អាជីព

៨ចំណុច ដែលសហគ្រិនស្ត្រីក្នុងតំបន់អាស៊ីគួរតែយល់ដឹង

បានផុស

៤ years មុន

នៅ

ថ្ងៃចន្ទ ១៦ វិច្ឆិកា ២០២០

ដោយ

សាង ស្រីល័ក្ខ

ស្ត្រីដើរតួនាទីយ៉ាងសំខាន់ក្នុងការអភិវឌ្ឍសេដ្ឋកិច្ចប្រកបដោយភាពច្នៃប្រឌិត និងការពង្រីកអាជីវកម្មនៅអាស៊ីនិងប៉ាស៊ីហ្វិក។

នេះគឺជាឱកាសនិងបញ្ហាប្រឈមចំនួន ៨ ដែលសហគ្រិនជាស្ត្រីកំពុងប្រឈម នៅក្នុងតំបន់ដែលពួកគេរស់នៅ ៖

១. ស្ត្រីមានចំនួនច្រើនជាងពាក់កណ្ដាលនៃចំនួនប្រជាជននៅក្នុងទ្វីបអាស៊ី ហើយអង្គការសហប្រជាជាតិប៉ាន់ប្រមាណថា សេដ្ឋកិច្ចអាស៊ីប៉ាស៊ីហ្វិកនឹងទទួលបានប្រាក់ចំណូលបន្ថែមចំនួន ៨៩ ពាន់លានដុល្លារ ជារៀងរាល់ឆ្នាំ ប្រសិនបើស្ត្រីអាចទទួលបានសក្ដានុពលសេដ្ឋកិច្ចពេញលេញរបស់ពួកគេ។

២. សហគ្រិនស្ត្រីក៏ដូចជាបុរស ពួកគេចង់ចាប់ផ្ដើមអាជីវកម្ម ប្រសិនបើបរិយាកាសអាជីវកម្មទូទៅមានលក្ខណៈអំណោយផល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

៣. មានអាជីវកម្មខ្នាតតូចដែលជាកម្មសិទ្ធិរបស់ស្ត្រីជាផ្លូវការ នៅអាស៊ីបូព៌ាជិត ៦ លាន។ ហើយនៅក្នុងសេដ្ឋកិច្ចដូចជាឥណ្ឌូណេស៊ី ម៉ាឡេស៊ី ថៃ និងវៀតណាម អាជីវកម្មដែលគ្រប់គ្រងដោយស្ត្រីកំពុងកើនឡើង និងកើនឡើងក្នុងអត្រាមួយយ៉ាងលឿន។

៤. នៅសាធារណរដ្ឋប្រជាមានិតចិន ស្ត្រីតែងតែបង្ហាញអត្តសញ្ញាណប័ណ្ណរបស់ប្ដីខ្លួន ដើម្បីដាក់ពាក្យសុំឥណទាន។ ស្រដៀងគ្នានេះដែរ នៅក្នុងប្រទេសហ្វីលីពីន ស្ត្រីជាញឹកញាប់ត្រូវតែមានហត្ថលេខារបស់ប្ដីរបស់ពួកគេ លើឯកសារប្រាក់កម្ចី។

៥. ភស្តុតាងបង្ហាញថា ស្ត្រីមានទំនោរជាម្ចាស់កម្មសិទ្ធិដីធ្លីតិច ហើយដឹកនាំសហគ្រាសតូចៗ។ នៅឥណ្ឌូណេស៊ី ៨៥% នៃសហគ្រិនជាស្ត្រី ជាម្ចាស់អាជីវកម្មខ្នាតតូច ចំណែកការសិក្សានៅឡាវបានបង្ហាញថា ស្ត្រីជាម្ចាស់សហគ្រាសធុនតូចនិងមធ្យម ៦៣ % ប៉ុន្តែសហគ្រាសខ្នាតតូចនិងមធ្យម ជារបស់បុរសមានទំហំធំជាង។

៦. ការអប់រំខ្ពស់ផ្ដល់ជូនសហគ្រិនស្ត្រីនូវជំនាញ បណ្ដាញនិងធនធាន ដើម្បីធ្វើឲ្យអាជីវកម្មរបស់ពួកគេទទួលបានជោគជ័យ។ ទោះយ៉ាងណាក៏ដោយ នៅក្នុងសេដ្ឋកិច្ចដែលកំពុងអភិវឌ្ឍនិងកំពុងរីកចម្រើន មានភាគរយទាបនៃសហគ្រិនស្ត្រីដែលមានការអប់រំខ្ពស់។

៧. នៅឥណ្ឌូណេស៊ីក្មេងស្រីចំនួន ៤៨ ០០០ នាក់បានទទួលការបណ្ដុះបណ្ដាលបច្ចេកទេសនិងវិជ្ជាជីវៈផ្នែកវិទ្យាសាស្ត្រកុំព្យូទ័រ ធុរកិច្ចទេសចរណ៍និងបដិសណ្ឋារកិច្ច។ ទិន្នន័យពីសាលាគំរូចំនួន ៤០ បង្ហាញថា ក្នុងចំណោមនិស្សិតស្រីចំនួន ១០ ១៤២ នាក់ដែលបានបញ្ចប់ការសិក្សាក្នុងឆ្នាំ ២០១១ មាន ៤១% មានការងារធ្វើ និង ១២% បានចាប់ផ្ដើមអាជីវកម្មផ្ទាល់ខ្លួន។

៨. ប្រមាណ ៤២% នៃប្រាក់កម្ចីពីកំពូលស្ថាប័នមីក្រូហិរញ្ញវត្ថុចំនួន ១៤ ជាមូលនិធិធនាគារអភិវឌ្ឍន៍អាស៊ីនៅ Tajikistan ត្រូវបានផ្ដល់ដល់ស្ត្រីដែលចូលរួមក្នុងសកម្មភាពសហគ្រិន បង្កើនប្រាក់ចំណូលនិងពង្រីកប្រភពចំណូលរបស់ពួកគេ៕

ប្រែសម្រួល៖ សាង ស្រីល័ក្ខ

ប្រភព៖adb