ស្រាពាងជនជាតិភាគតិច ពង្រឹងគុណភាពសុវត្ថិភាព គ្រោងចុះបញ្ជីភូមិមួយផលិតផលមួយ

ស្រាពាងដែលជាអត្តសញ្ញាណស្រារបស់ជនជាតិដើមភាគតិចនៅខេត្តភាគឦសាន កំពុងត្រូវបានយកចិត្តទុកដាក់ក្នុងការពង្រឹងគុណភាពសុវត្ថិភាព ខណៈអាជ្ញាធរខេត្តមណ្ឌលគិរីក៏គ្រោងចុះបញ្ជីក្នុងភូមិមួយផលិតផលមួយថែមទៀត។

លោក ងិន សុវិមាន អភិបាល​រង​ខេត្ត​មណ្ឌលគិរី​បាន​គូស​បញ្ជាក់​ថា ស្រា​ពាង​ជា​ផលិតផល​សម្គាល់​អត្តសញ្ញាណ​របស់​ជនជាតិ​ភាគតិច​នៅ​ភូមិភាគ​ឦសាន​ ដែលអនុវត្ត​តពី​មួយ​ជំនាន់ទៅ​មួយ​ជំនាន់។​ ​ដោយសារមានការ​វិវឌ្ឍ បច្ចុប្បន្ន​ការ​​​ផលិតកាន់តែ​ល្អ​ប្រសើរ​តាម​ស្តង់ដារ​បច្ចេកទេស​ ដោយ​គិតគូរ​សុវត្ថិភាព​និង​អនាម័យ​ ដើម្បី​ផ្ដល់​ទំនុក​ចិត្ត​ដល់​អតិថិជន។

ដោយសារ​មើលឃើញ​ពី​គុណតម្លៃ​នៃស្រាប្រពៃណី​​របស់ជនជាតិ​ដើមភាគតិច អាជ្ញាធរ​ខេត្ត​មណ្ឌលគិរី​ក៏​គ្រោង​ចុះ​ក្នុង​បញ្ជី​ភូមិ​មួយ​ផលិតផល​មួយ​របស់​ខេត្ត​មណ្ឌលគិរីផង​ដែរ។ នេះបើតាមលោក ងិន សុវិមាន៕