ព័ត៌មានអន្ដរជាតិ
ត្រាំ៖ ជនណាដែលបំផ្លាញក្រុមហ៊ុន Tesla អាចជាប់ពន្ធនាគាររហូតដល់២០ឆ្នាំ
លោកប្រធានាធិបតីអាមេរិក ដូណាល់ ត្រាំ បានប្រកាសថា បុគ្គលដែលបានបំផ្លាញយានជំនិះ ឬគ្រឿងបរិក្ខាររបស់ក្រុមហ៊ុន Tesla អាចប្រឈមនឹងការជាប់ពន្ធនាគាររហូតដល់ ២០ឆ្នាំ។
លោក ត្រាំ បានធ្វើសេចក្តីប្រកាសនេះនៅថ្ងៃសុក្រទី២១ខែមីនាឆ្នាំ២០២៥តាមរយៈការបង្ហោះនៅលើបណ្ដាញសង្គម Truth Social ដោយបញ្ជាក់ថា៖ «ជនណាដែលត្រូវគេចាប់ថាបានបំផ្លាញក្រុមហ៊ុន Tesla នឹងមានឱកាសខ្ពស់ក្នុងការជាប់គុករហូតដល់២០ឆ្នាំ ហើយក្នុងនោះរួមទាំងអ្នកផ្តល់មូលនិធិផងដែរ។ យើងកំពុងស្វែងរកអ្នក»។
ការកត់សម្គាល់ទាំងនេះ កើតឡើងចំពេលមានការកើនឡើងនៃឧប្បត្តិហេតុហិង្សាដែលផ្តោតលើក្រុមហ៊ុនចែកចាយរបស់ Tesla ស្ថានីយ៍សាកថ្ម និងយានយន្តនៅទូទាំងសហរដ្ឋអាមេរិក និងអឺរ៉ុប។ ការវាយប្រហារ ត្រូវបានគេរាយការណ៍ថាជាប់ទាក់ទងទៅនឹងការតវ៉ាប្រឆាំងនឹងការចូលរួមរបស់នាយកប្រតិបត្តិក្រុមហ៊ុន Tesla លោក Elon Musk នៅក្នុងនាយកដ្ឋានប្រសិទ្ធភាពរដ្ឋាភិបាល (DOGE) របស់រដ្ឋបាលលោក ត្រាំ ដែលបានអនុវត្តការកាត់បន្ថយការងារ និងថវិការដ្ឋដ៏ច្រើនសម្បើម។
រដ្ឋមន្ត្រីក្រសួងយុត្តិធម៌លោកស្រី Pam Bondi បានចាត់ទុកសកម្មភាពទាំងនេះថាជា «អំពើភេរវកម្មក្នុងស្រុក» ហើយបានសង្កត់ធ្ងន់លើការប្តេជ្ញាចិត្តរបស់រដ្ឋាភិបាល ក្នុងការកាត់ទោសអ្នកដែលត្រូវទទួលខុសត្រូវ។ ក្នុងពេលថ្មីៗនេះ បុគ្គលបីរូបត្រូវបានចោទប្រកាន់ពាក់ព័ន្ធនឹងការវាយប្រហារលើអចលនទ្រព្យ Tesla ក្នុងរដ្ឋ Colorado រដ្ឋ Oregon និងរដ្ឋ South Carolina។ ការចោទប្រកាន់រួមមាន ការគប់ដបសាំង និងប្រើប្រាស់អាវុធ ដើម្បីធ្វើឲ្យខូចបរិក្ខាររបស់ក្រុមហ៊ុន Tesla ជាមួយនឹងការដាក់ទោសទណ្ឌដែលអាចជាប់ពន្ធនាគាររហូតដល់ ២០ឆ្នាំ។
ចលនាប្រឆាំងដែលគេដាក់ឈ្មោះឲ្យថា «Tesla Takedown» ដំបូងឡើយត្រូវបានបង្កើតឡើងដោយតារាសម្តែង Alex Winter ហើយវាជាការតវ៉ាដោយសន្តិវិធីប្រឆាំងនឹងទំនាក់ទំនងនយោបាយរបស់លោក Musk។ យ៉ាងណា នៅអំឡុងពេលធ្វើការតវ៉ា គេសង្កេតឃើញមានក្រុមមួយចំនួនបានប្រើវិធានការហិង្សា ដោយហេតុនេះតម្រូវឲ្យមានការត្រួតពិនិត្យរបស់ការិយាល័យស៊ើបអង្កេតសហព័ន្ធ (FBI)៕
ដោយ៖ ឈាង
ត្រាំ៖ ជនណាដែលបំផ្លាញក្រុមហ៊ុន Tesla អាចជាប់ពន្ធនាគាររហូតដល់២០ឆ្នាំ
ស្រះឈូកមួយកន្លែងក្នុងស្រុកសង្កែ ក្លាយជាតំបន់កម្សាន្តសម្រាប់អ្នកខេត្តបាត់ដំបង
មជ្ឈដ្ឋានប្រដាល់សកល៖ សម្ដែងការអបអរឡើងវិញក្រោយដាក់ឲ្យប្រកួតកីឡាអូឡាំពិកនៅសហរដ្ឋអាមេរិក
សម្ដេចធិបតី៖ លុយយើងនៅធានាបាន យើងមិនកញ្ជើធ្លុះទេ!
ឥណ្ឌូណេស៊ីត្រៀមនាំចេញទុរេនទៅចិន ដោយប្រជែងថៃ និងវៀតណាម
អ៊ុយក្រែន វាយប្រហារបំផ្លាញបំពង់បង្ហូរឧស្ម័នដ៏សំខាន់របស់ រុស្ស៊ី
សម្ដេច ហ៊ុន សែន ថា សម្ដេច ស ខេង ជាស៊ីវិល ទើបមិនផ្ដល់ផ្កាយ៥
អគារផ្នែកជំងឺកុមារថ្មីតម្លៃជិត ១ លានដុល្លារ សម្ពោធដាក់ឲ្យប្រើប្រាស់ជាផ្លូវការ
ដើមឆ្នាំនេះ ខ្យល់កន្ត្រាក់បំផ្លាញផ្ទះជិត១៥០០ខ្នងនិងបណ្តាលឲ្យមនុស្សរបួស១២នាក់នៅខេត្តចំនួន៧
F-16 ច្រើនគ្រឿងទៀត បានទៅដល់ដៃអ៊ុយក្រែន
-
KPT+៥ ថ្ងៃ agoតំបន់កោះដ៏ពេញនិយមសម្រាប់សកម្មភាពកម្សាន្ត របស់ខេត្តកោះកុង
-
ព័ត៌មានជាតិ៣ ថ្ងៃ agoអាមេរិកគ្រោងដាក់កម្ពុជាក្នុងបញ្ជីលឿង៖សម្ដេចតេជោ ថាជាសិទ្ធិរបស់គេ គ្មានអ្វីត្រូវខ្វល់ តែត្រូវកសាងប្រទេសឱ្យខ្លាំង
-
ព័ត៌មានជាតិ៣ ថ្ងៃ agoពីឆ្នាំ២០០៩ ដល់បច្ចុប្បន្ន ឥស្សរជនជាន់ខ្ពស់៥រូប ត្រូវបានតម្លើងឋានន្តរសក្ដិ ថ្នាក់នាយឧត្តមសេនីយ៍ផុតលេខ ផ្កាយមាស៥
-
សន្តិសុខសង្គម៧ ថ្ងៃ agoម្ចាស់ប្រេនសម្រស់ធារ៉ា ត្រូវសមត្ថកិច្ចឃុំខ្លួន ពាក់ព័ន្ធការកែច្នៃគ្រឿងសំអាងគ្មានច្បាប់អនុញ្ញាត
-
ព័ត៌មានអន្ដរជាតិ២ ថ្ងៃ agoនិយាយជាមួយពូទីនចប់ភ្លាម ត្រាំ ថា បើផ្ទុះសង្គ្រាមលោកលើកទី៣ ទ័ពអាមេរិក ក៏អាចចូលប្រយុទ្ធដែរ
-
ព័ត៌មានជាតិ៧ ថ្ងៃ agoសម្តេចធិបតី៖ ឧកញ៉ា ១៤០រូប ត្រូវបានលុបឈ្មោះចេញ ក្នុងនោះមានឧកញ៉ាខ្លះប្រព្រឹត្តបទល្មើស
-
សន្តិសុខសង្គម៦ ថ្ងៃ agoBreaking News៖ អគ្គិភ័យកំពុងឆេះនៅផ្លូវសឡា សង្កាត់ស្ទឹងមានជ័យទី១
-
ព័ត៌មានជាតិ២ ថ្ងៃ agoព្រះតេជគុណ ជួន កក្កដា គ្រោងលាចាកសិក្ខាបទនៅព្រឹកនេះ