ជីវិតកម្សាន្ដ

Ploy ធ្លាក់ខ្លួនស្គម មហាជនសង្ស័យថាបែកគ្នាជាមួយមិត្តប្រុស

បានផុស

២ ថ្ងៃ មុន

នៅ

ថ្ងៃពុធ ២៦ មីនា ២០២៥

ដោយ

មហាជនជាច្រើននៅតែមានការងឿងឆ្ងល់ អំពីស្ថានភាពទំនាក់ទំនងរវាងតារាស្រី Ploy Chermarn និងតារាចម្រៀងរ៉េប Tong Twopee ដែលមានពាក្យចចាមអារ៉ាមផ្សេងៗគ្នាជាច្រើននិយាយថា គូនេះបានបែកគ្នាយូរហើយ ប៉ុន្តែនៅតែមិនទាន់មានចម្លើយច្បាស់លាស់ពីមាត់របស់អ្នកទាំងពីរប៉ុណ្ណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាពិសេស មហាជនបានកត់សម្គាល់ឃើញពីភាពមិនធម្មតានៃរូបរាងកាយរបស់តារាស្រីរៀមច្បងរូបនេះ ហាក់ប្រែជាស្គមស្គាំងជាងមុន។ ដោយមិនបង្អង់យូរ អ្នកគាំទ្រទ្រាំបានសួរទៅកាន់រូបនាងថាតើឈឺ ឬគ្រាន់តែជាជ្រុងកាមេរ៉ា? ដែលនោះកាន់តែធ្វើឲ្យអ្នកគាំទ្រព្រួយបារម្ភ និងភ្ជាប់ទៅនឹងពាក្យចចាមអារ៉ាមថា នាងបែកគ្នាជាមួយមិត្តប្រុសហើយ។

ទោះជាយ៉ាងណាក៏ដោយ កាលពីពេលថ្មីៗនេះតារាស្រីវ័យ៤២ឆ្នាំ បានចេញមកឆ្លើយសំណួរដើម្បីជម្រះមន្ទិលដោយធ្វើការបដិសេធមិនឆ្លើយអំពីទំនាក់ទំនងជាមួយមិត្តប្រុស Tong Twopee ថា «ឥឡូវនេះខ្ញុំចង់ផ្ដោតលើខ្លួនឯង រវល់នឹងមុខជំនួញដែលខ្ញុំកំពុងធ្វើ ហើយខ្ញុំក៏ចាប់ផ្ដើមរៀនលេង TikTok ពេញមួយថ្ងៃ ខ្ញុំរវល់តែនឹងខ្លួនឯង ខ្ញុំមិនឯកាទេ ហើយក៏មិនចង់និយាយថាមិនសប្បាយចិត្ត»។

យ៉ាងណា ចំពោះសុខភាព និងរាងកាយស្គមស្គាំងគួរឲ្យភ្ញាក់ផ្អើល Ploy បានបង្ហើបថា «កន្លះឆ្នាំមកនេះ ខ្ញុំមានបញ្ហាសុខភាពធ្ងន់ធ្ងរ រហូតដល់ហូបបាយ ឬគេងមិនលក់ ពេលនេះខ្ញុំធូរស្បើយហើយ ប៉ុន្តែនៅតែស្ថិតក្នុងដំណាក់កាលដែលរោគសញ្ញាត្រូវតាមដានរៀងរាល់ ៣ ទៅ ៦ ខែម្តង គ្រូពេទ្យព្យាយាមឡើងទម្ងន់ ព្រោះអំឡុងពេលដំបូងនៃជំងឺខ្ញុំទាំង ៤៧ គីឡូក្រាម ពេលនេះខ្ញុំស្រកទម្ងន់ រហូតដល់ទម្ងន់ខ្ញុំឡើង៥គីឡូអរគុណអ្នករាល់គ្នាដែលបារម្ភ៕