ជីវិតកម្សាន្ដ

Due Arisara ប្រាប់ប៉ូលិសថា មិនបានរត់គេចខ្លួនទេ នាងនឹងវិលមកដោះស្រាយឆាប់ៗ

បានផុស

២២ ម៉ោង មុន

នៅ

ថ្ងៃព្រហស្បតិ៍ ២០ មីនា ២០២៥

ដោយ

លោកមេធាវី Nitisak Meekhuad បានចេញមុខមកបញ្ជាក់ថា កូនក្តីរបស់លោកគឺតារាសម្ដែងថៃនាង Due Arisara មិនមានចេតនារត់ចេញពីប្រទេសនោះទេ។ នាងបានសន្យាថានឹងត្រឡប់មកវិញឲ្យលឿនដើម្បីជម្រះរាល់បញ្ហានិងរឿងចម្រូងចម្រាសពាក់ព័ន្ធនឹងទ្រព្យសម្បិត្តិដែលខ្ជីគេជាង៦៥លានបាត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីថ្ងៃទី២០ ខែមីនា លោក Atthachai Chaeng-Arun មេធាវីការពារក្តីឲ្យលោកជំទាវ Maynie Minimay បានផ្តល់សក្ខីកម្មបន្ថែមដល់ក្រុមស៊ើបអង្កេតនៃនាយកដ្ឋានប្រឆាំងបទល្មើសសេដ្ឋកិច្ច បន្ទាប់ពីទទួលបានអំណាចមេធាវីពីកូនក្តីរបស់ខ្លួន ដើម្បីដាក់ពាក្យប្តឹង។ តារាសម្ដែង Due Arisara ត្រូវបានចោទប្រកាន់ពីបទកេងបន្លំកាលពីថ្ងៃទី ១១ ខែមីនា ក្នុងករណីខ្ចីអចលនទ្រព្យប្រណីតជាច្រើនដែលមានតម្លៃជាង ៦២ លានបាត ប៉ុន្តែបែរជាលួចយកទ្រព្យដែលខ្ចីទៅបញ្ចាំដោយគ្មានការអនុញ្ញាតពីម្ចាស់។

លោក Atthachai បាននិយាយថា ក្រៅពីការផ្តល់សក្ខីកម្មបន្ថែម។ លោកត្រូវបានលោកជំទាវចាត់ឲ្យផ្តល់ភស្តុតាងបន្ថែម។ ប៉ុន្តែស្នើសុំមិនបញ្ចេញព័ត៌មានលម្អិត ដោយសារតែស្ថិតនៅក្រោមការស៊ើបអង្កេត ដំបូងឡើយ ករណីនេះជាករណីឆបោក។ ប៉ុន្តែវាអាស្រ័យលើឆន្ទានុសិទ្ធិរបស់អ្នកស៊ើបអង្កេតថា តើភ័ស្តុតាងនឹងត្រូវចាត់ទុកថាជាបទល្មើសផ្សេងឬអត់។ បើមាននរណាម្នាក់ពាក់ព័ន្ធនឹងរឿងនេះ អាជ្ញាធរនឹងចេញដីកាឲ្យពួកគេទាំងអស់គ្នាធ្វើសេចក្តីថ្លែងការណ៍។ ប៉ុន្តែបើភាគីម្ខាងទៀតយកវត្ថុដែលខ្ចីមកវិញ នោះបញ្ហាចប់ហើយ។

ចំណែកឯ លោកមេធាវី Nitisak Meekhuad មេធាវីរបស់ជនជាប់ចោទបានមានប្រសាសន៍តាមរយៈអ្នកយកព័ត៌មានប៉ុស្តិ៍លេខ៣ថា ថ្ងៃនេះនៅម៉ោង១១៖០០នាទីព្រឹក លោកនឹងជួបជាមួយមន្ត្រីស៊ើបអង្កេតនៅនាយកដ្ឋានទី១ នាយកដ្ឋានប្រឆាំងបទល្មើសសេដ្ឋកិច្ច ដើម្បីដាក់លិខិតបញ្ជាក់ថា កូនក្ដីលោកមិនមានចេតនាភៀសខ្លួនទៅតៃវ៉ាន់ទេ។ ដោយសារតែ Dew បានធ្វើដំណើរទៅក្រៅ មុនដឹងថានឹងចាត់វិធានការផ្លូវច្បាប់ ពេលនេះនាងបានបញ្ជាក់ថាអ្នកនឹងត្រឡប់មកវិញដើម្បីជម្រះរាល់បញ្ហាឲ្យបានឆាប់តាមដែលអាចធ្វើទៅបាន។

យ៉ាងណាមិញ ទ្រព្យសម្បត្តិដែលតារាស្រីនាង Due Arisara បានខ្ជីពីលោកជំទាវ Maynie ដែលមានតម្លៃជាង ៦២ លានបាត រួមទាំងនាឡិកាដៃ RICHARD MILLE (១៣,៨ លានបាត) ខ្សែក BVLGARI (១៥,២ លានបាត) កាបូប HERMES (២,៨ លានបាត) កាបូប KELLY (៣,៧ លានបាត) និងខ្សែក LOTUS ARTS DE VIVRE (២៦ លានបាត) ៕