ព័ត៌មានអន្ដរជាតិ
អ៊ីស្រាអែល គ្រោងបង្កើតព្រលានយន្តហោះថ្មី នៅជិតតំបន់ហ្គាហ្សា
គណៈកម្មាធិការកិច្ចការសេដ្ឋកិច្ចរបស់អ៊ីស្រាអែល កាលពីថ្ងៃទី២៣ខែមីនាឆ្នាំ២០២៥ បានអនុម័តលើការសាងសង់អាកាសយានដ្ឋានអន្តរជាតិថ្មីនៅទីក្រុង Nevatim ដែលជាទីប្រជុំជននៅតំបន់វាលខ្សាច់ Negev ចម្ងាយប្រហែល ៦៥គីឡូម៉ែត្រ ឬជិះប្រហែលមួយម៉ោងពីព្រំដែនហ្គាហ្សា។
ទីភ្នាក់ងារព័ត៌មាន Reuters បានចុះផ្សាយថា ព្រលានយន្តហោះថ្មីរបស់អ៊ីស្រាអែល មានទីតាំងស្ថិតនៅជាប់មូលដ្ឋានទ័ពអាកាស ជាកន្លែងសម្រាប់ស្តុកទុកយន្តហោះចម្បាំង F-35។ មូលដ្ឋានទ័ពអាកាសនេះ ធ្លាប់ត្រូវមីស៊ីលអ៊ីរ៉ង់ប៉ុនប៉ងវាយប្រហារជាច្រើនលើកមកហើយកាលពីខែតុលាឆ្នាំមុន។
ព្រលានថ្មី ដែលមានចម្ងាយ ១៣២គីឡូម៉ែត្រពីទីក្រុង Tel Aviv នឹងចំណាយពេល ៧ឆ្នាំក្នុងការសាងសង់ ហើយអាចមានសមត្ថភាពទទួលអ្នកដំណើររហូតដល់ ១៥លាននាក់ក្នុងមួយឆ្នាំ។
គំនិតផ្តួចផ្តើមបង្កើតព្រលានថ្មីនេះ ក៏មានគោលបំណងកាត់បន្ថយការកកស្ទះនៅអាកាសយានដ្ឋាន Ben Gurion និងជំរុញការអភិវឌ្ឍសេដ្ឋកិច្ចនៅភាគខាងត្បូងប្រទេសអ៊ីស្រាអែលផងដែរ។
យ៉ាងណាមិញ ក្រុមយោធា និងសន្តិសុខរបស់អ៊ីស្រាអែល បានប្រឆាំងនឹងគម្រោងនេះ ដោយសារតែវានៅជិតមូលដ្ឋានទ័ពអាកាស។
សូមបញ្ជាក់ថា ព្រលាន Ben Gurion គឺជាច្រកផ្លូវអាកាសដ៏សំខាន់របស់អ៊ីស្រាអែល និងមានសមត្ថភាពផ្ទុកអ្នកដំណើរ ៤០លាននាក់ជារៀងរាល់ឆ្នាំ។ ប៉ុន្តែវានឹងមិនអាចបំពេញតាមតម្រូវការនាថ្ងៃទៅមុខបានឡើយ។ បើយោងតាមគណៈកម្មាធិការកិច្ចការសេដ្ឋកិច្ចរបស់អ៊ីស្រាអែល មនុស្ស ៨០លាននាក់ត្រូវបានគេរំពឹងថានឹងឆ្លងកាត់អាកាសយានដ្ឋាននេះនៅឆ្នាំ២០៥០។
កាលពីឆ្នាំ២០១៩ អ៊ីស្រាអែលបានបើកព្រលានយន្តហោះ Ramon នៅជិតទីក្រុងរមណីយដ្ឋានសមុទ្រក្រហម Eilat នៅតំបន់ភាគខាងត្បូង ជាប់ព្រំដែនជាមួយប្រទេសហ្ស៊កដានី និងអេហ្ស៊ីប។ មុនពេលសង្រ្គាមជាមួយក្រុមហាម៉ាស ក្រុមហ៊ុនអាកាសចរណ៍បរទេសមួយចំនួនដូចជា Ryanair បានដំណើរការជើងហោះហើរពីអឺរ៉ុបទៅកាន់ទីក្រុង Ramon។
នាពេលបច្ចុប្បន្ននេះ អាកាសយានដ្ឋានត្រូវបានប្រើប្រាស់យ៉ាងទូលំទូលាយសម្រាប់ជើងហោះហើរក្នុងស្រុកប៉ុណ្ណោះ ខណៈក្រុមហ៊ុនអាកាសចរណ៍អន្តរជាតិភាគច្រើនបានបញ្ឈប់ការហោះហើរទៅកាន់ប្រទេសអ៊ីស្រាអែលដោយសារតែសង្គ្រាមនៅហ្គាហ្សា៕
ដោយ៖ ឈាង
កម្លាំងសណ្តាប់ធ្នាប់ខណ្ឌឬស្សីកែវ ចុះឈូសកើបដីខ្សាច់ បាញ់ទឹកសម្អាតនៅលើផ្លូវជាតិ៥
លោក ហេង សួរ ៖ និស្សិតអាហារូបករណ៍ ត្រូវនាំយកចំណេះវិជ្ជា វិលត្រឡប់មកកម្ពុជា ដើម្បីអភិវឌ្ឍន៍សេដ្ឋកិច្ច
អ្នកវិភាគ៖ ពលរដ្ឋខ្មែរគួរយកចិត្តទុកដាក់តាមដានការវិវត្តនយោបាយនៅថៃ ខណៈក្រុមប្រឆាំងថៃតែងតែរុញច្រានបញ្ហាព្រំដែនឱ្យឡើងកម្ដៅ
រដ្ឋបាលខេត្តកណ្តាល រៀបចំតុបតែងត្រៀមសម្រាប់ពិធីបុណ្យចូលឆ្នាំថ្មី ប្រពៃណីជាតិខ្មែរ
ក្រសួងការងារ បើកវគ្គបណ្តុះបណ្តាលស្តីពី “បង្ការនិងទប់ស្កាត់ការប្រើប្រាស់ពលកម្មកុមារ តាមសហគ្រាស គ្រឹះស្ថានផលិត ឥដ្ឋ ក្បឿង”
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?
ប៊ីល ហ្គេត៖ មានតែការងារ ៣ មុខ ប៉ុណ្ណោះ ដែលនឹងបន្តឈរជើងក្នុងបដិវត្តន៍ AI
សម្តេចសង្ឃកាតូលិក Pope Francis ជិតសុគត ខណៈគ្រូពេទ្យសម្រេចឈប់ព្យាបាល
ក្រុមហ៊ុនអាកាសចរណ៍ថ្មី ៣ បន្ថែមទៀត នឹងតភ្ជាប់ជើងហោះហើរមកអាកាសយានដ្ឋានអន្តរជាតិតេជោ
ផ្ទៃក្នុងអាមេរិក ចង់ឲ្យបណ្តេញលោក Mike Waltz ចេញពីតំណែង ក្រោយបែកធ្លាយផែនការនៅ យេម៉ែន
-
ព័ត៌មានអន្ដរជាតិ១ សប្តាហ៍ agoនិយាយជាមួយពូទីនចប់ភ្លាម ត្រាំ ថា បើផ្ទុះសង្គ្រាមលោកលើកទី៣ ទ័ពអាមេរិក ក៏អាចចូលប្រយុទ្ធដែរ
-
ព័ត៌មានជាតិ១ សប្តាហ៍ agoព្រះតេជគុណ ជួន កក្កដា គ្រោងលាចាកសិក្ខាបទនៅព្រឹកនេះ
-
ព័ត៌មានអន្ដរជាតិ២ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា៦ ថ្ងៃ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៣ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ១៨ ម៉ោង agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?
-
ព័ត៌មានជាតិ៦ ថ្ងៃ agoគណបក្សថ្មីមួយទៀត ត្រូវបានក្រសួងមហាផ្ទៃ សម្រេចចុះបញ្ជីឱ្យធ្វើសកម្មភាពនយោបាយ