កីឡា

ខាងម៉ាឡេស៊ី កក់ទុក ពេជ្រ អាទិទេព ទៅប្រកួតដណ្តើមពានសេះមាស

បានផុស

២ នាទីutes មុន

នៅ

ថ្ងៃព្រហស្បតិ៍ ១៣ មីនា ២០២៥

ដោយ

កម្មវិធីប្រដាល់មួយរបស់ប្រទេសម៉ាឡេស៊ី បានកក់ទុកកីឡាករវ័យក្មេងកម្ពុជា ពេជ្រ អាទិទេព ដើម្បីទៅប្រកួតនៅទីនោះជាថ្មី បន្ទាប់ពីអ្នកលេងគុនខ្មែររូបនេះបានបង្ហាញសមត្ថភាពគួរឲ្យចាប់អារម្មណ៍សម្រាប់ការប្រកួតលើកទី១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកគ្រូឆ្នើម ពេជ្រ សុផាន់ បានឲ្យដឹងថា ទើបឈ្នះខ្សែក្រវាត់ថ្មីមិនទាន់បានប៉ុន្មានថ្ងៃផង ខាងម៉ាឡេស៊ីបានកក់ទុកកីឡាករ ពេជ្រ អទិទេព ដើម្បីទៅប្រកួតដណ្តើមពានរង្វាន់សេះមាសនៅប្រទេសម៉ាឡេស៊ី។ ទោះបីជាយ៉ាងណា កាលបរិច្ឆេទជាក់លាក់ និងដៃគូនៅមិនទាន់ដឹងឡើយ។

ពេជ្រ អាទិទេព បានឈ្នះខ្សែក្រវាត់មួយ បន្ទាប់ពីទទួលបានជ័យជម្នះដោយពិន្ទុលើកីឡាករម្ចាស់ផ្ទះម៉ាឡេស៊ី អ៉ីហ្សាត់ ហ្សាគី កាលពីខែធ្នូ ឆ្នាំ២០២៤។ បន្ទាប់មក រូបគេបានប្រកួតក្នុងព្រឹត្តិការណ៍ដណ្តើមខ្សែក្រវាត់នៅទូរទស្សន៍ថោន ហើយទីបំផុតរូបគេបានក្លាយជាម្ចាស់ខ្សែក្រវាត់ IPCC Kun Khmer ជាមួយប្រាក់រង្វាន់ និងប្រាក់ឧបត្ថម្ភចំនួន៥២លានរៀល កាលពីចុងសប្តាហ៍កន្លងទៅ។

កីឡាករ ពេជ្រ អាទិទេព ដែលជា កូនសិស្សគ្រូឆ្នើម ពេជ្រ សុផាន់ ទើបតែប្រឡូកចូលក្នុងអាជីពប្រដាល់គុនខ្មែរបានប្រមាណជាង២ឆ្នាំប៉ុណ្ណោះ ប៉ុន្តែរូបគេបានឡើងសង្វៀនចំនួន៤០ដង ក្នុងនោះឈ្នះ៣៩ដង និងចាញ់១ដង៕

អត្ថបទ៖ វីរបុត្រ