ព័ត៌មានជាតិ

ចូលរួមត្រេកអរ ប្អូនស្រី វី ឌីណែត បានត្រឡប់ទៅផ្ទះវិញហើយ

បានផុស

៤ years មុន

នៅ

ថ្ងៃសុក្រ ២ មេសា ២០២១

ដោយ

ប្អូនស្រីរបស់តារាចម្រៀងកញ្ញា វី ឌីណែត ដែលបានឆ្លងជំងឺកូវីដ-១៩ដែរនោះ ពេលនេះបានជាសះស្បើយពីជំងឺដ៏កាចសាហាវនេះហើយ បន្ទាប់ពីសម្រាកព្យាបាលជាច្រើនថ្ងៃកន្លងមក។

តារាចម្រៀងស្រីកញ្ញា វី ឌីណែត បានបង្ហាញអារម្មណ៍រំភើប និងត្រេកអរខ្លាំង ក្រោយទទួលដំណឹងថាប្អូនស្រីរបស់ខ្លួនបានជាសះស្បើយពីជំងឺកូវីដ-១៩ និងត្រូវបានអនុញ្ញាតិឲ្យវិលត្រឡប់មកផ្ទះវិញ តែបន្តធ្វើចត្តាឡីស័ក១៤ថ្ងៃទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញ បើតាមការកត់សម្គាល់ គេឃើញតារាចម្រៀងកញ្ញា វី ឌីណែត តែងតែបង្ហាញពីអារម្មណ៍សោកសៅផងដែរ ខណ:ដែលនាងនិងក្រុមគ្រួសារត្រូវបាត់បង់អ្នកម្តាយជាទីស្រលាញ់ដែលស្លាប់ដោយសារជំងឺកូវីដ-១៩។

សូមជម្រាបដែរថាកញ្ញា វី ឌីណែត បច្ចុប្បន្នកំពុងបន្តធ្វើចត្តាឡីស័ក១៤ថ្ងៃ នៅសណ្ឋាគារសុខាបន្ទាប់ពីជាសះស្បើយពីជំងឺកូវីដ-១៩ ចំណែកបងស្រីនាងម្នាក់ទៀត ដែលមានផ្ទៃពោះជាង៧ខែឆ្លងកូវីដ-១៩ដែរ ក៏កំពុងសម្រាកព្យាបាលជំងឺផងដែរ៕

អត្ថបទ ៖ ចាន់រ៉ា