ព្រះអង្គម្ចាស់លុចសំបួ សោយទិវង្គតទាំងព្រះជន្មវ័យក្មេង ២២ វស្សា ដោយសារជំងឺកម្រមួយ

ព្រះអង្គម្ចាស់ Frederik នៃប្រទេសលុចសំបួ បានសោយទិវង្គតក្នុងព្រះជន្ម ២២ព្រះវស្សា កាលពីថ្ងៃទី ០១ ខែមីនា នៅទីក្រុងប៉ារីស បន្ទាប់ពីទ្រង់ប្រយុទ្ធពេញមួយជីវិត ជាមួយនឹងជំងឺហ្សែនដ៏កម្រមួយ ដែលគេស្គាល់ថាជាជំងឺ POLG mitochondrial

តាមសេចក្តីរាយការណ៍របស់ News.Az ដោយដកស្រង់ពី CNN ព្រះអង្គម្ចាស់ Robert នៃប្រទេសលុចសំបួ បានប្រកាសនៅលើគេហទំព័ររបស់មូលនិធិ POLG ដែលទ្រង់បានចាប់ផ្តើមនៅឆ្នាំ២០២២ ថា «វាគឺជាពេលវេលានៃដួងចិត្តដ៏ធ្ងន់ដែលខ្ញុំ និងភរិយាចង់ជូនដំណឹងដល់អ្នកគ្រប់គ្នា អំពីបុត្រាទ្រង់ ព្រះអង្គម្ចាស់ Frederik ដែលកើតជំងឺ mitochondrial PolG បានទទួលមរណភាពនៅថ្ងៃទី ១ ខែមីនា»។

មូលនិធិបានពិពណ៌នាអំពី POLG ថា ជាជំងឺហ្សែនហ្សែនដែលឆក់យកកោសិកាថាមពលរបស់រាងកាយ ដែលបណ្តាលឲ្យមានដំណើរការខុសប្រក្រតី និងបរាជ័យនៃសរីរាង្គជាច្រើន។ ជំងឺ​នេះ​មិន​មាន​ការ​ព្យាបាល មិនថា បុត្រាទ្រង់និងមូលនិធិ POLG ប្តេជ្ញាចិត្តក្នុងការស្វែងរកការព្យាបាលដើម្បីជួយសង្រ្គោះអ្នកជំងឺផ្សេងទៀត ពីការរងទុក្ខវេទនាដែល Frederik និងគ្រួសាររបានស៊ូទ្រាំនាពេលកន្លងមក។

តាមសេចក្តីថ្លែងការណ៍បាននិយាយថា ព្រះអង្គម្ចាស់ Frederik ត្រូវគេធ្វើរោគវិនិច្ឆ័យថាមាន POLG នៅអាយុ ១៤ ឆ្នាំ ដែលបណ្តាលឲ្យមានរោគសញ្ញាយ៉ាងទូលំទូលាយ និងប៉ះពាល់ដល់ប្រព័ន្ធសរីរាង្គផ្សេងៗ ដែលធ្វើឲ្យវាពិបាកក្នុងការធ្វើរោគវិនិច្ឆ័យ និងមិនមានការព្យាបាល ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អត្ថបទ៖ សាង ស្រីល័ក្ខ