លក្ខិណា យ៉ានុត​ មានអ្នកច្បាស់លាស់ហើយ ខណៈកំពុងរីករាយជុំគ្រួសារក្នុងឱកាសពិធីភ្ជាប់ពាក្យខ្លួនថ្ងៃនេះ

កញ្ញា លក្ខិណា យ៉ានុត​ អ្នកផលិតមាតិកាផ្សព្វផ្សាយផលិតផលដ៏មានប្រជាប្រិយភាព ដែលគេស្គាល់ថាជាដៃគូសម្តែងជាមួយលោក ភី យ៉ូ បានចូលរោងជ័យហើយនៅថ្ងៃអាទិត្យ ទី១៦ មីនានេះ ក្រោយទើបបង្ហាញមុខគូស្នេហ៍ក្នុងគ្រាទៅលឈុតប្រពៃណីថ្មីៗនេះ។

ក្នុងឱកាសថ្ងៃពិសេសេ របស់អ្នកផលិតមាតិកាផ្សាយផលិតផលដ៏ស្រស់សោភារូបនេះ សាធារណជនជាច្រើនដែលជាអ្នកគាំទ្រកញ្ញា មិនត្រឹមតែសម្តែងកាអបអរប៉ុណ្ណោះទេ ថែមទាំងកោតសរសើរនូវមិត្តភាពរបស់កញ្ញា និងលោក ភី យ៉ូ ដែលល្អនឹងគ្នាមិនថាក្នុងការសម្តែង ឬក្រៅការសម្តែង។ ក្នុងនោះ សូម្បីតែកូនកំលោះ ក៏ចូលរួមលេងសើចស្និលស្នាលជាមួយគ្នាថែមទៀតផង។

ក្រឡេកមកមើលកូនកំលោះរបស់កញ្ញា លក្ខិណា យ៉ានុត ឯណេះវិញ ថ្វីបើមិនបានស្គាល់សាវតារបស់បុរសរូបនេះក៏ដោយ តែសាធារណជនជាច្រើនយល់ថា លោក សុឹម សុខហៃ ទំនងជាមិនមែនជាអ្នកស្ថិតក្នុងរង្វង់សិល្បៈនោះឡើយ។

ចំណែកឯចំពោះដំណឹងនៃថ្ងៃអាពាហ៍ពិពាហ៍របស់អ្នកទាំងពីរ នៅថ្ងៃណានោះ ក៏ពុំទាន់មានការបញ្ជាក់ឱ្យនៅឡើយដែរ៕