ឆន ស្រីណេត អួនដើមក ក្រោយឃើញមតិរិះគន់បេក្ខភាព​បុរស​ឯកកម្ពុជាក្រោម ខេមរា

អតីតបវរកញ្ញាមកពីកម្ពុជាក្រោមក្នុងកម្មវិធីប្រកួតសម្រស់ Miss Universe Cambodia កញ្ញា ឆន ស្រីណេត បានបង្ហាញអារម្មណ៍ក្តុកក្តួលនិយាយរៀបរាប់ទាំងអួលដើម.ក ខណ:ឃើញមតិរិះគន់បេក្ខភាព​បុរស​ឯកមកពីកម្ពុជាក្រោមលោក ខេមរា ថាជា«យួន» ។

ការលើកឡើងពីសំណាក់កញ្ញា ឆន ស្រីណេត ខាងលើ គឺបន្ទាប់ពីមានការបញ្ចេញមតិរិះគន់ហាក់មិនឱ្យតម្លៃពីបុគ្គលមួយចំនួនតូចទៅលើបងប្អូនប្រជាពលរដ្ឋខ្មែរកម្ពុជា ក្រោយជាពិសេសគឺលោក ខេមរា ដែលជាកូនខ្មែរកម្ពុជាក្រោម កំពុងចូលរួមប្រកួតកម្មវិធីសម្រស់ឯកផ្នែកបុរសនៅក្នុងកម្មវិធីមួយ។

តាមរយ:វីដេអូមានរយ:ពេលជាង ៣នាទី ស្រីណេត បានរៀនរាប់ទាំងទឹកភ្នែករលីងរលោងថា បងប្អូនអើយ ខ្មែរក្រោមជាខ្មែរយើងទេ។ កញ្ញាសង្កត់ធ្ងន់ថា “ខ្មែរក្រោមជាខ្មែរសុទ្ធ” ខ្មែរក្រោម ជាឈាមជ័រខ្មែរ ខ្មែរក្រោមមិនដែលភ្លេចកំណើតមិនដែលភ្លេចអត្តសញ្ញាណជាតិរបស់ខ្មែរទេ” ។

កញ្ញា ឆន ស្រីណេតបាននិយាយថា នាងពិតជាអន់ចិត្តខ្លាំងណាស់ដែលមានមនុស្សខ្លះយល់ខុសចោទថា ខ្មែរក្រោមជាយួន(មកនេះគេចោទថាយួន ទៅណោះគេចោទថាខ្មែរ) ប្រៀបដូចជាកូនកំព្រាអញ្ចឹងព្រោះទៅកន្លែងណាគេអត់ទទួលស្គាល់។នាងថានាងពិតជាមា នការអន់ចិត្តណាស់ក្រោយឃើញគេខមមិនរិះគន់ឲ្យ ខេមរា ថាជាយួននិយាយខ្មែរមិនច្បាស់ហេតុអ្វីយកម កប្រកួតកម្មវិធីបុរសឯក។

ស្រីណេត បញ្ជាក់ថា ចង់ប្រាប់ទៅបងប្អូនថាពួកខ្ញុំជា ខ្មែរកម្ពុជាក្រោមនិយាយអញ្ចឹងឯង មានតុងខ្លះនិយា យមិនសូវច្បាស់មិនចំពាក្យខ្លះដែរហើយដូចខ្ញុំសំណា ងហើយដែលបានមករស់នៅខ្មែរ៥-៦ឆ្នាំទើបអាចប្រើ ពាក្យខ្មែរបានច្រើន ចំណែកបងប្អូនខ្មែរកម្ពុជាក្រោយស្ទើរតែ៩០ភាគរយដែលប្រើពាក្យលាយវៀមណាមខ្លះៗ៣ ឬ៤ពាក្យនៅក្នុងនោះពោលគឺមិនខុសខ្មែរសុរិន្ទនោះទេដែលមាននិយាយលាយពាក្យសៀមខ្លះៗដែរ។

ឆន ស្រីណេត បន្ថែមថា សម្រាប់ខ្មែរក្រោម គឺមិនដែ លភ្លេចកំណើតខ្លួនឯងជាខ្មែរនោះទេហើយទោះបីបែ បណានាងក៏នៅតែមិនភ្លេចថាខ្លួនឯងជាខ្មែរនោះដែរព្រោះអីឈាមដែលរត់នៅក្នុងខ្លួនគឺជាខ្មែរមានម៉ែ-ឪតាយាយខ្មែរទាំងអស់។ម្យ៉ាងទៀតនាងក៏អន់ចិត្តដែរដោយសារតែគេហៅមួយម៉ាត់ថាយួនប៉ុន្តែនៅខាងគេហៅថាខ្មែរ៕ អត្ថបទ៖ ចាន់រ៉ា