ព័ត៌មានអន្ដរជាតិ
មេដឹកនាំអឺរ៉ុបធ្វើដំណើរតាមរថភ្លើងទៅកាន់ក្រុងកៀវ ចំថ្ងៃខួប៣ឆ្នាំនៃសង្គ្រាមនៅអ៊ុយក្រែន
បណ្តាមេដឹកនាំស្ថាប័នអឺរ៉ុបនិងប្រទេសមួយចំនួនក្នុងតំបន់អឺរ៉ុបខាងលិចនិងខាងជើង បានធ្វើដំណើរទីកាន់ទីក្រុងកៀវដ៏គួរឲ្យភ្ញាក់ផ្អើលដើម្បីបង្ហាញការគាំទ្រដល់អ៊ុយក្រែនក្នុងខួប៣ឆ្នាំនៃសង្គ្រាមទប់ទល់នឹងការវាយឈ្លានពានរបស់មហាអំណាចរុស្ស៊ី។
សេចក្តីរាយការណ៍របស់ទីភ្នាក់ងារព័ត៌មាន Associated Press (AP) នៅមុននេះបានឱ្យដឹងថា ថ្នាក់ដឹកនាំអឺរ៉ុបដែលធ្វើដំណើរតាមរថភ្លើងទៅកាន់ទីក្រុងកៀវនៅថ្ងៃចន្ទនេះ រួមមាន ប្រធានគណៈកម្មការអឺរ៉ុបលោកស្រី Ursula von der Leyen នាយករដ្ឋមន្ត្រីកាណាដា Justin Trudeau ដែលបង្ហាញជំហរគាំទ្រអ៊ុយក្រែនប្រឆាំងការវាយប្រហាររបស់ប្រធានាធិបតីសហរដ្ឋអាមេរិក លោក ដូណាល់ ត្រាំ។
វត្តមានប្រមុខដឹកនាំសំខាន់ៗផ្សេងទៀត រួមមាន ប្រធានក្រុមប្រឹក្សាអឺរ៉ុបលោក Antonio Costa ក៏ដូចជានាយករដ្ឋមន្ត្រីនៃបណ្តាប្រទេសនៅអឺរ៉ុបខាងជើង និងអេស្ប៉ាញ ត្រូវបានគេកំណត់ចូលរួមក្នុងព្រឹត្តិការណ៍ដែលឧទ្ទិសដល់ខួប និងពិភាក្សាអំពីការគាំទ្រអ៊ុយក្រែនចំពេលមានការផ្លាស់ប្តូរគោលនយោបាយរបស់សហរដ្ឋអាមេរិកនាពេលថ្មីៗនេះក្រោមការដឹកនាំរបស់ប្រធានាធិបតី លោក ដូណាល់ ត្រាំ។
ប្រតិភូអឺរ៉ុបនិងកាណាដា ត្រូវបានស្វាគមន៍នៅស្ថានីយ៍ដោយរដ្ឋមន្ត្រីការបរទេសអ៊ុយក្រែន លោក Andrii Sybiha និង លោក Andrii Yermak ជានាសេនាធិការចម្រុះរបស់ប្រធានាធិបតីអ៊ុយក្រែន។
នៅក្នុងការបង្ហោះនៅលើបណ្តាញសង្គម X, ប្រធានគណៈកម្មការអឺរ៉ុប លោកស្រី Ursula von der Leyen បានសរសេរថាអឺរ៉ុបគឺនៅក្នុងទីក្រុងកៀវ «ដោយសារតែអ៊ុយក្រែននៅក្នុងទ្វីបអឺរ៉ុប»។
ខ្លឹមសារសំណេរនោះបានបន្តថា៖«នៅក្នុងការប្រយុទ្ធដើម្បីការរស់រានមានជីវិតនេះ វាមិនត្រឹមតែជាជោគវាសនារបស់អ៊ុយក្រែនប៉ុណ្ណោះទេដែលនោះគឺជាស្នូល វាជាជោគវាសនារបស់អឺរ៉ុប»។
មេដឹកនាំអឺរ៉ុបបានបង្ហាញនូវសញ្ញារួបរួមគ្នាយ៉ាងខ្លាំងក្នុងការគាំទ្រអ៊ុយក្រែនចាប់តាំងពីសហរដ្ឋអាមេរិកដឹកនាំដោយរដ្ឋបាលរបស់ប្រធានាធិបតីដូណាល់ ត្រាំ ងាកទៅចរចាជាមួយរុស្ស៊ីទ្វេភាគី ដោយមិនរួមបញ្ចូលរដ្ឋាភិបាលនៃប្រទេសអ៊ុយក្រែន និងសហភាពអឺរ៉ុបក្នុងការចរចាដាក់គំនាបរុស្ស៊ីឡើយ។
នៅលើឆាកអន្តរជាតិវិញ ចំថ្ងៃខួប៣ឆ្នាំនៃសង្គ្រាមនៅអ៊ុយក្រែននេះដែរ អាមេរិកបានជំរុញឱ្យអ៊ុយក្រែនដកខ្លួនពីសហភាពអឺរ៉ុបដែលត្រៀមបញ្ជូនសេចក្ដីព្រាងទៅអង្គការសហប្រជាជាតិដើម្បីបោះឆ្នោតថ្កោលទោសរុស្ស៊ីនៅថ្ងៃខួប៣ឆ្នាំនៃសង្គ្រាមចំថ្ងៃទី២៤ កុម្ភៈ ២០២៥អឺរ៉ុបកំពុងរៀបចំសេចក្ដីព្រាងនោះ ខណៈពេលដែលអាមេរិកក៏កំពុងរៀបចំសេចក្ដីព្រាងការណ៍របស់ខ្លួនស្តីពីសង្គ្រាមនេះបញ្ជូនទៅកាន់សន្និបាតអង្គការសហប្រជាជាតិដើម្បីអនុម័តដែរ៕
ដោយ រ៉ាន់ រើយ
អតិផរណាសិង្ហបុរីកើនតិចបំផុតក្នុងរយៈពេល ៤ ឆ្នាំ
សមត្ថកិច្ចបង្ក្រាបទីតាំងអនឡាញខុសច្បាប់២កន្លែងក្នុងក្រុងប៉ោយប៉ែត ដោយឃាត់បានជនបរទេស២៣០នាក់
មេដឹកនាំអឺរ៉ុបធ្វើដំណើរតាមរថភ្លើងទៅកាន់ក្រុងកៀវ ចំថ្ងៃខួប៣ឆ្នាំនៃសង្គ្រាមនៅអ៊ុយក្រែន
អ្នកគាំទ្រការពារ Lisa ក្រោយអ្នកកាសែតចោទថា នាងមានបានរហ័ស ទោះវ័យទើប២៧ក្ដី
ក្រុមហ៊ុនក្នុងស្រុកបានកៀរគរទុនប្រមាណ ៤៧៥ លានដុល្លារពីផ្សារហ៊ុនគិតត្រឹមចុងខែកម្ភៈ
ហ្សេលេនស្គី ផ្តាំទៅ ត្រាំ ថា អ៊ុយក្រែន មិនសងអាមេរិក ដាច់ខាត
គ្រឿងអលង្ការរបស់កញ្ញា លីនដា បង្ហាញខ្លួននៅ Bvlgari ថ្ងៃមុន តម្លៃសរុបចូលដល់ខ្ទង់លានដុល្លារ
យន្តហោះក្រុមហ៊ុន American Airlines ផ្ទុកអ្នកដំណើរ ១៩៩នាក់ រងការគំរាមបំផ្ទុះគ្រាប់បែក នៅលើអាកាស
កវីឯក ជ័យ ចាប វិលមកកម្ពុជាវិញហើយ ក្រោយស្ថានភាពជំងឺធូរស្រាល
កម្ពុជា នឹងបន្តមានភ្លៀងធ្លាក់ដល់ថ្ងៃទី២៦កុម្ភៈ
-
ព័ត៌មានជាតិ៦ ថ្ងៃ agoគ្រាន់តែសុំមើលប្រដាប់វាស់ជាតិអាល់កុល បណ្ឌិត សុខ ទូច ត្រូវប៉ូលីសស្រែកកំហកដាក់ថា«ហែងស្អីបានមកបញ្ជាកងកម្លាំង?»
-
ព័ត៌មានជាតិ៦ ថ្ងៃ agoបណ្ឌិត គិន ភា៖សូម្បីបណ្ឌិតសភាចារ្យ សុខ ទូច ប៉ូលិសចរាចរណ៍មួយក្រុមនោះមិនគោរពផង ចុះពលរដ្ឋធម្មតា?
-
សន្តិសុខសង្គម១ សប្តាហ៍ agoដើមផ្កាត្របែកព្រៃលើសួនទ្រូងផ្លូវជាតិលេខ៥ ងាប់ជាង១ពាន់ដើម ខណៈមន្ត្រីជំនាញអះអាងថា ភាគច្រើនមកពីសត្វឌួងស៊ី
-
ព័ត៌មានជាតិ៦ ថ្ងៃ agoនគរបាលច្រានចោលការលើកឡើងរបស់បណ្ឌិត សុខ ទូច
-
ព័ត៌មានអន្ដរជាតិ១ ថ្ងៃ agoចិន រកឃើញមេរោគស៊ីសួតថ្មី បង្កក្តីបារម្ភផ្ទុះជំងឺរាតត្បាត ដូច កូវីដ-១៩
-
ចរាចរណ៍៤ ថ្ងៃ agoនគរបាលស្រុកបូទុមសាគរ កំពុងស្វែងរកជនបង្ក គ្រោះថ្នាក់ចរាចរណ៍បណ្ដាលឲ្យស្លាប់មនុស្ស២ម្នាក់ និងរបួស២នាក់
-
សន្តិសុខសង្គម៤ ថ្ងៃ agoជនដៃដល់ដែលកាប់សម្លាប់ប្រពន្ធនៅខណ្ឌដង្កោ ត្រូវបានសមត្ថកិច្ចឃាត់ខ្លួនបានហើយ
-
ព័ត៌មានជាតិ១ សប្តាហ៍ agoកម្ពុជា នឹងមានភ្លៀងធ្លាក់នៅតាមតំបន់មួយចំនួន