Connect with us

ព័ត៌មានជាតិ

សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាល​កុមារ​ម្នាក់​ស្លាប់​

បានផុស

នៅ

សត្វមាន់ចំនួន ១០៧​ ក្បាល ត្រូវបានការិយាល័យផលិតកម្ម និងបសុព្យាបាលនៃមន្ទីរកសិកម្ម រុក្ខាប្រមាញ់ និងនេសាទ ខេត្តក្រចេះ ដុតកម្ទេចចោល ក្រោយផ្ទុះជំងឺផ្ដាសាយបក្សី បណ្តាលឲ្យកុមារអាយុ ៣ ឆ្នាំ ៦ ខែម្នាក់ ទទួលមរណៈភាពកាលពីថ្ងៃទី២៣ ខែមិនា ឆ្នាំ២០២៥។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រតិបត្តិកាណ៍ខាងលើនេះ ធ្វើឡើងដោយមន្ទីរកសិកម្មខេត្ត សហការជាមួយអាជ្ញាធរមូលដ្ឋាន ខណៈដែលចុះធ្វើអន្តរាគមន៍​ជំងឺផ្តាសាយបក្សី នៅភូមិព្រែកតាអាំ ឃុំបុសលាវ ស្រុកចិត្របុរី ខេត្តក្រចេះ។

លោក កេត សារឿន ប្រធានការិយាល័យផលិតកម្ម និងបសុព្យាបាល បានឲ្យកម្ពុជាថ្មីដឹងនៅថ្ងៃទី២៥ ខែមីនា​ ឆ្នាំ២០២៥ នេះថា ការងារនេះក្នុងយុទ្ធនាការណ៍គឺដើម្បីកំចាត់ជំងឺផ្ដាសាយបក្សីនៅតំបន់មានហានិភ័យ។ តាមបច្ចេកទេស តាមការណែនាំរបស់ក្រសួង ក៏ដូចជាអគ្គនាយកដ្ឋានបច្ចេកទេសសុខភាពសត្វ និងមន្ទីរកសិកម្ម រុក្ខាប្រមាញ់ និងនេសាទខេត្ត គឺក្រុមការងារជំនាញចុះបាញ់សំលាប់មេរោគ ដើម្បីកំចាត់មេរោគដែលមាននៅលើបក្សី ឬកន្លែងចិញ្ចឹមបក្សីដែលមាននៅជុំវិញកន្លែងកើតហេតុ។

លោកបានបញ្ជាក់ថា តាមបច្ចេកទេស នៅក្នុងតំបន់មួយដែលជាតំបន់ហានិភ័យខ្ពស់ សត្វមាន់ទារទាំងអស់នោះអាចឆ្លងមេរោគជំងឺផ្ដាសាយបក្សី តែវាមិនទាន់ចេញរោគសញ្ញា។ ដូច្នេះ ក្រុមការងារត្រូវតែកំទេចសត្វមាន់ទារទាំងនោះចោល ដើម្បីធានាកុំឲ្យមានឆ្លងបន្តទៀត។

ក្នុងយុទ្ធនាការនោះដែរ ក្រុមការងារ បានចែកខិតប័ណ្ណផ្សព្វផ្សាយពីជំងឺផ្តាសាយបក្សី (តូច) ដល់កសិករ និងអាជ្ញាធរភូមិ និងបាញ់ថ្នាំសម្លាប់មេរោគតាមខ្នងផ្ទះប្រជាពលរដ្ឋ និងបានបន្តផ្សព្វផ្សាយជំងឺផ្តាសាយបក្សីដល់កសិករចិញ្ចឹមសត្វ បង្កើនការយល់ដឹង និងតាមដានជំងឺឆ្លងជាបន្តទៀត។ ជាមួយគ្នានោះ ក៏បាញ់ថ្នាំសម្លាប់មេរោគតាមខ្នងផ្ទះដែលបានសម្លាប់មាន់អស់ ជាពិសេស បានណែនាំដល់ប្រជាពលរដ្ឋកុំអោយលក់មាន់ចេញពីភូមិផ្ទុះជំងឺ ២គីឡូម៉ែត្រជុំវិញ។

ក្រៅពីតំបន់ផ្ទុះជំងឺផ្ដាសាយបក្សី នៅភូមិព្រែកតាអាំ ឃុំបុសលាវ ស្រុកចិត្របុរី មន្ទីរកសិកម្ម រុក្ខាប្រមាញ់ និងនេសាទ ខេត្តក្រចេះ ក៏មានភ្នាក់ងារសុខភាពសត្វភូមិ ក៏ដូចជាអាជ្ញាធរមូលដ្ឋាន ក្នុងករណីក្នុងភូមិមានសត្វឈឺ ឬងាប់ ត្រូវផ្តល់ព័ត៌មានជាបន្ទាន់មកការិយាល័យផលិតកម្ម និងបសុព្យាបាលនៃមន្ទីរកសិកម្ម រុក្ខាប្រមាញ់ និងនេសាទ ខេត្តក្រចេះ ដើម្បីមានវិធានការចុះពិនិត្យមើល និងយកសំណាក ដើម្បីបញ្ជាក់ថា សត្វដែរឈឺងាប់នោះ ជាមេរោគប្រភេទអ្វីឲ្យច្បាស់លាស់ ក្នុងករណីប្រសិនបើមានជំងឺផ្ដាសាយបក្សី ដាច់ខាតត្រូវមានវិធានការជាបន្ទាន់ភ្លាមៗ៕

អត្ថបទ៖ ប្រុញ វិធិន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៣ ម៉ោង មុន

​រូប​ភាព​រលំបាក់​អគារ​គួររន្ធត់​នៅថៃ ប៉ុន្តែ​​អាជ្ញាធរ​​បញ្ជាក់ថា​ ចំនួន​អ្នកស្លាប់​មាន៩នាក់​ដល់​ពេលនេះ​

ព័ត៌មានអន្ដរជាតិ៤ ម៉ោង មុន

​​រហូត​ដល់​ពេល​នេះ មីយ៉ាន់​ម៉ារកឃើញ​អ្នក​ស្លាប់​​​និងរបួស​ជិត​៩០០​នាក់​ក្នុងគ្រោះរញ្ជួយដី​

ព័ត៌មានជាតិ៦ ម៉ោង មុន

ក្រុមហ៊ុន​បច្ចេកវិទ្យា​ទំនើប​​ចិន ប្ដេជ្ញា​ជំរុញ​កម្មវិធី​សិក្សា TVET កម្ពុជា ឱ្យ​ស្រប​តាមស្តង់ដារ​សិក្សា​នៃ​ប្រទេសចិន និងអាល្លឺម៉ង់

ព័ត៌មានជាតិ៧ ម៉ោង មុន

មន្ត្រីក្រសួងសេដ្ឋកិច្ច ៖ ម្ចាស់​អាជីវកម្ម ដែលប្រឈមហានិភ័យ ត្រូវ​មាន​ធានារ៉ាប់រង​សម្រាប់​អាជីវកម្ម​ខ្លួន

ព័ត៌មានអន្ដរជាតិ៩ ម៉ោង មុន

​​តើគ្រោះ​​រញ្ជួយដី​កើត​នៅ​មីយ៉ាន់​ម៉ា​​​ប៉ះពាល់​និង​ជះឥទ្ធិពលដល់​ណាខ្លះ?​

ព័ត៌មានអន្ដរជាតិ១១ ម៉ោង មុន

កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក

ព័ត៌មានជាតិ២១ ម៉ោង មុន

បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព

ក្រុងប៉ោយប៉ែត
សន្តិសុខសង្គម១០ ម៉ោង មុន

ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ

ព័ត៌មានអន្ដរជាតិ១១ ម៉ោង មុន

ការ​ខូចខាត​បឋម ព្រោះ​គ្រោះរញ្ជួយដីដ៏ខ្លាំងក្លា​ដែល​វាយប្រហារអាស៊ីអាគ្នេយ៍

ព័ត៌មានអន្ដរជាតិ១១ ម៉ោង មុន

នាយករដ្ឋមន្ត្រី​ថៃ ដាក់​ចេញ​បទបញ្ជា​​បន្ទាន់ដើម្បី​គ្រប់គ្រង់​គ្រោះរញ្ជួយដី​

Sokha Hotels

ព័ត៌មានពេញនិយម