ចោទប្រកាន់បុរសម្នាក់ចេញ សែកអត់លុយ

បុរសម្នាក់ ត្រូវបានព្រះរាជអាជ្ញាអមសាលាដំបូងរាជធានីភ្នំពេញចេញដីកាសម្រេចចោទប្រកាន់ពីបទ « មិនបំពេញកតព្វកិច្ចចំពោះឧបករណ៍ដែលអាចជួញដូរបាន » ពាក់ព័ន្ធបទល្មើសចេញសែកអត់លុយអោយទៅម្ចាស់បំណុល ។

ជនជាប់ចោទ ដែលត្រូវបញ្ជូនអោយចៅក្រមសើបសួរបន្តនីតិវិធីនេះឈ្មោះ កែន ប៊ុនរ៉ាឌី អាយុ៤២ឆ្នាំ គ្មានទីលំនៅ និងមុខរបរពិតប្រាកដ ។ ជននេះត្រូវបាននគរបាលព្រហ្មទ័ណ្ឌកំរិតស្រាលក្រសួងមហាផ្ទៃចាប់ខ្លួនកាលពីថ្ងៃទី ០៤វិច្ឆិកា ឆ្នាំ២០២០ តាមដីកាបញ្ជាអោយចាប់ខ្លួនរបស់លោក ប្លង់ សុផល ហើយត្រូវបានបញ្ជូនមកសាលាដំបុូងនៅថ្ងៃទី ០៥វិច្ឆិកា ។ ក្នុងនោះក្រោយកាសាកសួរ លោកព្រះរាជអាជ្ញារង ឆាយ ហុង បានសម្រេចចោទប្រកាន់ពីបទ « មិនបំពេញកតព្វកិច្ចចំពោះឧបករណ៍ដែលអាចជួញដូរបាន » ហើយបញ្ជូនអោយចៅក្រមសើបសួរចាត់ការបន្តតាមនីតិវិធី ។
ប្រភពព័តិមានពីសាលាដំបូងបានអោយដឹងថា បុរសឈ្មោះ កែន ប៊ុនរ៉ាឌី នេះមានសំណុំរឿងព្រហ្មទ័ណ្ឌចំនួន២ផ្សេងទៀតនៅក្នុងចំណាត់ការរបស់លោក គុជ គឹមឡុង ព្រះរាជអាជ្ញារងអមសាលាដំបូងនៅឡើយ ៕

មករា