Connect with us

ព័ត៌មានជាតិ

ពេញ​មួយ​ឆ្នាំ ២០២៥ កម្ពុជា​នឹង​រៀបចំ​វេទិកា​បន្ត​បន្ទាប់​ ជំរុញ​ទាក់ទាញ​ការ​វិនិយោគ​គាំទ្រ​វិស័យ​កសិកម្ម​នៅ​កម្ពុជា

បានផុស

នៅ

ពេញ​មួយ​ឆ្នាំ ២០២៥ កម្ពុជា​នឹង​រៀបចំ​វេទិកា​ជា​បន្ត​បន្ទាប់ ក្នុង​គោលបំណង​ពង្រីក​ភាព​ជា​ដៃគូ ដើម្បី​ទាក់ទាញ​ការ​វិនិយោគ​គាំទ្រ​វិស័យ​កសិកម្ម​នៅ​កម្ពុជា។

ថ្លែង​ពី​វេទិកា និង​ពិព័រណ៍​កសិកម្ម​កម្ពុជា (CAFE25) ដែល​រៀបចំ​នៅ​ព្រឹក​នេះ លោក​ ឌិត​ ទីណា រដ្ឋមន្រ្តី​ក្រសួង​កសិកម្ម រុក្ខា​ប្រមាញ់ និង​នេសាទ​ បាន​គូស​បញ្ជាក់​ថា ព្រឹត្តិការណ៍​នៅ​ថ្ងៃ​នេះ គឺ​ជា​ផ្នែក​មួយ​នៃ​សកម្មភាព​ជាច្រើន​បន្តបន្ទាប់​ពេញ​មួយ​ឆ្នាំ២០២៥ របស់​វេទិកា និង​ពិព័រណ៍​កសិកម្ម​កម្ពុជា (CAFE25) ក្នុង​គោលបំណង​ពង្រីក​ភាពជាដៃគូ និង​ទាក់ទាញ​ការ​វិនិយោគ​គាំទ្រ​វិស័យ​កសិកម្ម​កម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈវេទិកានិងពិព័រណ៍កសិកម្មកម្ពុជា (CAFE25) នឹងបង្កើតបាន​នូវឱកាស​សម្រាប់​កិច្ច​សន្ទនា​រវាង​តួអង្គក្នុងខ្សែច្រវាក់​តម្លៃកសិកម្ម ការផ្គូរផ្គងអាជីវកម្ម ការបង្ហាញនូវនវានុវត្តន៍ ការ​បង្កើន​ភាព​ជាដៃគូ ការកៀរគរការវិនិយោគ និងការផ្សារភ្ជាប់ទៅនឹងទីផ្សារ។

លោក​រដ្ឋមន្រ្តី​បន្ត​ថា ការៀបចំវេទិកានិងពិព័រណ៍កសិកម្មកម្ពុជា (CAFE25)​ ក៏​ជាមូលដ្ឋាន​ក្នុង​ជំហាន​ឆ្ពោះទៅកាន់ព្រឹត្តិការណ៍​ធំដែល​គ្រោង​រៀបចំ​នៅ​ខែ​វិច្ឆិកា ឆ្នាំ២០២៥ ខាងមុខនេះ។

រាជរដ្ឋាភិបាលនីតិកាលទី ៧ នៃរដ្ឋសភា នៅតែបន្តផ្តល់អាទិភាពខ្ពស់ដល់វិស័យកសិកម្ម ជាពិសេសតាមរយៈ​ការដាក់ចេញ​នូវកម្មវិធីគោលនយោបាយអាទិភាពទី ៥ និងទី ៦ ដែលរួមមាន ការលើកស្ទួយ​ផលិតភាពកសិកម្ម, ការរកទីផ្សារ, ការរក្សាលំនឹងថ្លៃកសិផល, ការដាក់ពង្រាយមន្ត្រីកសិកម្មឃុំ និង​ការ​អភិវឌ្ឍ​សហគមន៍កសិកម្មទំនើប ដើម្បីបង្កើនល្បឿនការអភិវឌ្ឍវិស័យកសិកម្ម។

ក្រសួងកសិកម្ម បានដាក់ចេញនូវគោលនយោបាយ “មានហូប មានប្រើ មានបាន និងមានរហូត” ដើម្បីធានា​សន្តិសុខ​ស្បៀង ចូលរួមគាំទ្រកំណើនសេដ្ឋកិច្ច បង្កើតការងារ និង​លើក​កម្ពស់​ជីវភាព​ប្រជាកសិករ។

វិស័យកសិកម្មកម្ពុជាសម្រេចបានលទ្ធផលគួរជាទីមោទនៈ និងបានប្រែក្លាយ​ពីស្ថានភាព​ខ្វះស្បៀង មកជា​ការធានាបាននូវ​សន្តិសុខ​ស្បៀងគ្រប់គ្រាន់​ក្នុងប្រទេស និង​ការនាំចេញ​ផលិតផល កសិកម្ម​រាប់​លាន​តោន ដែលរួមចំណែកយ៉ាងសំខាន់ ដល់ការ​ធានាសន្តិសុខ​ស្បៀង​ពិភពលោក​ថែម​ទៀត​ផង។ ជាក់​ស្តែង ក្នុងឆ្នាំ២០២៤ វិស័យកសិកម្មបានចូលរួមចំណែក​ប្រមាណ ១៦,៧% នៃ​ផលិតផល​សរុបក្នុងស្រុក។

ទោះជាយ៉ាង​នេះក្តី បើ​តាម​រដ្ឋមន្រ្តី​ក្រសួង​កសិកម្ម វិស័យ​កសិកម្មកម្ពុជា​ជួបបញ្ហាប្រឈមមួយចំនួន ដូចជាអស្ថិរភាព​នៃប្រព័ន្ធ​ផលិតកម្ម, កង្វះទីផ្សារ, អស្ថិរភាព​តម្លៃ និង​កង្វះវិនិយោគ​លើ​ការ​កែច្នៃ​ជាដើម ដែល​ទាមទារឱ្យគ្រប់តួអង្គពាក់ព័ន្ធចូលរួមសិក្សាស្វែងយល់ឱ្យបានស៊ីជម្រៅ និង​រួមគ្នា​ដោះស្រាយ តាម​យន្តការ “រដ្ឋ-ឯកជន-ដៃគូអភិវឌ្ឍន៍-សហគមន៍កសិកម្ម” ដើម្បីជំរុញ និង​បង្កើន​ល្បឿន​ការអភិវឌ្ឍវិស័យកសិកម្ម​នៅក្នុង​ប្រទេស​កម្ពុជា៕

Helistar Cambodia - Helicopter Charter Services
Sokimex Investment Group
សេចក្ដីជូនដំណឹង៧ នាទីutes មុន

ក្រសួងព័ត៌មាន និងសមាគមទីភ្នាក់ងារផ្សាយពាណិជ្ជកម្មកម្ពុជា (CAMAA) ចុះអនុស្សរណៈនៃការយោគយល់ដើម្បីពង្រឹងវិស័យផ្សាយពាណិជ្ជកម្មនៅកម្ពុជា

ព័ត៌មានអន្ដរជាតិ២០ នាទីutes មុន

ប្រជាជនថៃជាង៨៤% នៅតែមានការព្រួយបារម្ភអំពីការរញ្ជួយដី

ព័ត៌មានអន្ដរជាតិ២៩ នាទីutes មុន

​នាយករដ្ឋមន្ត្រី​ទទួលស្គាល់ថា​ថៃ​​​ជួប​ហេតុការណ៍​នឹកស្មាន​មិន​ដល់ច្រើន​

សេចក្ដីជូនដំណឹង៣៣ នាទីutes មុន

សេចក្តីជូនដំណឹង ស្តីពី ការអញ្ជើញចូលរួមពិគ្រោះថ្លៃ ការងារជួសជុលថែទាំ ការងារជួសជុលរុះរើ របងប្រវែង ៦៨ម និងកំពស់ ៣ម មន្ទីរព័ត៌មានខេត្តកែបឆ្នាំ ២០២៥

កីឡា៤១ នាទីutes មុន

ធន់​ សាក់ស៊ីន​៖​ កីឡាករ​ថៃ​នោះ​មិន​មែន​វាយ​អត់​អស់​សមត្ថភាព​ទេ​ដោយ​សារ​ខ្ញុំ​ចេញ​កាត់​រហូត​

Sokha Hotels

ព័ត៌មានពេញនិយម