ជីវិតកម្សាន្ដ

សុខ ពិសី រស់នៅដោយការភ័យខ្លាចអំឡុងសម័យកាល កូវីដ-១៩

បានផុស

៤ years មុន

នៅ

ថ្ងៃអង្គារ ២៣ មីនា ២០២១

ដោយ

តារាចម្រៀងស្រីសម្លេងផ្អែមរបស់ផលិតកម្ម សាន់ ដេ កញ្ញា សុខ ពិសី បានបញ្ជាក់ប្រាប់ឲ្យដឹងពីអារម្មណ៍ផ្ទាល់ខ្លួនអំឡុងពេលដំណាក់កាលនៃជំងឺកូវីដ-១៩ថា រាល់ថ្ងៃមិនថាឡើយតែបងប្អូនទូទាំងប្រទេសទេដែលភ័យខ្លាចជំងឺដ៏កាចសាហាវនេះ សូម្បីតែខ្លួននាងផ្ទាល់ក៏ខ្លាចខ្លាំងបំផុត។

តារាស្រី សុខ ពិសី បានបន្តថា នាងពិតជាមានការភ័យខ្លាចចំពោះជំងឺកូវីដ-១៩នេះខ្លាំងណាស់។ ម្យ៉ាងទៀតនាងក៏ចង់ឲ្យជំងឺមួយនេះឆាប់រលាយបាត់សាបសូន្យឆាប់ៗផងដែរខណៈដែលបច្ចុប្បន្នកំពុងកើតមានលើប្រជាពរដ្ឋខ្មែររាប់រយនាក់ផងនោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កញ្ញា សុខ ពិសី បានថ្លែងសារខ្លីថា កូវីដអើយសូមអ្នករលាយទៅព្រោះរាល់ថ្ងៃរស់នៅដោយការភ័យខ្លាច ហើយខួរក្បាលភ័យឡើងចង់គាំង។ ជាមួយគ្នានេះ ឆ្លើយតបនឹងការលើកទឹកចិត្តរបស់អ្នកគាំទ្រ សុខ ពិសី បានបញ្ជាក់ដោយខ្លីថា ដោយសារបញ្ហាជំងឺនេះនាងស្ទើរកើតរោគចិត្តម្តងៗទៅហើយ។

ការលើកឡើងរបស់តារាស្រី សុខ ពិសី នេះគឺបន្ទាប់ពីសង្កេតឃើញថា បច្ចុប្បន្នមានតារាសិល្បៈរបស់ខ្មែរមួយចំនួនបានឆ្លងជំងឺកូវីដ-១៩ជាបន្តបន្ទាប់ខណ:មានខ្លះទៀតកំពុងធ្វើចត្តាឡីស័ក១៤ថ្ងៃផងនោះ៕

អត្ថបទ ៖ ចាន់រ៉ា