចេញបាន មានន័យថា អ្នកនោះអាចរួចពីសំណាញ់ច្បាប់ហើយ
-
សន្តិសុខសង្គម៤ ថ្ងៃ agoដើមផ្កាត្របែកព្រៃលើសួនទ្រូងផ្លូវជាតិលេខ៥ ងាប់ជាង១ពាន់ដើម ខណៈមន្ត្រីជំនាញអះអាងថា ភាគច្រើនមកពីសត្វឌួងស៊ី
-
ព័ត៌មានជាតិ៣ ថ្ងៃ agoនគរបាលច្រានចោលការលើកឡើងរបស់បណ្ឌិត សុខ ទូច
-
ព័ត៌មានអន្ដរជាតិ៧ ថ្ងៃ agoរុស្ស៊ី វាយប្រហាររោងចក្រនុយក្លេអ៊ែរនៅ Chernobyl បង្កហានិភ័យលេចធ្លាយជាតិវិទ្យុសកម្ម