ព័ត៌មានជាតិ
ក្រុមហ៊ុនបីគ្រោងនឹងកៀរគរទុនប្រមាណ ១០០ លានដុល្លារពីការបោះផ្សាយសញ្ញាបណ្ណបៃតង និងនិរន្តរភាពនៅ CSX ក្នុងឆ្នាំនេះ
មន្រ្តីជាន់ខ្ពស់នៃនិយ័តករមូលបត្រកម្ពុជា (SERC) បានលើកឡើងថា ផ្សារមូលបត្រកម្ពុជា (CSX) នឹងស្វាគមន៍ការចុះបញ្ជីបោះផ្សាយសញ្ញាប័ណ្ណបៃតង និងនិរន្តរភាពពីក្រុមហ៊ុនចំនួន៣ ដែលនឹងកៀរគរទុនប្រមាណជា១០០លានដុល្លារនៅក្នុងឆ្នាំ២០២៥នេះ។
លោក ស៊ូ សុជាតិ អគ្គនាយក SERC បានថ្លែងនៅក្នុងសិក្ខាសាលាកសាងសមត្ថភាពស្តីពី «ហិរញ្ញវត្ថុនិរន្តរភាព និងផែនទីបង្ហាញផ្លូវសម្រាប់វិនិយោគិន» នៅព្រឹកថ្ងៃទី៤ ខែមិនាថា ចាប់តាំងពីគម្រោងជម្រុញទីផ្សារសញ្ញាប័ណ្ណនិរន្តរភាពកម្ពុជា (CSBA) ត្រូវបានបង្កើតឡើងនៅឆ្នាំ ២០២៣ ហើយតាមរយៈកម្មវិធីនេះ កាលពីឆ្នាំមុន ក្រុមហ៊ុន Royal Group Phnom Penh Special Economic Zone បានចុះបញ្ជីសញ្ញាបណ្ណបៃតងរបស់ខ្លួននៅលើ CSX ដោយបានប្រមូលទុនចំនួន ១០ លានដុល្លារពីការបោះផ្សាយនេះ។ ជាមួយគ្នានេះដែរ លោកថាកាលពីឆ្នាំ ២០២៤ SERC បានចាប់ផ្តើម CSBA ដំណាក់កាលទី ២ ហើយក្រុមហ៊ុន ៣ ត្រូវបានជ្រើសរើស។
លោកថា ៖«ក្រុមហ៊ុនមួយក្នុងចំណោមក្រុមហ៊ុនទាំង៣ដែលត្រូវបានជ្រើសរើសឱ្យចុះបញ្ជីសញ្ញាប័ណ្ណពណ៌បៃតងនៅក្នុងខែនេះ ដែលនឹងធ្វើការកៀរគរទុនប្រហែល ៤០ លានដុល្លារអាមេរិក ខណៈដែលក្រុមហ៊ុនពីរផ្សេងទៀតកំពុងដំណើរការដើម្បីចេញប័ណ្ណបំណុលនិរន្តរភាពរបស់ពួកគេ»។
បើយោងតាម SERC គិតត្រឹមថ្ងៃទី៤ខែមិនាឆ្នាំ២០២៥នេះ CSX មានក្រុមហ៊ុនចុះបញ្ជីចំនួន ២៤ ដែលមានមូលនិធិសរុបជាង ៤៧២ លានដុល្លារ។ ក្នុងចំណោមក្រុមហ៊ុនទាំង ២៤ នេះ មានក្រុមហ៊ុនចំនួន ៣ ដែលបានចុះបញ្ជីសញ្ញាប័ណ្ណបៃតង និងនិរន្តរភាព ដែលគោរពតាមស្តង់ដារសញ្ញាប័ណ្ណបៃតងអាស៊ាន និងគោលការណ៍សមាគមទីផ្សារមូលធនអន្តរជាតិ (ICMA)។
លោក ស៊ូ សុជាតិបានលើកឡើងថា SERC នៅតែប្តេជ្ញាធ្វើការយ៉ាងជិតស្និទ្ធជាមួយដៃគូអភិវឌ្ឍន៍របស់យើង ដើម្បីប្រមូលធនធានដែលគាំទ្រដល់ការចេញមូលបត្របំណុលប្រកបដោយនិរន្តរភាព។ ការផ្លាស់ប្តូរទៅជាការវិនិយោគបៃតង និងនិរន្តរភាព គឺជាទំនួលខុសត្រូវរួមទាំង SERC និងភាគីពាក់ព័ន្ធទាំងអស់ រួមទាំងរដ្ឋាភិបាល អាជីវកម្ម អ្នកវិនិយោគ និងអ្នកបោះផ្សាយសញ្ញាប័ណ្ណ ។
«ការសម្រេចបាននូវវឌ្ឍនភាពប្រកបដោយអត្ថន័យតម្រូវឱ្យមានកិច្ចខិតខំប្រឹងប្រែងសម្របសម្រួលដើម្បីឱ្យស្របទៅនឹងទីផ្សារហិរញ្ញវត្ថុជាមួយនឹងគោលដៅប្រកបដោយនិរន្តរភាព។ ក្នុងនាមជានិយតករមូលបត្រ SERC សហការជាមួយអង្គភាពរដ្ឋាភិបាលដើម្បីបង្កើតក្របខ័ណ្ឌគោលនយោបាយច្បាស់លាស់ និងយន្តការនិយតកម្មដែលជំរុញការវិនិយោគប្រកបដោយនិរន្តរភាព ខណៈពេលដែលរារាំងការអនុវត្តដែលបង្កគ្រោះថ្នាក់ដល់បរិស្ថាន»។ នេះបើយោងតាមលោក សុជាតិ៕
តារាល្បីៗដែលគេរំពឹងថា នឹងចូលរួមពិធីមង្គលការរបស់មហាសេដ្ឋី Jeff Bezos
មន្ត្រីជាន់ខ្ពស់ ប.ស.ស ជំរុញអ្នកធ្វើការតាមផ្ទះចុះឈ្មោះចូលជាសមាជិក ប.ស.ស បន្ថែម ដើម្បីទទួលបានការគាំពារពីសង្គម
អ្នកនាំពាក្យ ៖ គិតត្រឹមម៉ោងនេះពុំទាន់មានព័ត៌មានថាពលករខ្មែររងគ្រោះ ដោយគ្រោះរញ្ជួយដីនៅថៃនៅឡើយទេ
UN បង្កើនការឆ្លើយតបចំពោះការរញ្ជួយដីដ៏សាហាវនៅមីយ៉ាន់ម៉ា និងថៃ
គិតគូរហ្មត់ចត់ប្រព័ន្ធរំដោះទឹក នៅព្រលានតេជោ បង្ការការជន់លិចពីការប្រែប្រួលអាកាសធាតុ
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
-
ព័ត៌មានអន្ដរជាតិ១៩ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?