Connect with us

ព័ត៌មានអន្ដរជាតិ

​ជនជាតិ​ចិននិង​ឥណ្ឌូណេ​​ស៊ី​​​​១៦១​នាក់​បន្ថែម​ទៀត​​​ត្រូវ​​ចាប់​នៅមីយ៉ាន់ម៉ា​​

បានផុស

នៅ

ប្រទេសមីយ៉ាន់ម៉ា បានឃាត់ខ្លួនជនជាតិចិន​១៥៨នាក់ និងជនជាតិឥណ្ឌូណេស៊ី៣នាក់ ដែលបានចូលប្រទេសខ្លួនដោយខុសច្បាប់ តាមច្រកព្រំដែនក្នុងតំបន់ Myawady-Mae Htaw, Tha Lay និង KK Park​ ដើម្បី​ទៅ​​ធ្វើការ​នៅ​​តាម​មណ្ឌល​ហៅទូរស័ព្ទ​ដែល​ជា​​​​​សកម្មភាព​ឆបោក​តាមអនឡាញ​​។ នេះបើយោងតាមការចេញផ្សាយរបស់សារព័ត៌មាន The Nation នៅថ្ងៃទី១៧ខែមីនានេះ។

(រូបភាព៖ Xinhua)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជនបរទេសដែលចូលប្រទេសមីយ៉ាន់ម៉ាដោយខុសច្បាប់តាមច្រកព្រំដែនឆ្លងកាត់ប្រទេសជិតខាងរួមទាំងប្រទេសថៃ និងបានប្រព្រឹត្តល្បែងស៊ីសងតាមប្រព័ន្ធអ៊ីនធឺណិត ការបោកប្រាស់តាមអ៊ីនធឺណិត និងឧក្រិដ្ឋកម្មផ្សេងៗទៀតនៅតំបន់ Myawady-Mae Htaw, Tha Lay និង KK Park នៃរដ្ឋ Kayin ត្រូវបានឃាត់ខ្លួនកាលពីថ្ងៃទី១៥ខែមីនា។

ជនបរទេសទាំងនោះកំពុងត្រូវបានប្រមូលព័ត៌មានផ្ទាល់ខ្លួន និងកំណត់ត្រាចាំបាច់ដើម្បីធ្វើមាតុភូមិនិវត្តន៍ទៅកាន់ប្រទេសរៀងៗខ្លួនជាបន្ទាន់ ក្រោមការដឹកនាំរបស់ រដ្ឋមន្ត្រីក្រសួងសន្តិសុខ និងកិច្ចការព្រំដែននៃរដ្ឋាភិបាលរដ្ឋ Kayin លោកវរសេនីយ៍ឯក Min Thu Kyaw និងមន្ត្រីជំនាញ។

(រូបភាព៖ Xinhua)

ចាប់ពីថ្ងៃទី៣០ខែមករាដល់ថ្ងៃទី១៥ខែមីនា ជនបរទេសសរុបចំនួន៦៤៣៦នាក់ដែលបានចូលប្រទេសមីយ៉ាន់ម៉ាដោយខុសច្បាប់ត្រូវបានកំណត់អត្តសញ្ញាណ និងឃាត់ខ្លួន ក្នុងនោះ៣៥៨៨នាក់ត្រូវបានបញ្ជូនទៅកាន់ប្រទេសពាក់ព័ន្ធតាមរយៈ​ប្រទេសថៃ។ ចំណែក​ជនបរទេស​ដែល​នៅ​សេសសល់​ចំនួន​២៨៤៨​នាក់​ត្រៀម​ផ្ទេរ​ទៅ​ប្រទេស​ពាក់ព័ន្ធ​ហើយ​កំពុង​ត្រូវ​បាន​ថែទាំនៅកន្លែងស្នាក់នៅបណ្ដោះអាសន្ន។

រដ្ឋាភិបាលមីយ៉ាន់ម៉ាកំពុងបន្តស៊ើបអង្កេត និងចាត់វិធានការប្រឆាំងនឹងឧក្រិដ្ឋកម្មផ្សេងៗ រួមទាំងល្បែងស៊ីសងតាមអ៊ីនធឺណិត និងការបោកប្រាស់តាមអ៊ីនធឺណិត នៅតាមតំបន់ព្រំដែននៃប្រទេសក្នុងលក្ខណៈថ្នាក់ជាតិ ដោយសហការជាមួយអង្គការអន្តរជាតិ និងសាធារណៈជន៕

(រូបភាព៖ Xinhua)
(រូបភាព៖ The Nation)
(រូបភាព៖ AP)

អត្ថបទ៖ ប៊ុន សុភាព

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម