ព័ត៌មានជាតិ

បុគ្គលិកផ្នែកអនាម័យ ធនាគារ SacomBank ឆ្លងកូវីដ បុគ្គលិកប៉ះពាល់ ប្រញាប់ទៅធ្វើតេស្ត

បានផុស

៤ years មុន

នៅ

ថ្ងៃអង្គារ ៣០ មីនា ២០២១

ដោយ

អនុគណៈកម្មការស្រាវជ្រាវជំងឺកូវីដ ១៩ បានប្រកាសជូនដំណឹង ក្រោយរកឃើញបុគ្គលិកផ្នែកអនាម័យនៅធនគារ Sacom Bank តាមមហាវិថីព្រះសីហនុ បានឆ្លងកូវីដ ១៩។

ក្នុងសេចក្តីជូនដំណឹង អំពាវនាវដល់ប្រជាពលរដ្ឋដែលធ្លាប់បានទៅទទួលសេវាកម្មនៅធនាគារ SacomBank Cambodia សាខានៅទីតាំងផ្ទះលេខ២៧៤, វិថីព្រះសីហនុ, សង្កាត់ វាលវង់, ខណ្ឌ ៧មករា ចាប់ពីថ្ងៃទី១០ ដល់ថ្ងៃទី ២៤ ខែមីនា ឆ្នាំ២០២១ ប្រសិនមានរោគសង្ស័យដូចជា គ្រុនក្ដៅ, ក្អក, កណ្ដាស់, ឈឺបំពង់ក ឬដកដង្ហើមខ្លីៗ ប្រញាប់ទៅធ្វើតេស្តកូវីដ ១៩។

-ទីតាំងសម្រាប់ការធ្វើតេស្តមាន៖
-នៅវិទ្យាល័យបាក់ទូក
-វិទ្យាល័យបឹងត្របែក
-មណ្ឌលសុខភាពចាក់អង្រែក្រោម
-មន្ទីរពេទ្យខ្មែរ-សូវៀត
-សាលាបឋមសិក្សា សុភមង្គល (ក្រោយផ្សារស៊ិន ជូរី បណ្តោះអាសន្ន)
-មន្ទីរពេទ្យបង្អែកនៅតាមបណ្តាខេត្តនានា។

សម្រាប់អ្នកដែលគ្មានរោគសញ្ញា សូមដាក់ខ្លួនដាច់ដោយឡែក និងតាមដានសុខភាពរបស់ខ្លួនរយៈពេល ១៤ ថ្ងៃ ចាប់ពីថ្ងៃដែលអ្នកបានប៉ះពាល់ ឬទៅទីកន្លែងនោះ៕