ព័ត៌មានជាតិ

ផ្ទុះកូវីដធ្ងន់ធ្ងរជាថ្មីនៅខេត្តព្រះសីហនុ ២៤ ម៉ោង រកឃើញអ្នកឆ្លង ៣២ នាក់

បានផុស

៤ years មុន

នៅ

ថ្ងៃចន្ទ ២២ មីនា ២០២១

ដោយ

ក្រោយស្ថានការធូរស្រាលជាច្រើនសប្តាហ៍ ខេត្តព្រះសីហនុបានផ្ទុះករណីឆ្លងថ្មីដ៏ធ្ងន់ធ្ងរឡើងវិញ ត្រឹម ២៤ ម៉ោង រកឃើញអ្នកឆ្លងកូវីដ ៣២ នាក់។

អ្នកឆ្លងថ្មីទាំង ៣២ នាក់ ដែលរកឃើញនៅខេត្តព្រះសីហនុ មានចិន ៤ នាក់ និងខ្មែរ ២៨ នាក់។

ខេត្តព្រះសីហនុ ដែលចំណុចផ្ទុះកូវីដធំបំផុតបន្ទាប់ពីរាជធានីភ្នំពេញក្នុងព្រឹត្តិការណ៍ ២០ កុម្ភៈ តែចាប់តាំងពីរដ្ឋបាលខេត្តរឹតបន្តឹងការចេញចូល និងកន្លែងធ្វើចត្តាឡីស័ក និងស្រាវជ្រាវទីតាំងដែលប៉ះពាល់ ស្ថានភាពអ្នកឆ្លងថ្មីហាក់មានការថមថយអាចគ្រប់គ្រងបាន ដោយមានអត្រាអ្នកឆ្លងថ្មីទាបបំផុតជារៀងរាល់ថ្ងៃ។

អាជ្ញាធរខេត្តព្រះសីហនុ បានប្រកាសបិទខេត្តមិនឲ្យមានការចរាចរណ៍ចេញចូលចាប់ពីថ្ងៃ ០៤ មីនា ២០២១ លើកលែងតែរថយន្តដឹកទំនិញដែលអនុញ្ញាតិឲ្យចេញចូលបាន តែមានការត្រួតពិនិត្យយ៉ាងតឹងរ៉ឹងបំផុត។

ការរកឃើញចំនួនអ្នកឆ្លងថ្មី ៣២ នាក់ទៀតនេះ ធ្វើឲ្យខេត្តទេសចរណ៍និងពាណិជ្ជកម្មដ៏ធំនេះ កើនចំនួនអ្នកកំពុងសម្រាកព្យាបាលដល់ ៧០ នាក់៕

្្្