ព័ត៌មានជាតិ

កម្ពុជា នឹងចូលរួមពិព័រណ៍ ITCN Asia ប្រទេសប៉ាគីស្ថាន ខាងមុខនេះ

បានផុស

៣ ថ្ងៃ មុន

នៅ

ថ្ងៃអង្គារ ២៥ មីនា ២០២៥

ដោយ

នាពេលដ៏ខ្លីខាងមុខនេះ ក្រសួងពាណិជ្ជកម្មតំណាងកម្ពុជានឹងដឹកនាំពាណិជ្ជករចូលរួមពិព័រណ៍ Information Technology Commerce Network Asia (ITCN Asia) នៅប្រទេសប៉ាគីស្ថាន ដែលការបើកឱកាសដល់ធុរជនក្នុងស្រុកអាចធ្វើការស្វែងរកដៃគូរពាណិជ្ជកម្មដើម្បីបង្កើនការនាំចេញផលិផលរបស់ខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមការបញ្ជាក់ពីក្រសួងពាណិជ្ជកម្ម ក្រុមហ៊ុន E-commerce Gateway Pakistan (Pvt.) Ltd. នឹងរៀបចំពិព័រណ៍ “Information Technology Commerce Network Asia (ITCN Asia)” លើកទី២៦ និងទី៧។ ក្នុងនោះ ពិព័រណ៍ ITCN Asia លើកទី២៦ ប្រព្រឹត្តទៅចាប់ពីថ្ងៃទី៩-១១ ខែឧសភា ឆ្នាំ២០២៥ នៅ មជ្ឈមណ្ឌលពិព័រណ៍ Lahore, ប្រទេសប៉ាគីស្ថាន។

ដោយឡែកពិព័រណ៍ ITCN Asia លើកទី២៧ ប្រព្រឹត្តទៅចាប់ពីថ្ងៃទី២៣-២៥ ខែកញ្ញា ឆ្នាំ២០២៥ នៅ មជ្ឈមណ្ឌលពិព័រណ៍ Karachi, ប្រទេសប៉ាគីស្ថាន។

ពិព័រណ៍នេះ គឺជាព្រឹត្តិការណ៍មួយដែលផ្តល់ឱ្យក្រុមហ៊ុនជាតិ និងអន្តរជាតិនូវវេទិកា B2B (Business to Business) ពាក់ព័ន្ធ នឹងការនាំចេញ, ការវិនិយោគ, ការបណ្តាក់ទុនរួមគ្នា, និងឱកាសអាជីវកម្មជាច្រើន។

អាស្រ័យហេតុដូចនេះ ពាណិជ្ជករ និងសាធារណជនទូទៅដែលមានចំណាប់អារម្មណ៍ចង់ចូលរួមក្នុងព្រឹត្តិការណ៍ខាងលើ អាចទំនាក់ទំនង មកបំពេញបែបបទចូលរួម តាមរយៈនាយកដ្ឋានកិច្ចការពិព័រណ៍ អគ្គនាយកដ្ឋានជំរុញពាណិជ្ជកម្ម នៃក្រសួង ពាណិជ្ជកម្ម៕