ព័ត៌មានជាតិ

អ្នកធ្វើចត្តាឡីស័កជាង៨៥០០នាក់ នៅខេត្តកណ្តាល អនុញ្ញាតឲ្យវិលត្រឡប់ទៅលំនៅឋានវិញ

បានផុស

៤ years មុន

នៅ

ថ្ងៃអង្គារ ៣០ មីនា ២០២១

ដោយ

រហូតមកដល់ពេលនេះ មានអ្នកធ្វើចត្តាឡីស័កប្រមាណជាង៨៥០០នាក់ ក្នុងចំណោមអ្នកធ្វើចត្តាឡីស័កសរុបជាង១៥០០០នាក់ នៅខេត្តកណ្តាល ត្រូវបានអាជ្ញាធរខេត្តកណ្តាលអនុញ្ញាតឲ្យវិលត្រូវទៅលំនៅឋានវិញ បន្ទាប់ពីពួកគេអនុវត្តបានត្រឹមត្រូវតាមគោលការណ៍របស់ក្រសួងសុខាភិបាល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក គ្រុយ ម៉ាឡែន នាយករដ្ឋបាលសាលាខេត្តកណ្តាល បានមានប្រសាសន៍ថា នៅក្នុងព្រឹត្តិការណ៍សហគមន៍២០កុម្ភៈនេះ ខេត្តកណ្តាលមានអ្នកជាប់ពាក់ព័ន្ធសរុបចំនួន១៥២៣២នាក់ ក្នុងនោះរកឃើញវិជ្ជមានចំនួន៣៣៣នាក់ និងជាសះស្បើយចំនួន៦៧នាក់។ លោកបានបន្តទៀតថា ក្នុងចំណោមនោះមានអ្នកកំពុងធ្វើចត្តាឡីស័ក នៅក្នុងមណ្ឌលចំនួន៥៩៣នាក់និងកំពុងធ្វើចត្តាឡីស័កនៅតាមផ្ទះចំនួន៦១៣២នាក់ និងអ្នកបញ្ចប់ការធ្វើចត្តាឡីស័កបានត្រឹមត្រូវតាមការណែនាំរបស់ក្រសួងសុខាភិបាលចំនួន៨៥០៧នាក់ ក្នុងនោះនៅតាមមណ្ឌលចំនួន១១៨២នាក់និងនៅតាមផ្ទះចំនួន៧៣២៥នាក់។

គួរបញ្ជាក់ថានៅថ្ងៃនេះ ខេត្តកណ្តាលមិនមានអ្នកឆ្លងជំងឺកូវីដ១៩ថ្មីទេ ក្នុងចំណោមអ្នកឆ្លងថ្មីសរុបចំនួន១០៥នាក់ក្នុងនោះ១នាក់ជាអ្នកដំណើរពីបរទេស នៅភ្នំពេញ៤៥នាក់ព្រះសីហនុ៣៤នាក់ ស្វាយរៀង១៩នាក់កំពង់ចាម២នាក់ ព្រៃវែង២នាក់ ត្បូងឃ្មុំ១នាក់និងតាកែវ១នាក់៕