ដកខ្លួនពីសិល្បៈ​ជាង ​១​០ឆ្នាំអាចារ្យធំ បង្ហាញវត្តមានសម្ដែងឡើងវិញ ក្នុងទម្រង់​វប្បធម៌ និងប្រពៃណីខ្មែរ

អតីតតារាចម្រៀងរ៉េបឌីជេអាចារ្យធំ បានបង្ហាញវត្តមានចូលរួមសម្តែងជាថ្មីឡើងវិញ ជាមួយកំពូលតារាចម្រៀងលោកឧកញ៉ា ខេមរ: សិរីមន្ត ក្រោយដកខ្លួនចេញពីវិស័យមួយនេះជាង ១០ឆ្នាំកន្លងមកនេះ។

ការបង្ហាញខ្លួននៅក្នុងវិស័យសិល្ប:ជាថ្មីនេះលោកអាចារ្យធំ បានសម្តែងក្តីរំភើប ព្រោះមិនត្រឹមមានឱកាសសម្តែង MV ជាមួយលោកឧកញ៉ា ខេមរ: សិរីមន្ត នោះទេ គឺថែមទាំងសម្តែងក្នុងទម្រង់​បែបវប្បធម៌និងប្រពៃណីខ្មែរទៀតផង។

អាចារ្យ ធំ បានរៀបរាបដូច្នេះថា ដកខ្លួនជាង​១​ទស្សវត្សរ៍ពីវិស័យសិល្បៈថ្ងៃនេះ​ខ្ញុំមាន​សេចក្ដី​សោមនស្ស​និង​កិត្តិយស​ បានចូលរួម​សម្ដែងបទ​ចចម្រៀង MV ជាមួយលោក​ឧកញ៉ា​ ខេមរៈ​ សិរីមន្ត​ ក្នុងទម្រង់​បែបវប្បធម៌​ ប្រពៃណីខ្មែរ​ ។

លោកបន្តថា លោកពិតជា​មាន​មោទកភាព​ក្រៃលែង ចំពោះអត្ថន័យនៃបទចម្រៀងមួយនេះ និង​ការដឹកនាំផលិតដែលរំលេចនូវ​មរតក​អត្តសញ្ញាណ​វប្បធម៌​ដ៏ល្អផូរផង់​ យ៉ាងសម្បូរបែបរបស់ខ្មែរយេីង ក្នុងចេតនារួមគឺចង់ផ្សព្វផ្សាយឱ្យបាន​ល្បីរន្ទឺសុះសាយទៅកាន់​ឆាកអន្តជាតិហេីយ ជាពិសេស​មានការចូលរួមសម្ដែង​ពីសំណាក់​អ្នកសិល្បៈ​បរទេសជាច្រេីនរូបទៀត។

ទោះបីយ៉ាងណាអាចារ្យធំ បានបន្ថែមថា លាលោកសុំលាក់ចំណងជេីងសិន ខណ:បទនេះចេញឆាប់ៗខាងមុខនេះ។ ចំណែកលោក ខេមរ: សិរីមន្ត បាននិយាយដែរថា យើងរួមគ្នាស្រលាញ់នឹងគាំទ្រវប្បធម៌ខ្មែរយើងទាំងអស់គ្នា ។តាមរយ:នេះដែរ ក៏មានអ្នកគាំទ្រមួយចំនួនបាននឹងកំពុងរង់ចាំទស្សនាផងដែរ៕ អត្ថបទ៖ ចាន់រ៉ា