កីឡា

តារាបាល់ទះឆ្នើម វឿន វាសនា រួមចំណែកជួយ Win Streak ឈ្នះលីគតៃវ៉ាន់ ៣ ឆ្នាំជាប់គ្នា

បានផុស

៤ ថ្ងៃ មុន

នៅ

ថ្ងៃអង្គារ ២៥ មីនា ២០២៥

ដោយ

កីឡាករបាល់ទះជម្រើសជាតិ កម្ពុជា វឿន សំណាង បានរួមចំណែកយ៉ាងធំធេង ក្នុងការជួយឱ្យក្លិបបាល់ទះ Win Streak ឈ្នះពានលីគតៃវ៉ាន់ (TVL) រដូវកាល ២០២៤-២០២៥។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វឿន វាសនា ដែលមានដើមកំណើតមកពីខេត្ត បាត់ដំបង កំពុងបង្ហាញសមត្ថភាពលេចធ្លោរខ្លាំងមែនទែនជាមួយក្លិបបាល់ទះ Win Streak ខណៈការទៅលេងនៅទីនោះ ២ រដូវកាលកន្លងមក រូបគេបានជួយឱ្យក្លិប ដែលមានមូលដ្ឋាននៅទីក្រុង Taichung មួយនេះឈ្នះពានលីគ TVL ២ ឆ្នាំជាប់ៗគ្នា។

ការប្រកួតលីគ TVL របស់ តៃវ៉ាន់ នេះបានចាប់ផ្តើមតាំងពីខែ តុលា មកម្ល៉េះ ដែលមានក្រុមចំនួន៦ចូលរួមប្រកួតគឺក្រុម Changhua SDTV, Taipei Conti, Taoyuan Taipower, Yunlin Mizuno និង Win Streak។

បន្ទាប់ពីការប្រកួតវគ្គសន្សំពិន្ទុប្រចាំសប្តាហ៍ និងការប្រកួតខ្វែងរួចមក ក្រុម Win Streak និង Yunlin Mizuno បានក្លាយជា ២ ក្រុមចុងក្រោយ ដែលបានឡើងមកកាន់វគ្គផ្តាច់ព្រ័ត្រ។ ការប្រកួតនៅវគ្គផ្តាច់ព្រ័ត្រ តាមរូបមន្តគឺ៣ ប្រកួតស្មើនឹង៣ថ្ងៃជាប់គ្នា។ ថ្ងៃទី១ ក្រុម Win Sreak បានយកឈ្នះដោយលទ្ធផល ៣-១ ប៉ុន្តែនៅថ្ងៃទី២ ក្រុម Yunlin Mizuno បានយកឈ្នះវិញដោយលទ្ធផល ៣-២ ខណៈថ្ងៃទី៣ ក្រុម Win Sreak បានយកឈ្នះ ដោយលទ្ធផល ៣-0 ដើម្បីក្លាយជាម្ចាស់ជើងឯករដូវកាល២០២៤-២៥។

សូមបញ្ជាក់ថា ចាប់តាំងពីក្លិបបាល់ទះ Win Streak បង្កើតឡើងនៅឆ្នាំ ២០២២ នេះគឺជាការឈ្នះពានលីគ TVL ៣ រដូវកាលជាប់ៗគ្នាក្នុងប្រវត្តិសាស្ត្រក្លិប ពោលគឺរដូវកាល ២០២២-២០២៣, ២០២៣-២០២៤ និង ២០២៤-២០២៥៕

លទ្ធផលវគ្គសន្សំពិន្ទុរបស់ក្រុម Win Streak

ចាញ់ Pingtung Taipower ០-៣, ឈ្នះ Taoyuan ៣-០, ឈ្នះ Taipei Conti ៣-២, ឈ្នះ Yunlin Mizuno ៣-០, ឈ្នះ Changua ៣-០, ឈ្នះ Taipei Conti ៣-០, ឈ្នះ Changhua ៣-០, ចាញ់ Pingtung Taipower ២-៣, ឈ្នះ Changhua ៣-០, ឈ្នះ Changhua ៣-២, ឈ្នះ Yunlin Mizuno ៣-០, ឈ្នះ Taipei Conti ៣-០, ឈ្នះ Pingtung Taipower ៣-១, ឈ្នះ Taoyuan ៣-០, ឈ្នះ Yunlin Mizuno ៣-១, ឈ្នះ Pingtung Taipower ៣-១, ចាញ់ Taoyuan Taiwan ២-៣, ឈ្នះ Taoyuan Taiwan ៣-១, ឈ្នះ Taipei Conti ៣-១, ឈ្នះ Yunlin Mizuno ៣-០។

លទ្ធផលវគ្គខ្វែង