ព័ត៌មានជាតិ

បងថ្លៃ វី ឌីណែត ស្ម័គ្រចិត្តទៅមើលថែប្រពន្ធដែលមានផ្ទៃពោះ៧ខែ ឆ្លងកូវីដ-១៩

បានផុស

៤ years មុន

នៅ

ថ្ងៃព្រហស្បតិ៍ ២៥ មីនា ២០២១

ដោយ

មានការចាប់អារម្មណ៍ខ្លាំងបន្ទាប់ពីមានការចែករំលែកថាបុរសជាបងថ្លៃរបស់តារាស្រីកញ្ញា វី ឌីណែត បានស្ម័គ្រចិត្តចូលទៅក្នុងបន្ទប់ព្យាបាលជំងឺកូវីដ-១៩ដើម្បីមើលថែប្រពន្ធដែលមានផ្ទៃពោះ៧ខែហើយឆ្លងជំងឺកូវីដ-១៩។

បងស្រីរបស់កញ្ញា វី ឌីណែត ដែលមានផ្ទៃពោះ៧ខែហើយឆ្លងជំងឺកូវីដ-១៩នោះមានឈ្មោះ វី ឌីណា ខណៈបច្ចុប្បន្នកំពុងសម្រាកព្យាបាលជំងឺកូវីដ-១៩នៅមន្ទីរពេទ្យ។ យ៉ាងណាមិញបន្ទាប់ពីអ្នកនាង វី ឌីណា បានចូលទៅព្យាបាលនៅមន្ទីរពេទ្យប៉ុន្មានថ្ងៃនេះក៏មានការលើកឡើងថា ស្វាមីនាងបានស្ម័គ្រចិត្តចូលទៅមើលថែភរិយានិងកូនក្នុងផ្ទៃផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមការបង្ហោះនៅលើផេកហ្វេសប៊ុកដែលមានឈ្មោះថាMedical news from Cambodia បានលើកឡើងថា សូមសរសើរទឹកចិត្តបងប្រុស ខ្លួនមិនមានមេរោគកូវីដ-19ទេតែស្ម័គ្រចិត្តចូលទៅក្នុងបន្ទប់សម្រាកព្យាបាលកូវីដដើម្បីមើលថែប្រពន្ធដែលមានផ្ទៃពោះ៧ខែហើយមាន វិជ្ជមាន មេរោគកូវីដ១៩។

ដោកឡែកនៅលើគណនីហ្វេសប៊ុកមានឈ្មោះថា Pich Kagnarith ដែល គេដឹងថាជាស្វាមីអ្នកនាង វី ឌីណា ក៏បានបង្ហោះថាសូមប៉ាម៉ាក់បងប្អូនពូមីងនិងមិត្តភ័ក្ដិទាំងអស់កុំបារម្ភទោះមានរឿងអ្វីកើតឡើងក៏ដោយខ្ញុំនិងយកម៉ាក់តាំតូច និងតាំតូចចេញពីទីនេះដោយសុវត្ថិភាព៕

អត្ថបទ ៖ ចាន់រ៉ា