ជីវិតកម្សាន្ដ

ណុប បាយ៉ារិទ្ធ ប្រាប់ពីស្ថានភាពជំងឺក្រោយព្យាបាលកូវីដជាងកន្លះខែ

បានផុស

៤ years មុន

នៅ

ថ្ងៃចន្ទ ២៩ មីនា ២០២១

ដោយ

តារាចម្រៀងលោក ណុប បាយ៉ារិទ្ធ គិតមកទល់ពេលនេះបានចូលព្យាបាលជំងឺកូវីដ-១៩មានរយ:ពេលជាងកន្លះខែទៅហើយ ខណ:តារាស្រីមួយចំនួនបានជាសះស្បើយខ្លះហើយ។

នៅថ្ងៃទី២៩ ខែមីនានេះលោក ណុប បាយ៉ារិទ្ធ បានបញ្ជាក់ឲ្យដឹងថា មកដល់ថ្ងៃនេះសុខភាពលោកបានល្អប្រសើរច្រើនហើយ។ លោកថា សម្រាប់ពេលនេះសុខភាពរបស់លោកមានភាពល្អប្រសើរច្រើនហើយ ហើយកំពុងបន្តញ៉ាំថ្នាំព្យាបាលដើម្បីឲ្យបានជា និងធ្វើតេស្តឲ្យបានលទ្ធផលអវិជ្ជមាន២ដង នោះលោកគ្រូពេទ្យនិងអនុញ្ញាត្តិឲ្យលោកចេញទៅធ្វើចត្តាឡីស័កបន្ថែមនៅក្រៅមន្ទីពេទ្យហើយ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបន្ថែមថា សូមបងប្អូនបន្តរការប្រុងប្រយ័ត្នឲ្យដល់ទីបំផុតដើម្បីជីវិតខ្លួនឯងគ្រួសារនិងមនុស្សជាទីស្រលាញ់ដោយគោរពឲ្យបានមម៉ឺងម៉ាត់ ហ្មត់ចត់នៅគោលការណ៍ ៣កុំ ៣ការពារ ឲ្យបានគ្រប់ៗគ្នា។ សូមបងប្អូនទាំងអស់ មានសុខភាពល្អ កម្លាំងមាំមួន ជៀសផុតពីហានិភ័យនៃការឆ្លងជំងឺកូវីដ១៩គ្រប់ៗគ្នា៕

អត្ថបទ ៖ ចាន់រ៉ា