ព័ត៌មានជាតិ

ពេជ្រ សោភា ផ្ដាំផ្ញើដល់បងប្អូនទាំងអស់គ្នាត្រូវអនុវត្តវិធានការ ការពារក្រោយដឹងលទ្ធផលលើកទី៣

បានផុស

៤ years មុន

នៅ

ថ្ងៃព្រហស្បតិ៍ ១ មេសា ២០២១

ដោយ

តារាចម្រៀងលំដាប់ជួរមុខរបស់ផលិតកម្មហង្សមាសអ្នកនាង ពេជ្រ សោភា បន្ទាប់ពីធ្វើចត្តាឡីស័កនិងរង់ចាំលទ្ធផលធ្វើតេស្តលើកទី៣នោះ ពេលនេះបានចេញច្បាស់ៗហើយ។

តារាចម្រៀងស្រី ពេជ្រ សោភា បានបញ្ជាក់ដោយអារម្មណ៍រំភើបនិងស្នាមញញឹមថា ជាលទ្ធផលដែលធ្វើតេស្តទាំង៣លើករបស់នាងបានដឹងអស់ហើយពោលគឺ អវិជ្ជមាន ទាំងអស់។ នាងបន្តថាលើកទី១ថ្ងៃទី០៩ ខែមីនា គឺអវិជ្ជមាន, លើកទី២ថ្ងៃទី១៣ ខែមីនា អវិជ្ជមាន និងលើកទី៣ថ្ងៃទី២៨ ខែមីនា គឺអវិជ្ជមាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពេជ្រ សោភា បានបន្ថែមថា សូមអរគុណបងប្អូនដែលបានព្រួយបារម្ភ សូមថែទាំសុខភាពទាំងអស់គ្នាបើសង្ស័យថាខ្លួនផ្ទុកកូវីដ-១៩។ នាងសូមសំពះលើកដៃអង្វរបងប្អូនសូមចូលរួមធ្វើតេស្តទាំងអស់គ្នា ព្រោះការធ្វើតេស្តគឺមិនឈឺចាប់មិនអស់លុយ ហើយធ្វើឲ្យបងប្អូនបាត់ភ័យ និង សង្ស័យទៀតកុំភ្លេច ៣កុំ ៣ការពារ៕

អត្ថបទ ៖ ចាន់រ៉ា