មកដឹងពានរង្វាន់ទាំង ៩ មានប្រាក់រង្វាន់ច្រើនបំផុតរដូវកាលនេះ ខណៈ UCL ឈរលេខ៣

នាមួយរយៈចុងក្រោយនេះ កំពុងមានការចាប់អារម្មណ៍ខ្លាំងមែនទែន អំពីការតម្លើងប្រាក់រង្វាន់សម្រាប់ក្រុមឈ្នះជើងឯកពាន FIFA Club World Cup ខណៈក៏មានជាចម្ងល់ផងដែរ តើនៅរដូវកាលនេះ ពានរង្វាន់មួយណា ដែលមានប្រាក់រង្វាន់ សម្រាប់ក្រុមជើងឯកច្រើនជាងគេ។

ថ្មីៗនេះ FIFA បានប្រកាសជាផ្លូវការថា នៅរដូវកាលថ្មីនេះ នឹងប្រើប្រាស់ថវិការសរុបចំនូន ១ ពាន់លានដុល្លារអាមេរិក ដើម្បីបែងចែកជាប្រាក់រង្វាន់សម្រាប់ក្រុមទាំង ៣២ ក្រុម ដែលបានចូលរួមប្រកួតក្នុងពាន Club World Cup។ ចំណែកក្រុមជើងឯកវិញ នឹងទទួលបានប្រាក់រង្វាន់សរុបរហូតដល់ទៅ ១២៥ លានដុល្លារអាមេរិក។

តាមរយៈប្រាក់រង្វាន់ដ៏ច្រើនមហាសាលបែបនេះ ពាន Club World Cup នឹងចូលទៅក្នុងចំណាត់ថ្នាក់កំពូលទាំង ៥ ក្នុងនាមជាពាន ដែលមានប្រាក់រង្វាន់ច្រើនជាងគេបំផុត។ ក្នុងនោះតាមរបាយការណ៍ពី FootballPlus បានបង្ហាញថា៖

១. ពានលីគ​អង់គ្លេស​ Premier League ស្ថិតជាពានទី ១ ដែលមានប្រាក់រង្វាន់ សម្រាប់ក្រុមជើងឯកច្រើនជាងគេ ពោលគឺចំនួន ២២១ លានដុល្លារអាមេរិក។

២. ពានលីគ​អេស្ប៉ាញ La Liga មានប្រាក់រង្វាន់ចំនួន ១៥៨ លានដុល្លារអាមេរិក។

៣. ពានក្លិប​អឺរ៉ុបកម្រិតទី១​ Champions League មានប្រាក់រង្វាន់ ១២៧ លានដុល្លារអាមេរិក។

៤. ពាន​ក្លិប​ Club World Cup មានប្រាក់រង្វាន់ ១២៥ លានដុល្លារអាមេរិក។

៥. ពានលីគ​អាល្លឺម៉ង់ Bundesliga មានប្រាក់រង្វាន់ ៨២ លានដុល្លារអាមេរិក។

៦. ពានលីគ​អ៉ីតាលី Serie A មានប្រាក់រង្វាន់ ៧៥ លានដុល្លារអាមេរិក។

៧. ពានលីគ បារាំង Ligue1 មានប្រាក់រង្វាន់ ៦១ លានដុល្លារអាមេរិក។

៨. ពានក្លិប​អឺរ៉ុប​កម្រិត​ទី​២ UEFA Europa League មានប្រាក់រង្វាន់ ៤០ លានដុល្លារអាមេរិក។

៩. ពានក្លិប​អឺរ៉ុប​កម្រិត​ទី​៣ UEFA Conference League មានប្រាក់រង្វាន់ ២០ លានដុល្លារអាមេរិក៕

អត្ថបទ៖ សេម កុសល