ជីវិតកម្សាន្ដ

តួ TVB ម្នាក់ ងាកមកចាប់អាជីពលក់ជើងមាន់តាមចិញ្ចើមផ្លូវ ដោយសារភរិយា

បានផុស

១ នាទីute មុន

នៅ

ថ្ងៃសុក្រ ៧ មីនា ២០២៥

ដោយ

Vin Choi ដែលធ្លាប់ជាតួសម្ដែងប៉ុស្ត៍ទូរទស្សន៍ TVB នៅក្នុងភាពយន្តជាច្រើនរឿងនោះ បាននិយាយថា អំឡុងពេលដែលលោករកស៊ីខាតលុយ ភរិយាបានលើកទឹកចិត្តឲ្យលោកឈប់ខ្មាស់គេ ហើយបង្កើតមុខលក់ជើងមាន់នៅតាមចិញ្ចើមផ្លូវវិញ។

កាលពីថ្ងៃទី ០៥ ខែមីនា តួប្រុសក្នុងរឿង «Forensic Heroes» បានទាក់ទាញការចាប់អារម្មណ៍ នៅពេលដែលគាត់បានបង្ហោះវីដេអូប្រពន្ធ និងគាត់បង្កើតតូបជើងមាន់ដោយរៀបចំសម្រាប់ពេលយប់។ ប្រពន្ធគាត់បានកាន់ប្រអប់ ដំឡើងភ្លើង និងចងខ្សែភ្លើង។

តារាសម្ដែងប្រុសវ័យ៤០ឆ្នាំរូបនេះបានបង្ហើបថា ការងាររបស់គាត់ដំណើរការល្អ កើនឡើងពីមួយថ្ងៃទៅមួយថ្ងៃ ហើយសេដ្ឋកិច្ចគ្រួសារគាត់មានស្ថិរភាព។ ទោះជាលោកសូវជាមិនចូលចិត្ត និងមិនសូវពូកែខាងទំនាក់ទំនង និងការទូតក៏ពិតមែន ប៉ុន្តែប្រពន្ធរបស់គាត់ត្រូវទទួលខុសត្រូវនេះ ហើយលោកផ្ទាល់ជាអ្នកទទួលបន្ទុកផ្នែកចម្អិនអាហារ និងការលក់ផ្ទាល់តែប៉ុណ្ណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មុនពេលលក់នៅតាមចិញ្ចើមផ្លូវ Vin Choi បានបោះទុនបើកហាងលក់បាយ និងកាហ្វេ តែខាតលុយ។ គាត់ថាគាត់ក្រណាស់គាត់គ្មានសល់ប្រាក់សន្សំ។ ពេលគាមិនដឹងថាត្រូវធ្វើអ្វី ឬត្រូវទៅណា ប្រពន្ធបានស្នើឲ្យស្វាមីបើកតូបតាមផ្លូវមួយ។ ដំបូងឡើយគាត់បដិសេធព្រោះខ្លាចបាក់មុខ និងត្រូវគេចំអក។

តារាសម្ដែងរូបនេះបាននិយាយថា ភរិយារបស់លោកមិនបាក់ទឹកចិត្ត ធ្វើការងារជាឧត្តមគតិសម្រាប់លោក និងលើកទឹកចិត្តលោកឲ្យព្យាយាមម្ដងទៀត។ Vin Choi ស្រឡាញ់ភរិយាព្រោះតាំងពីរៀបការមកនាង មិនមានថ្ងៃសប្បាយរីករាយទេ។ សុបិនរបស់គាត់គឺចង់បានការងារល្អនិងឲ្យប្រពន្ធមានជីវិតកាន់តែប្រសើរ។ គាត់បាននិយាយថា «ខ្ញុំឃើញសម្រស់ខាងក្រៅច្រើន ប៉ុន្តែសម្រស់ខាងក្នុងរបស់ប្រពន្ធខ្ញុំ គឺជារបស់មានតម្លៃបំផុតសម្រាប់ខ្ញុំនៅលើលោកនេះ។ ខ្ញុំស្រលាញ់នាងកាន់តែខ្លាំង»។

ទោះជាយ៉ាងណាក៏ដោយ ពីមុន Vin Choi បានរក្សាជីវិតឯកជនយ៉ាងខ្លាំង គាត់បានរៀបការដោយសម្ងាត់ ហើយបានបង្ហាញទំនាក់ទំនងជាសាធារណៈនៅឆ្នាំ២០២២ ។ គាត់កើតនៅទីក្រុងហុងកុង សម្តែងតាំងពីឆ្នាំ ២០០២ និងបានចូលរួមនៅក្នុងស្នាដៃល្បីៗជាច្រើនរបស់ TVB ដូចជា Triumph in the Skie ឆ្នាំ២០០៣, Forensic Heroes ២០០៦, Beyond the Realm of Conscience បន្ទាប់ពីរឿង Tiger 2 ក្នុងឆ្នាំ ២០១៤ តារាប្រុសបានចាកចេញពី TVB ទៅប្រទេសចិនដីគោក ដើម្បីរស់នៅ និងធ្វើការងារ៕