ព័ត៌មានអន្ដរជាតិ
ឥណ្ឌូណេស៊ី៖ Toyota ចង់ឱ្យខ្លួនក្លាយជា មជ្ឈមណ្ឌលផលិតកម្មប្រចាំលោកខាងត្បូង
ប្អូនប្រុសបង្កើតរបស់ប្រធានាធិបតីឥណ្ឌូណេស៊ី ប្រាបូវូ ស៊ូប៊ីយានតូ លោក Hashim Djojohadikusumo ថ្មីៗនេះបានបង្ហើបថា ក្រុមហ៊ុនផលិតរថយន្តអគ្គិសនីយក្សជប៉ុន Toyota ចង់ឱ្យឥណ្ឌូណេស៊ីក្លាយជាមជ្ឈមណ្ឌលផលិតកម្មរបស់ក្រុមហ៊ុនសម្រាប់ទីផ្សារនៅប្រទេសលោកខាងត្បូង។ នេះបើតាមការចុះផ្សាយរបស់កាសែត Jakarta Globe កាលពីថ្ងៃព្រហស្បតិ៍។
ថ្លែងក្នុងវេទិកាមួយដែលពេញដោយពាណិជ្ជករឥណ្ឌូណេស៊ី លោក Hashim បានអះអាងថា លោកបាននិយាយជាមួយតំណាងក្រុមហ៊ុន Toyota ហើយផ្អែកលើការនិយាយគ្នា លោក Hashim ថ្លែងយ៉ាងដូច្នេះថា៖ «Toyota និយាយថា ពួកគេចង់ធ្វើឱ្យឥណ្ឌូណេស៊ីក្លាយជាមជ្ឈមណ្ឌលផលិតកម្មសម្រាប់ពិភពលោកខាងត្បូង។ Toyota Indonesia នាំចេញទៅកាន់ ៨០ ប្រទេស។ តើអាចស្រមៃបានទេ? ពួកគេនាំចេញសូម្បីតែទៅម៉ិកស៊ិក»។
លោកបន្តថា៖ «ពួកគេចង់ពង្រីកទីផ្សារទៅម៉ិកស៊ិកបន្ថែមទៀត។ ដូច្នេះតើពួកគេត្រូវការអ្វីខ្លះ? ពួកគេត្រូវការកិច្ចព្រមព្រៀងពាណិជ្ជកម្មសេរីជាមួយម៉ិកស៊ិក។ នោះហើយជាអ្វីដែលខ្ញុំស៊កខ្លួនចូល។ ខ្ញុំអាចជួយក្រុមហ៊ុនដែលត្រូវការកិច្ចព្រមព្រៀងពាណិជ្ជកម្មសេរីជាមួយប្រទេសផ្សេងទៀត»។
គួរគូសបញ្ជាក់ថា បច្ចុប្បន្ន ក្រុមហ៊ុន Toyota ប្រចាំឥណ្ឌូណេស៊ី មានរោងចក្រផលិតរថយន្តចំនួន ៥ រួចហើយ ដោយរោងចក្រនីមួយៗថែមទាំងមានសមត្ថភាពផលិតរថយន្តប្រចាំឆ្នាំរាប់សែនគ្រឿង សម្រាប់ទាំងទីផ្សារក្នុង និងក្រៅស្រុក។ ប្រទេសលោកខាងត្បូង សំដៅលើប្រទេសកំពុងអភិវឌ្ឍ ដែលរាប់បញ្ចូលទាំងបណ្ដាប្រទេសនៅអាហ្វ្រិក អាមេរិកឡាទីន កោះៗនៅសមុទ្រការ៉ាអ៊ីប អាស៊ី និងអូសេអានី។
ទិន្នន័យរបស់សមាគមរថយន្ត Gaikindo បង្ហាញថា ក្រុមហ៊ុន Toyota Indonesia បាននាំចេញរថយន្តដែលផលិតក្នុងស្រុកចំនួន ២៧៦ ០៨៩ គ្រឿង ពេញមួយឆ្នាំមុន។ ការរាយការណ៍នាពេលកន្លងមក បានបង្ហាញថា ម៉ិកស៊ិកបាននាំចូលនូវរថយន្ត Toyota Avanza និង Veloz ផលិតនៅឥណ្ឌូណេស៊ី។
លោក Hashim មិនបាននិយាយជាលម្អិតអំពីកិច្ចព្រមព្រៀងពាណិជ្ជកម្មដែល Toyota កំពុងសម្លឹងមើលជាមួយម៉ិកស៊ិកនោះទេ។ យ៉ាងណាមិញ បច្ចុប្បន្ន ឥណ្ឌូណេស៊ីកំពុងព្យាយាមធ្វើឱ្យប្រសើរឡើងនូវលទ្ធភាពនាំចេញទៅកាន់ម៉ិកស៊ិក ជាពិសេសតាមរយៈកិច្ចព្រមព្រៀងគ្រប់ជ្រុងជ្រោយ និងជឿនលឿនចំពោះភាពជាដៃគូអន្តរប៉ាស៊ីហ្វិក (CPTPP) ជាដើម៕
ឥណ្ឌូណេស៊ី៖ Toyota ចង់ឱ្យខ្លួនក្លាយជា មជ្ឈមណ្ឌលផលិតកម្មប្រចាំលោកខាងត្បូង
ការដ្ឋានសាងសង់អគារដ៏ធំ ១ កន្លែង ក្នុងខណ្ឌបឹងកេងកង កំពុងបង្កក្ដីបារម្ភ ដល់ពលរដ្ឋធ្វើដំណើរឆ្លងកាត់
មុនរដូវវស្សាមកដល់ អភិបាលខេត្តកណ្ដាលឱ្យក្រុមហ៊ុនពន្លឿនការសាងសង់ស្ពានកោះចំរើនឱ្យរួចរាល់
វិសាខា ប៉ះ ពីភ្នំពេញក្រោន លើកទី៣ រដូវកាលនេះ
Lee Min-ho បដិសេធពាក្យចចាមអារ៉ាមទាក់ទងជាមួយ Park Bom
លោក ជួន ណារិន្ទ បង្គាប់ឱ្យមន្ត្រីនគរបាលពីររូបបង្ហាញខ្លួននៅការិយាល័យបុគ្គលិកពាក់ព័ន្ធករណីប៉ះទង្គិចជាមួយលោកបណ្ឌិត សុខ ទូច
រុស្ស៊ី បានដៃ បាញ់មីស៊ីលស្រោចលើអ៊ុយក្រែន ចំពេល ត្រាំ និង ហ្សេលេនស្គី កំពុងឈ្លោះគ្នា
បារាំង-អង់គ្លេស ចេញមុខកែនទ័ពអឺរ៉ុប៣ម៉ឺននាក់ បញ្ជូនទៅអ៊ុយក្រែន ធ្វើឲ្យរុស្ស៊ី ក្តៅឆេវ
ក្រឡាប់យន្តហោះនៅកាណាដាថ្ងៃមុន អ្នកដំណើរបានសំណងម្នាក់ ៣០ ០០០ ដុល្លារ
មន្ត្រីអាមេរិកប្រាប់អ៊ុយក្រែន ឲ្យឈប់ឈ្លោះជាមួយ ត្រាំ ហើយងាកមកស៊ីញ៉េកិច្ចព្រមព្រៀងផ្តល់ធនធានរ៉ែវិញ
-
ព័ត៌មានជាតិ៣ ថ្ងៃ agoគ្រាន់តែសុំមើលប្រដាប់វាស់ជាតិអាល់កុល បណ្ឌិត សុខ ទូច ត្រូវប៉ូលីសស្រែកកំហកដាក់ថា«ហែងស្អីបានមកបញ្ជាកងកម្លាំង?»
-
ព័ត៌មានជាតិ៦ ថ្ងៃ agoរថយន្តបុកគ្នា ខ្ទាតចេញប្រេងឆាគ្មានម៉ាកយីហោ២០០កាន៖ ពលរដ្ឋខ្លាចប៉ះពាល់សុខភាពអ្នកប្រើប្រាស់
-
ព័ត៌មានជាតិ៣ ថ្ងៃ agoបណ្ឌិត គិន ភា៖សូម្បីបណ្ឌិតសភាចារ្យ សុខ ទូច ប៉ូលិសចរាចរណ៍មួយក្រុមនោះមិនគោរពផង ចុះពលរដ្ឋធម្មតា?
-
សន្តិសុខសង្គម៤ ថ្ងៃ agoដើមផ្កាត្របែកព្រៃលើសួនទ្រូងផ្លូវជាតិលេខ៥ ងាប់ជាង១ពាន់ដើម ខណៈមន្ត្រីជំនាញអះអាងថា ភាគច្រើនមកពីសត្វឌួងស៊ី
-
ព័ត៌មានជាតិ៣ ថ្ងៃ agoនគរបាលច្រានចោលការលើកឡើងរបស់បណ្ឌិត សុខ ទូច
-
ព័ត៌មានអន្ដរជាតិ៧ ថ្ងៃ agoរុស្ស៊ី វាយប្រហាររោងចក្រនុយក្លេអ៊ែរនៅ Chernobyl បង្កហានិភ័យលេចធ្លាយជាតិវិទ្យុសកម្ម
-
ព័ត៌មានជាតិ១ សប្តាហ៍ agoកម្ចីប្រាក់តាមអនឡាញខុសច្បាប់ រដ្ឋមន្ត្រីមហាផ្ទៃ ប្រាប់ពលរដ្ឋ «កុំសង» បើគេរករឿង ប្ដឹងមកសមត្ថកិច្ច
-
ចរាចរណ៍១ ថ្ងៃ agoនគរបាលស្រុកបូទុមសាគរ កំពុងស្វែងរកជនបង្ក គ្រោះថ្នាក់ចរាចរណ៍បណ្ដាលឲ្យស្លាប់មនុស្ស២ម្នាក់ និងរបួស២នាក់