សេដ្ឋកិច្ច
តើរដ្ឋាភិបាលបន្តលើកទឹកចិត្តពន្ធអចលនទ្រព្យយ៉ាងណាខ្លះនៅឆ្នាំ២០២៥?
ពន្ធលើអចលនទ្រព្យ និងពន្ធលើដីធ្លីមិនបានប្រើប្រាស់ ជាប្រភេទពន្ធប្រចាំ ដែលអ្នកជាប់ពន្ធត្រូវបំពេញកាតព្វកិច្ចប្រកាស និងបង់ប្រាក់ពន្ធ ចាប់ពីខែមករា ដល់ដំណាច់ខែកញ្ញា នៃឆ្នាំជាប់ពន្ធនីមួយៗ មានន័យថា សម្រាប់ឆ្នាំ២០២៥ ត្រូវដាក់លិខិតប្រកាសបង់ប្រាក់ពន្ធ យ៉ាងយឺតបំផុតត្រឹមថ្ងៃទី៣០ ខែកញ្ញា ឆ្នាំ២០២៥។ នេះបើយោងអគ្គនាយកដ្ឋានពន្ធដារ។
ក្នុងដំណាក់កាលបច្ចុប្បន្ន ពន្ធលើអចលនទ្រព្យអនុវត្តតែចំពោះតែអចលនទ្រព្យស្ថិតក្នុងរាជធានីភ្នំពេញ និងបណ្តាក្រុងនៃខេត្តនានាកម្ពុជាតែប៉ុណ្ណោះ។
ជាក់ស្តែង ឆ្នាំ២០២៥ នេះរាជរដ្ឋាភិបាលកម្ពុជា បានដាក់ចេញគោលការណ៍លើកទឹកចិត្តពន្ធចំពោះពន្ធមួយចំនួនដូចខាងក្រោម៖
- អចលនទ្រព្យដែលមានតម្លៃតិចជាង ឬស្មើ ១០០ ០០០ ០០០ (មួយរយលាន) រៀល ត្រូវទទួលបានការលើកលែងពន្ធលើអចលនទ្រព្យ
- អចលនទ្រព្យជាប្រភេទដីកសិកម្ម ដែលប្រជាពលរដ្ឋកំពុងបង្កបង្កើនផល និងសំណង់ដែលបម្រើផ្ទាល់ និងអចិន្ត្រៃយ៍ដល់សកម្មភាពកសិកម្ម ដែលអចលនទ្រព្យមានភូមិសាស្ត្រស្ថិតនៅក្នុងរាជធានី និងក្រុងនៃខេត្តនានា ដោយពុំចាំបាច់ភ្ជាប់លិខិតអនុញ្ញាត ឬលិខិតបញ្ជាក់អំពីការប្រើប្រាស់ដីធ្លីកសិកម្មពីស្ថាប័នមានសមត្ថកិច្ចឡើយ ឱ្យតែនៅលើឯកសារកាន់កាប់ដី (ប័ណ្ណកម្មសិទ្ធិ ឬលិខិតផ្ទេរសិទ្ធិ) បានបញ្ជាក់ថា ជាប្រភេទដីធ្លីកសិកម្ម
- ករណីអចលនទ្រព្យដែលមានឯកសារកាន់កាប់ដី (ប័ណ្ណកម្មសិទ្ធិ ឬលិខិតផ្ទេរសិទ្ធិ) ជាប្រភេទដីលំនៅឋានដែលមានភូមិសាស្ត្រស្ថិតនៅ ក្នុងរាជធានីភ្នំពេញ និងក្រុងនៃខេត្តនានា ប៉ុន្តែស្ថានភាពប្រើប្រាស់ដីធ្លីជាក់ស្តែងត្រូវបានប្រជាពលរដ្ឋកំពុងធ្វើកសិកម្មបង្កបង្កើនផល អចលនទ្រព្យនោះត្រូវទទួលបានការលើកលែងពីការបង់ពន្ធលើអចលនទ្រព្យផងដែរ ប៉ុន្តែតម្រូវឱ្យមានភ្ជាប់លិខិតអនុញ្ញាត ឬលិខិតបញ្ជាក់ អំពីការប្រើប្រាស់ដីធ្លីកសិកម្មពីអាជ្ញាធរមូលដ្ឋាន។
- អចលនទ្រព្យដែលបានចុះបញ្ជី និងប្រកាសបង់ពន្ធលើអចលនទ្រព្យនាពេលកន្លងមក ខុសមូលដ្ឋានគិតពន្ធលើអចលនទ្រព្យ ត្រូវបាន លើកលែងការកំណត់ពន្ធឡើងវិញ ដែលមានប្រាក់ពន្ធ រួមទាំងទណ្ឌកម្មរដ្ឋបាល (ពន្ធបន្ថែម និងការប្រាក់) ចាប់ពីឆ្នាំដាក់ឱ្យអនុវត្តពន្ធ រហូតដល់ឆ្នាំ២០២៤
- អចលនទ្រព្យ (មានប័ណ្ណកម្មសិទ្ធិ ឬគ្មានប័ណ្ណកម្មសិទ្ធិ) ដែលពុំធ្លាប់បានចុះបញ្ជី និងប្រកាសបង់ពន្ធលើអចលនទ្រព្យកន្លងមក បន្តអនុញ្ញាត ឱ្យចុះបញ្ជី និងបង់ប្រាក់ពន្ធ ចាប់ពីឆ្នាំកាន់កាប់ ឬទទួលប្រយោជន៍ចុងក្រោយ និងចំពោះអចលនទ្រព្យដែលបានចុះបញ្ជី និងប្រកាសបង់ពន្ធកន្លងមក ប៉ុន្តែខកខានពុំបានប្រកាសបង់ពន្ធក្នុងឆ្នាំខ្លះ អនុញ្ញាតបន្តការលើកលែងទណ្ឌកម្មរដ្ឋបាល (ពន្ធបន្ថែម និងការប្រាក់) រហូតដល់ដំណាច់ខែមិថុនា ឆ្នាំ២០២៥
- លើកលែងពន្ធលើអចលនទ្រព្យរហូតដល់ដំណាច់ឆ្នាំ២០២៥ ចំពោះសង្កាត់ចំនួន៤ (បួន) ក្នុងក្រុងតាខ្មៅ រួមមាន សង្កាត់ស្វាយរលំ សង្កាត់កោះអន្លង់ចិន សង្កាត់សិត្បូ និងសង្កាត់រកាខ្ពស់ ដែលកាត់ពីស្រុកស្អាង និងស្រុកកណ្តាលស្ទឹង នៃខេត្តកណ្តាល ព្រមទាំងអចលនទ្រព្យស្ថិតក្នុងក្រុងឧដុង្គម៉ែជ័យ នៃខេត្តកំពង់ស្ពឺ ក្រុងអរិយក្សត្រ និងក្រុងសំពៅពូន នៃខេត្តកណ្តាល និងក្រុងបូកគោ នៃ ខេត្តកំពត៕
តើរដ្ឋាភិបាលបន្តលើកទឹកចិត្តពន្ធអចលនទ្រព្យយ៉ាងណាខ្លះនៅឆ្នាំ២០២៥?
អវកាសយានិក២រូបដែលជាប់ខ្លួននៅលើយាន ISS អស់៩ខែ ត្រឡប់មកផែនដីវិញដោយជោគជ័យ
ដកខ្លួនពីសិល្បៈជាង ១០ឆ្នាំអាចារ្យធំ បង្ហាញវត្តមានសម្ដែងឡើងវិញ ក្នុងទម្រង់វប្បធម៌ និងប្រពៃណីខ្មែរ
កោះជេជូ រំពឹងទេសចរណ៍កាន់តែរីកចម្រើនក្រោយរឿង«When Life Gives You Tangerines» កំពុងល្បីល្បាញ
អភិបាលរងខេត្តក្រចេះ ណែនាំម្ចាស់អាជីវកម្មដឹកដី ខ្សាច់ ត្រូវពិនិត្យលើការដឹកជញ្ជូនឱ្យស្របតាមច្បាប់ចៀសវាងប៉ះពាល់អ្នកដំណើរ
អាមេរិកគ្រោងដាក់កម្ពុជាក្នុងបញ្ជីលឿង៖សម្ដេចតេជោ ថាជាសិទ្ធិរបស់គេ គ្មានអ្វីត្រូវខ្វល់ តែត្រូវកសាងប្រទេសឱ្យខ្លាំង
ពីឆ្នាំ២០០៩ ដល់បច្ចុប្បន្ន ឥស្សរជនជាន់ខ្ពស់៥រូប ត្រូវបានតម្លើងឋានន្តរសក្ដិ ថ្នាក់នាយឧត្តមសេនីយ៍ផុតលេខ ផ្កាយមាស៥
ព្រះតេជគុណ ជួន កក្កដា គ្រោងលាចាកសិក្ខាបទនៅព្រឹកនេះ
លោក ត្រាំ នឹងបញ្ចេញឯកសារសម្ងាត់ចំនួន ៨០ ០០០ទំព័រ ពាក់ព័ន្ធនឹងរឿងក្ដីធ្វើឃាតលោក Kennedy
គម្រោង បុរី ឡេង ណាវ៉ាត្រា 6A គិតត្រឹមថ្ងៃនេះ បានសាងសង់ដោះស្រាយ នឹងបញ្ចប់សរុប 3172 ផ្ទះហើយ
-
KPT+៣ ថ្ងៃ agoតំបន់កោះដ៏ពេញនិយមសម្រាប់សកម្មភាពកម្សាន្ត របស់ខេត្តកោះកុង
-
ព័ត៌មានជាតិ២២ ម៉ោង agoអាមេរិកគ្រោងដាក់កម្ពុជាក្នុងបញ្ជីលឿង៖សម្ដេចតេជោ ថាជាសិទ្ធិរបស់គេ គ្មានអ្វីត្រូវខ្វល់ តែត្រូវកសាងប្រទេសឱ្យខ្លាំង
-
ព័ត៌មានជាតិ២៤ ម៉ោង agoពីឆ្នាំ២០០៩ ដល់បច្ចុប្បន្ន ឥស្សរជនជាន់ខ្ពស់៥រូប ត្រូវបានតម្លើងឋានន្តរសក្ដិ ថ្នាក់នាយឧត្តមសេនីយ៍ផុតលេខ ផ្កាយមាស៥
-
សន្តិសុខសង្គម៥ ថ្ងៃ agoម្ចាស់ប្រេនសម្រស់ធារ៉ា ត្រូវសមត្ថកិច្ចឃុំខ្លួន ពាក់ព័ន្ធការកែច្នៃគ្រឿងសំអាងគ្មានច្បាប់អនុញ្ញាត
-
ព័ត៌មានអន្ដរជាតិ៧ ថ្ងៃ agoមេដឹកនាំអាស៊ី ៤រូប ដែល ICC ចេញដីកាចាប់ខ្លួន ជុំវិញបទឧក្រិដ្ឋកម្មប្រឆាំងមនុស្សជាតិ
-
ព័ត៌មានជាតិ៥ ថ្ងៃ agoសម្តេចធិបតី៖ ឧកញ៉ា ១៤០រូប ត្រូវបានលុបឈ្មោះចេញ ក្នុងនោះមានឧកញ៉ាខ្លះប្រព្រឹត្តបទល្មើស
-
សន្តិសុខសង្គម៤ ថ្ងៃ agoBreaking News៖ អគ្គិភ័យកំពុងឆេះនៅផ្លូវសឡា សង្កាត់ស្ទឹងមានជ័យទី១
-
សន្តិសុខសង្គម៦ ថ្ងៃ agoភ្លៀងលាយឡំខ្យល់កន្ត្រាក់បំផ្លាញផ្ទះពលរដ្ឋ៣ភូមិអស់ ៥៤ខ្នង