ព័ត៌មានអន្ដរជាតិ

ម្ដាយបំបៅកូនដោយទឹកដោះក៏អាចចាក់វ៉ាក់សាំងកូវីដ ថែមទាំងផ្ដល់ការការពារដល់ទារកទៀត

បានផុស

៤ years មុន

នៅ

ថ្ងៃសុក្រ ២៦ មីនា ២០២១

ដោយ

អ្នកជំនាញនិងអង្គការភាគច្រើនបានណែនាំឲ្យម្ដាយដែលបំបៅកូនដោយទឹកដោះ គួរទទួលវ៉ាក់សាំងកូវីដ១៩។ ទោះមិនទាន់មានទិន្នន័យជាក់លាក់ចំពោះម្ដាយដែលបំបៅកូនក៏ដោយ តែការស្រាវជ្រាវបានបង្ហាញថា ម្ដាយបំបៅកូនមិនមានបញ្ហាអ្វីជាងមនុស្សធម្មតាឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រី Nicole Calloway Rankins គ្រូពេទ្យដែលទទួលស្គាល់ដោយក្រុមប្រឹក្សាភិបាលនិងជាសមាជិកនៃបណ្ដាញប្រឹក្សាយោបល់គ្លីនិក Lansinoh និយាយថា “ យើងបានដឹងហើយថា វ៉ាក់សាំងជារួមគឺល្អសម្រាប់មនុស្សនិងមានផលប៉ះពាល់តិចតួចប៉ុណ្ណោះ ” ។

មនុស្សទាំងអស់ក៏បានដឹងផងដែរថា វ៉ាក់សាំងលើកទី ២ (Pfizer និង Moderna) អាចបណ្ដាលឲ្យមានផលប៉ះពាល់ដូចជា អស់កម្លាំង ឈឺសាច់ដុំនិងគ្រុនក្ដៅ។ ទាំងនេះជាធម្មតាដោះស្រាយក្នុងរយៈពេល ២៤ទៅ៣៦ ម៉ោង។ លោកស្រីបន្ថែមថា“ នៅពេលដែលមនុស្សចាក់វ៉ាក់សាំងកាន់តែច្រើន វានឹងមានការតាមដានបន្ថែមទៀតអំពីផលប៉ះពាល់ដែលអាចកើតមាន ” ។

យោងតាមគេហទំព័រ ABM បានឲ្យដឹងថា“ ហានិភ័យអាចកើតមានតិចតួចសម្រាប់ទារកឬកុមារដែលនៅបៅទឹកដោះម្ដាយ ប៉ុន្តែក៏មានអត្ថប្រយោជន៍ដែលអាចជឿទុកចិត្តបានអំពីជីវសាស្ត្រអង់ទីគ័រនិងកោសិកា T ដែលរំញោចដោយវ៉ាក់សាំងផ្ទេរទៅទឹកដោះបាន។

បន្ទាប់ពីការចាក់វ៉ាក់សាំងប្រឆាំងនឹងវីរុសផ្សេងៗ អង្គបដិប្រាណ IgA អាចរកឃើញនៅក្នុងទឹកដោះក្នុងរយៈពេលពី ៥ ទៅ៧ ថ្ងៃ។ អង់ទីគ័រឬអង្គបដិប្រាណដែលម្ដាយបង្កើតនឹងផ្ទេរទៅក្នុងទឹកដោះ ដែលអាចផ្ដល់ការការពារទារកឬកុមារតូចៗពីការឆ្លងមេរោគជាមួយ SARS-CoV-2 ៕

ប្រែសម្រួល៖ សាង ស្រីល័ក្ខ

ប្រភព៖parents

ចុចអាន៖គួរចៀសវាងអាហារ ៥ ប្រភេទនេះដាច់ខាត បើចង់ឲ្យវ៉ាក់សាំងមានប្រសិទ្ធភាពខ្លាំងក្រោយចាក់ហើយ

ចុចអាន៖ជាក្ដីសង្ឃឹម! អាមេរិកអាចនឹងមានវ៉ាក់សាំងកូវីដចាក់ឲ្យកុមារឆាប់ៗខាងមុខនេះ