ព័ត៌មានអន្ដរជាតិ
ត្រាំ បង្ហោះវីដេអូ AI មួយពាក់ព័ន្ធនឹងគម្រោងកែប្រែហ្គាហ្សាទៅជាតំបន់កម្សាន្ត
ប្រធានាធិបតីអាមេរិក លោក ដូណាល់ ត្រាំ បានបង្ហោះវីដេអូមួយ ដែលបង្កើតដោយបច្ចេកវិទ្យា AI នៅលើបណ្ដាញសង្គមនៅថ្ងៃពុធទី២៦កុម្ភៈនេះ ដែលបង្ហាញពីចក្ខុវិស័យអំពីអនាគតដ៏មានសក្តានុពលរបស់តំបន់ហ្គាហ្សា ក្រោមផែនការដែលបានស្នើឡើងរបស់លោកកាលពីពេលថ្មីៗកន្លងទៅ ក្នុងការផ្លាស់ទីលំនៅប្រជាជនប៉ាឡេស្ទីនចេញពីហ្គាហ្សាទៅកាន់ប្រទេសអារ៉ាប់ជិតខាង។
វីដេអូនោះបង្ហាញពីការជប់លៀងឥតឈប់ឈរ និងប្រាក់ដុល្លារ នៅតាមតំបន់ឆ្នេរសមុទ្រ ហើយក៏មានរូបសំណាកពណ៌មាសរបស់លោក ត្រាំ ផងដែរ។ ចំណែកឯប៉ារ៉ូលចម្រៀងត្រូវបានច្រៀងថា៖ «គ្មានផ្លូវរូងក្រោមដី។ គ្មានការភ័យខ្លាចទៀតទេ។ “Trump Gaza” ទីបំផុតនៅទីនេះ។ “Trump Gaza” ភ្លឺចែងចាំង អនាគតពណ៌មាស ពន្លឺថ្មី។
ពិធីបុណ្យ និងការរាំរែក។ កិច្ចព្រមព្រៀងបានបញ្ចប់ “Trump Gaza” ជាប់លេខមួយ»។
ការបង្ហោះនេះ កើតឡើងចំពេលមានការពិភាក្សាជាបន្តបន្ទាប់អំពីការចូលរួមរបស់អាមេរិកនៅក្នុងកិច្ចខិតខំប្រឹងប្រែងសន្តិភាពមជ្ឈិមបូព៌ា និងផែនការកសាងហ្គាហ្សាឡើងវិញ ខណៈក៏មានការរិះគន់យ៉ាងខ្លាំងផងដែរពីអន្តរជាតិ ជាពិសេសគឺបណ្ដាប្រទេសអារ៉ាប់ដែលមិនយល់ស្របចំពោះចំណាត់ការរបស់លោក ត្រាំ។
លោក ត្រាំ ធ្លាប់បានស្នើកាលពីថ្ងៃទី២៥ខែមករាថា អេហ្ស៊ីប និងហ្ស៊កដានី គួរតែទទួលយកជនជាតិប៉ាឡេស្ទីនពីតំបន់ហ្គាហ្សា។ ក្រោយមក លោកបានស្នើឲ្យអាមេរិកកាន់កាប់តំបន់ហ្គាហ្សា និងផ្លាស់ទីលំនៅអចិន្ត្រៃយ៍របស់ជនជាតិប៉ាឡេស្ទីនចេញពីហ្គាហ្សាដោយគ្មានសិទ្ធិត្រឡប់មកវិញទេ។
ក្រុមសិទ្ធិមនុស្ស និងអង្គការសហប្រជាជាតិ បានចាត់ទុកទង្វើនេះគឺជាការបោសសម្អាតជនជាតិភាគតិច និងបានថ្កោលទោសចំពោះការលើកឡើងរបស់លោក ត្រាំ។
ក្រុមរដ្ឋអារ៉ាប់ ក៏បានច្រានចោលផែនការរបស់លោក ត្រាំ ក្នុងការគ្រប់គ្រងតំបន់ហ្គាហ្សា និងការផ្លាស់ទីលំនៅប្រជាជនប៉ាឡេស្ទីនទៅកាន់ប្រទេសផ្សេង។
សូមបញ្ជាក់ថា ហ្គាហ្សាគឺជាជ្រោយដ៏តូចមួយដែលមានផ្ទៃដីប្រហែល ៣៦៥គីឡូម៉ែត្រក្រឡា ជាប់ព្រំដែនអ៊ីស្រាអែលនិងអេហ្ស៊ីប ហើយម្ខាងទៀតបែរមុខទៅសមុទ្រមេឌីទែរ៉ាណេ។ វាជាទឹកដីមួយក្នុងចំណោមទឹកដីប៉ាឡេស្ទីនចំនួនពីរ ដែលមួយទៀតគឺ West Bank ជាប់ព្រំដែនហ្ស៊កដានី ប៉ុន្តែត្រូវបានកាន់កាប់ដោយអ៊ីស្រាអែល៕
ដោយ៖ ឈាង
ត្រាំ បង្ហោះវីដេអូ AI មួយពាក់ព័ន្ធនឹងគម្រោងកែប្រែហ្គាហ្សាទៅជាតំបន់កម្សាន្ត
ការប្រកួតជឺជីតស៊ូជើងឯកជាតិឆ្នាំនេះ មានកម្រិតខ្ពស់ជាងឆ្នាំមុនៗ
ក្រុងហ្សាការតារៀបចំផែនការផ្ដល់ការដឹកជញ្ជូនសាធារណៈឥតគិតថ្លៃ ដល់ពលរដ្ឋ
មន្ត្រីកសិកម្ម ចុះណែនាំបច្ចេកទេស និងទីផ្សារផ្លែមៀន ដល់កសិករ
ឥណ្ឌូណេស៊ីរងការវាយប្រហារដោយគ្រោះរញ្ជួយដីបង្ខំឱ្យអ្នកស្រុកចាកចេញពីផ្ទះ
រថយន្តដឹកសិស្សចុះកម្មសិក្សានៅថៃ ក្រឡាប់ពេលចុះភ្នំ ស្លាប់១៧នាក់ របួសជាង៤០នាក់
អគ្គិភ័យឆេះផ្សាររុងកឿ ក្រុងប៉ោយប៉ែត
យន្តហោះអាមេរិកហុយផ្សែងទ្រុប ទាំងស្ថិតនៅលើអាកាស, អ្នកដំណើរព្រលឹងចុងសក់គ្រប់គ្នា
ទីបំផុត អ៊ុយក្រែនព្រមប្រគល់រ៉ែកម្រឲ្យអាមេរិក ខណៈ ហ្សេលេនស្គី នឹងទៅវ៉ាស៊ីនតោន ដើម្បីស៊ីញេកិច្ចព្រមព្រៀង
ថាក់ស៊ីនប៉ុងប៉ងស្តារសន្តិភាពនៅភាគខាងត្បូងប្រទេសដែលធ្លាប់បះបោរទាមទារបំបែកខ្លួន
-
ព័ត៌មានជាតិ១ សប្តាហ៍ agoបណ្ឌិត គិន ភា៖សូម្បីបណ្ឌិតសភាចារ្យ សុខ ទូច ប៉ូលិសចរាចរណ៍មួយក្រុមនោះមិនគោរពផង ចុះពលរដ្ឋធម្មតា?
-
ព័ត៌មានអន្ដរជាតិ៣ ថ្ងៃ agoចិន រកឃើញមេរោគស៊ីសួតថ្មី បង្កក្តីបារម្ភផ្ទុះជំងឺរាតត្បាត ដូច កូវីដ-១៩
-
ចរាចរណ៍៦ ថ្ងៃ agoនគរបាលស្រុកបូទុមសាគរ កំពុងស្វែងរកជនបង្ក គ្រោះថ្នាក់ចរាចរណ៍បណ្ដាលឲ្យស្លាប់មនុស្ស២ម្នាក់ និងរបួស២នាក់
-
សន្តិសុខសង្គម៦ ថ្ងៃ agoជនដៃដល់ដែលកាប់សម្លាប់ប្រពន្ធនៅខណ្ឌដង្កោ ត្រូវបានសមត្ថកិច្ចឃាត់ខ្លួនបានហើយ
-
សន្តិសុខសង្គម១ ថ្ងៃ agoបង្ក្រាបហាងផឹកស៊ីបង្កប់សេវាកម្មផ្លូវភេទមួយកន្លែងក្នុងមូលដ្ឋានខណ្ឌសែនសុខ ឃាត់ខ្លួននារីជាង២០នាក់
-
ព័ត៌មានអន្ដរជាតិ២ ថ្ងៃ agoហ្សេលេនស្គី ផ្តាំទៅ ត្រាំ ថា អ៊ុយក្រែន មិនសងអាមេរិក ដាច់ខាត
-
ព័ត៌មានអន្ដរជាតិ៥ ម៉ោង agoរថយន្តដឹកសិស្សចុះកម្មសិក្សានៅថៃ ក្រឡាប់ពេលចុះភ្នំ ស្លាប់១៧នាក់ របួសជាង៤០នាក់
-
សេចក្ដីជូនដំណឹង៤ ថ្ងៃ agoរៃហ្គេត ហ្គ្រេមម័រ ស្គូល ភ្នំពេញ ដើមកំណើត៣៥០ឆ្នាំ ពីចក្រភពអង់គ្លេស