ព័ត៌មានជាតិ

រដ្ឋបាលខេត្តស្វាយរៀង ប្រារព្ធខួបអនុស្សាវរីយ៍លើកទី៦៧ បុណ្យឯករាជ្យជាតិ

បានផុស

៤ years មុន

នៅ

ថ្ងៃចន្ទ ៩ វិច្ឆិកា ២០២០

ដោយ

នាព្រឹកថ្ងៃចន្ទ៩រោច ខែកត្តិក ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី០៩ ខែ វិច្ឆិកា ឆ្នាំ២០២០ នេះរដ្ឋបាលខេត្តស្វាយរៀង បានប្រារព្ធខួបអនុស្សាវរីយ៍លើកទី៦៧ ទិវាបុណ្យឯករាជជាតិ(៩-វិច្ឆិកា-១៩៥៣-៩-វិច្ឆិកា២០២០)។

ក្នុងពិធីនេះ ក៏មានការអញ្ជើញចូលរួមពីថ្នាក់ដឹកនាំ ជាសមាជិក សមាជិកាក្រុមប្រឹក្សាខេត្ត និងមន្ត្រីរាជការ កងកម្លាំងប្រដាប់អាវុធទាំង ៣ប្រភេទ ព្រះសង្ឃ សាស្ត្រាចារ្យ លោកគ្រូ អ្នកគ្រូ និងសិស្សានុសិស្សព្រមទាំងនិស្សិត ចូលរួមប្រមាណ៦០០អង្គ/នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងពិធីនេះ ថ្នាក់ដឹកនាំខេត្តស្វាយរៀង បានសម្ដែងនូវកតញ្ញុតាធម៌ និងដឹងគុណយ៉ាងជ្រាលជ្រៅបំផុតថ្វាយ ព្រះករុណា ព្រះបាទ នរោត្ដម សីហនុ អតីតព្រះមហាក្សត្រ ព្រះបរមរតនកោដ្ឋ ដែលព្រះអង្គបានបូជាព្រះកាយពល និងព្រះបញ្ញាញាណជម្នះគ្រប់ឧបសគ្គ ដើម្បីនាំមកនូវសន្តិភាព ផ្សះផ្សាជាតិ ភាពចម្រុង ចម្រើន និងកិត្តិយសដល់មាតុភូមិ និងប្រជារាស្ត្រខ្មែរ

ខួបអនុស្សាវរីយ៍លើកទី៦៦ នៃបុណ្យឯករាជ្យជាតិ គឺជាព្រឹត្តិការណ៍ប្រវត្តិសាស្ត្រមួយ ដ៏សំខាន់ព្រោះបានឆ្លុះបញ្ចាំងឲ្យកាន់តែច្បាស់អំពីការរំដោះប្រទេសឲ្យរួចផុតពីរបបអាណានិគមនិយមបារាំង ហើយពិធីបុណ្យឯករាជ្យជាតិឆ្នាំនេះ ក៏ស្ថិតក្នុងដំណាក់កាលដែលប្រទេសជាតិ ក្រោមការដឹកនាំប្រកបដោយគតិបណ្ឌិតរបស់ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា កំពុងមានការអភិវឌ្ឍរីកចម្រើនគួរឲ្យកត់សម្គាល់ផងដែរ ៕

អត្ថបទ ៖ គឹមសេង