ព័ត៌មានអន្ដរជាតិ

ទៀតហើយ! បាញ់ប្រហារដ៏សាហាវនៅអាមេរិក ស្លាប់មនុស្ស ៤ នាក់

បានផុស

៤ years មុន

នៅ

ថ្ងៃព្រហស្បតិ៍ ១ មេសា ២០២១

ដោយ

ទូរទស្សន៍ព័ត៌មានក្នុងស្រុក NBC បានរាយការណ៍ថា ការបាញ់ប្រហារមួយបានកើតឡើងកាលពីល្ងាចថ្ងៃពុធនៅទីក្រុង Orange ចម្ងាយ ៥៥ គីឡូម៉ែត្រភាគអាគ្នេយ៍នៃទីក្រុង Los Angeles បណ្តាលឲ្យមនុស្សយ៉ាងតិច ៤ នាក់ស្លាប់ និង ២ នាក់ផ្សេងទៀតរងរបួស ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នាយកដ្ឋានប៉ូលិសទីក្រុង Orange និយាយថា ពួកគេបានទទួលរបាយការណ៍នៃការបាញ់ប្រហារនៅម៉ោង ៥ និង ៣០ នាទីល្ងាច ហើយបន្ទាប់មកបានរកឃើញ “ជនរងគ្រោះជាច្រើនរួមទាំងអ្នកស្លាប់” ផងដែរនៅកន្លែងកើតហេតុនៃការបាញ់ប្រហារនោះ ។

មនុស្ស ៤ នាក់ត្រូវបានប្រកាសថាស្លាប់នៅនឹងកន្លែង ហើយមនុស្ស ២ នាក់ទៀតត្រូវបានបញ្ជូនទៅកាន់មន្ទីរពេទ្យដែលនៅក្បែរនោះ ។ នេះបើយោងតាមទីភ្នាក់ងារពន្លត់អគ្គិភ័យ Metro City ដែលជាអង្គភាពផ្តល់សេវាពន្លត់អគ្គិភភ័យ និងសង្គ្រោះបន្ទាន់ដល់ប្រជាជនជាង ១.២ លាននាក់នៅទីក្រុង Southern California រួមទាំងទីក្រុង Orange ផងដែរ ។

ទន្ទឹមនោះបណ្តាញប៉ុស្តិ៍ព័ត៌មាន ABC 7 បាននិយាយថា ប៉ូលិសគ្រាន់តែបញ្ជាក់ថាមានជនរងគ្រោះជាច្រើននៅនឹងកន្លែង ហើយអ្នកខ្លះត្រូវបានសម្លាប់ប៉ុណ្ណោះ ប៉ុន្តែចំនួនជនរងគ្រោះពិតប្រាកដមិនទាន់អាចកំណត់បាននៅឡើយទេ ។