ព័ត៌មានអន្ដរជាតិ
តើមន្ទីរឃុំឃាំងលោក Duterte នៅ ICC ពិសេសកម្រិតណា?
អតីតប្រធានាធិបតីហ្វីលីពីនលោក Rodrigo Duterte ត្រូវបានប៉ូលិសចាប់ខ្លួននៅព្រឹកថ្ងៃទី១១ ខែមីនា ក្នុងទីក្រុងម៉ានីល តាមសំណើរបស់អង្គការប៉ូលិស Interpol។
លុះមកដល់ថ្ងៃព្រហស្បតិ៍ទី១៣ខែមីនា លោកត្រូវបានបញ្ជូនចូលពន្ធនាគារ Scheveningen ក្នុងទីក្រុងឡាអេ នៃប្រទេសហូឡង់ហើយ ហើយនៅពេលទៅដល់មន្ទីរឃុំឃាំងរបស់ ICC នោះ លោក Duterte ត្រូវឆ្លងកាត់ការពិនិត្យសុខភាព ហើយបន្ទាប់មកត្រូវបានគេនាំទៅបន្ទប់ឯកជន។
មន្ទីរឃុំឃាំង Scheveningen នៅជិតឆ្នេរសមុទ្រគឺជាកន្លែងដែលអតីតមេដឹកនាំមួយចំនួន ត្រូវបានឃុំខ្លួន រង់ចាំការកាត់ទោសដោយ ICC។ ដូច្នេះតើមន្ទីរឃុំឃាំងនេះមានអ្វីពិសេសខ្លះ?
មន្ទីរឃុំឃាំងនេះមានបន្ទប់សរុប១២ ដែលបន្ទប់នីមួយៗមានបង្គន់ និងកន្លែងងូតទឹកផ្ទាល់ខ្លួន។ ICC អនុញ្ញាតឲ្យអ្នកជាប់ឃុំ អាចចេញទៅក្រៅបានដើម្បីស្រូបខ្យល់អាកាសបរិសុទ្ធ សម្រាកកាយ លេងកីឡា អានសៀវភៅក្នុងបណ្ណាល័យ និងមើលព័ត៌មានតាមទូរទស្សន៍។
បន្ទប់នីមួយៗមានទំហំ១០ម៉ែត្រការ៉េ មានគ្រែតូចមួយ តុ ទូខោអាវ និងបង្អួចដែលមើលឃើញទីធ្លា។ បន្ទប់មួយៗមានទូរទស្សន៍ អាចមើលព័ត៌មានអន្តរជាតិតាមរយៈផ្កាយរណប ហើយអ្នកទោសមានសិទ្ធិចូលប្រើកុំព្យូទ័រដែលភ្ជាប់ទៅកុំព្យូទ័រនៅក្នុងតុលាការ។ មេធាវីអាច Upload ឯកសារពាក់ព័ន្ធនឹងករណីចូលទៅក្នុងកុំព្យូទ័រនេះ ហើយអ្នកទោសអាចចូលមើលវាពីខាងក្នុងពន្ធនាគារ ក៏ដូចជាពិភាក្សាជាមួយមេធាវីការពារក្តី។
លើសពីនេះ បើនិយាយពីបន្ទប់រួមវិញ គឺមានល្បែងកីឡាបាល់ទាត់លើតុ ទូទឹកកក ផ្ទះបាយ តុបរិភោគអាហារ ហើយអ្នកជាប់ឃុំក៏អនុញ្ញាតឲ្យរកប្រាក់បានផងដែរ។ បើពួកគេជួយសម្អាតផ្ទះបាយរួម ពួកគេអាចបានប្រាក់រួចផ្ញើប្រាក់ត្រឡប់ទៅឲ្យគ្រួសារ ឬទិញអាហារពីហាងទំនិញរបស់មន្ទីរឃុំឃាំង យកទៅធ្វើម្ហូបដោយខ្លួនឯង។
មន្ទីរឃុំឃាំងនេះ មានបន្ទប់ឯកជនសម្រាប់ជនជាប់ឃុំជួបជាមួយប្តីឬប្រពន្ធ អំឡុងពេលសួរសុខទុក្ខ។ គេមិនកំណត់ចំនួនអ្នកទៅសួរសុខទុក្ខគ្រួសារឡើយ ប៉ុន្តែរាល់ការមកសួរសុខទុក្ខម្តងៗ ត្រូវកំណត់ពេលឲ្យសមស្របនឹងតម្រូវការរបស់អ្នកជាប់ឃុំផ្សេងទៀតដែរ។
មិនត្រឹមប៉ុណ្ណឹង មណ្ឌលនេះមានបន្ទប់ពេទ្យដែលផ្តល់សេវាពិនិត្យនិងព្យាបាលជាមូលដ្ឋាន ប៉ុន្តែមិនមានសេវាព្យាបាលឯកទេសទេ។ វាថែមទាំងមាន ឧបករណ៍ហាត់ប្រាណផងដែរ ហើយមានទាំងសាលលេងកីឡាតេន្នីសនិងបាល់បោះទៀតផង ហើយជួនកាលអ្នកទោសក៏អាចលេងជាមួយបុគ្គលិកពន្ធនាគារបានដែរ៕
អត្ថបទ៖ សុខ សុវណ្ណ
ចុចអាន៖ មេដឹកនាំអាស៊ី ៤រូប ដែល ICC ចេញដីកាចាប់ខ្លួន ជុំវិញបទឧក្រិដ្ឋកម្មប្រឆាំងមនុស្សជាតិ
ជួបទូតរុស្ស៊ី សម្ដេច ហ៊ុន សែន បង្ហាញក្ដីសង្ឃឹមថា សង្គ្រាមនៅអ៊ុយក្រែន នឹងអាចឈានដល់តុចរចាបញ្ចប់ឆាប់ៗ
អ្នកនាំពាក្យការងារ ៖ ជនមានពិការភាពប្រមាណ ១ ម៉ឺននាក់ កំពុងបម្រើការងារនៅតាមក្រសួង ស្ថាប័នរដ្ឋ និងឯកជននានា
នគរបាលខេត្តសៀមរាប បន្តចុះឃាត់ម៉ូតូ និងរថយន្តដាក់ភ្លើងសញ្ញាខុសបច្ចេកទេស យកមកធ្វើកិច្ចសន្យាអប់រំ
អេឡុន ម៉ាសក៍ ខាតបង់ទ្រព្យសម្បត្តិជាង ១០០ ប៊ីលានដុល្លារ រាប់តាំងពីដើមឆ្នាំ
ក្លឹបបាល់ទះស្នងការដ្ឋាននគរបាលខេត្តស្វាយរៀងនឹងចាប់តេស្តសមត្ថភាពនៅថ្ងៃទី១៥
ភ្លៀងលាយឡំខ្យល់កន្ត្រាក់បំផ្លាញផ្ទះពលរដ្ឋ៣ភូមិអស់ ៥៤ខ្នង
រុស្ស៊ី បោះពាក្យថា លក្ខខណ្ឌបទឈប់បាញ់គឺខ្លួនជាអ្នកកំណត់ មិនមែនសម្រេចដោយអាមេរិកទេ
ត្រាំ គំរាមប្រើធម៌ក្តៅឲ្យរុស្ស៊ីហិនហោច បើពូទីន មិនព្រមឈប់បាញ់
ក្រសួងមហាផ្ទៃគ្រោងប្ដូរពន្ធនាគារខេត្តកណ្ដាលទៅកន្លែងថ្មីដើម្បីដោះស្រាយភាពចង្អៀតណែន
ពូទីន ដាក់បញ្ជា ត្រូវកម្ចាត់ទ័ពអ៊ុយក្រែនចេញពីតំបន់ Kursk ឲ្យបានលឿនបំផុត
-
ព័ត៌មានអន្ដរជាតិ១ ថ្ងៃ agoមេដឹកនាំអាស៊ី ៤រូប ដែល ICC ចេញដីកាចាប់ខ្លួន ជុំវិញបទឧក្រិដ្ឋកម្មប្រឆាំងមនុស្សជាតិ
-
សន្តិសុខសង្គម៥ ថ្ងៃ agoអគ្គិភ័យឆេះផ្ទះអាជីវករលក់ដូរនៅក្រុងកំពង់ចាម ១៧ល្វែង សរុបជាទឹកប្រាក់ ជិត២លានដុល្លារ
-
ព័ត៌មានអន្ដរជាតិ១ សប្តាហ៍ agoយន្តហោះចម្បាំងកូរ៉េខាងត្បូង ច្រឡំដៃទម្លាក់គ្រាប់បែក៨គ្រាប់ លើទីតាំងពលរដ្ឋរស់នៅ
-
សន្តិសុខសង្គម៨ ម៉ោង agoភ្លៀងលាយឡំខ្យល់កន្ត្រាក់បំផ្លាញផ្ទះពលរដ្ឋ៣ភូមិអស់ ៥៤ខ្នង
-
ព័ត៌មានអន្ដរជាតិ១ សប្តាហ៍ agoអាល្លឺម៉ង់ ប្រកាសថា សព្វាវុធដែលខ្លួនបម្រុងទុកសម្រាប់ជួយអ៊ុយក្រែន គឺយកចេញអស់ពីឃ្លាំងហើយ
-
ព័ត៌មានអន្ដរជាតិ២ ថ្ងៃ agoកប៉ាល់២គ្រឿងបុកគ្នា ធ្លាយប្រេងយន្តហោះនិងសារធាតុគីមី ចូលសមុទ្រខាងជើង បង្កហានិភ័យធ្ងន់ធ្ងរ
-
សន្តិសុខសង្គម៦ ថ្ងៃ agoខឹងប្ដីមិនដោះស្រាយបំណុលជាង ១ ម៉ឺនដុល្លារ ចាក់សោកូនសិស្សប្រដាល់ ជាង ១០ នាក់ ក្នុងក្លិបមិនឲ្យចេញក្រៅ
-
ព័ត៌មានអន្ដរជាតិ២ ថ្ងៃ agoអ៊ុយក្រែន បញ្ជូនដ្រូន បើកការវាយប្រហារខ្នាតធំបំផុតមិនធ្លាប់មាន លើក្រុងមូស្គូ